小玩意

2007年尾在沙田旅行社睇睇下旅行資料...阿B突然同我講...我地結婚咯...!!  我又好順口咁答佢 : 好呀!!   佢聽到後係咁笑...兩個人傻下傻下咁...當然呢次唔算正式求婚啦...無咁易...!!

之後懶懶閒咁又過左幾個月...終於響2008年2月14日...響我訓到傻下傻下途中...應該係至烏wet既時候...佢拎住隻戒指同埋扎花...跪響床邊叫我嫁比佢...o個刻應該好浪漫...不過我隻細細狗仔就以為阿B匿埋同佢玩...所以係咁響張床周圍跳...仲跴住我個頭!!! =__="  真係比隻攝石狗激死...破壞晒!!  不過真係好難忘...估唔到阿細都有份參與......

呢隻係我第一隻收到既求婚戒指~~~ 呢隻佢叫我平時戴...哈~~

點解話係第一隻?!  因為接住阿B再拎多一隻出黎比我......o個一刻好開心...不過佢叫我呢隻唔好隨意拎出黎戴.......~___~"  即係睇得唔戴得...因為我比較粗心大意...佢驚我整唔見...所以只可以重要場合先拎出黎!

收到呢兩隻小玩意之後...本來打算2008年結婚的...但係我地又係因為懶...點知黃大少話佢會6月註冊...9月擺酒...打亂了我地計劃添...計劃順延了一年...不過又無乜 planning...又諗住擺得圍數少...諗住應該好易搵場地...終於搞到家下搵到唔係理想既場地...仲要煩緊夠唔夠位招呼人...

為左影婚紗相...所以我地大概 2008年 5 月已經買左幸福指環喇!!  我地行左好多鋪頭...不過都搵唔到心頭好...基本上我地要款式一樣的...簡潔的...最好無花紋...有石都無問題...最後一致通過買呢對做我地結婚既信物......

白色的盒子...我好鍾意...好靚~~

兩隻都有粒石...不過唔公平...佢o個粒大好多...!!  而且佢o個隻貴成千蚊有多 ><"!!!  偏心~~

戒指入面刻左我地個名...仲有大日子日期...佢地匿響夾萬好耐喇...!!  雖然已經戴過兩日黎影婚紗相...但係我相信感覺會好唔同...好期待十多日後正式有人為我戴上......