今日終於去左溫馨 final fitting 喇... 我依然無乜瘦到...著起婚紗還可以...因為仲有個頭紗遮一遮D鬼祟肉...不過溫馨o個度d阿姐...成日 sales girdle...又話我o個個點點點...佢o個d又點點點...我就唔覺有咩分別囉!! 而家我既問題唔係腰...係格甩底隔離o個兩忽肉呀!!! 佢地根本無幫我改好d條裙...只係一味叫我買佢地d girdle...最激氣係我個伴娘...唔幫口仲好...佢居然仲幫人地話係我既問題...咁我係身型唔好...咁家下條裙係唔o岩身嘛...兩條裙個胸都係鬆到死...即係胸位唔夠肉啦...咁都唔幫我整個 pat?? 裡面邊可能無野架?! 就算我有 girdle...我都唔會咁堅下話?! 鐵奶罩咩?! 真係激死我!!
遠睇都好清楚...係一高一低...係中間凹左所引致既...!! 後黎加左個 pat 自然 d 囉!! (不過無影到!!!!) 其實個頭紗好娘......家下唔興呢 d 兩層或三層頭紗...而且放左落黎好睇咩?! 要研究下先得...!! 條裙已經咁多野...由頭到尾都好論盡!! 唉...shirley 仲幫我 set個放晒d頭髮落黎既造型...成個人變得更大份...行步路都好吃力...我都係想束起d頭髮~~有點擔心註冊時...點坐先好...頭先坐低著鞋...條裙個肚既位置拱起晒...唔係我肚腩...係條裙自己拱起的~~到時唯有用手按住...
除左係泡泡款麻麻地之外...佢係幾閃既...同埋呢條裙著得一陣...所以算了......
呢條送客裙...我覺得有d 殘...但係居然得我覺?! 裙腳又烏糟...但係佢地又話唔覺?! 我對眼真係有問題??? 我唔會著呢條出黎!! 好肯定!! 而且著得超級肥呀!! maggie 仲大大聲指住我同人一齊夾攻話 : 係你既問題!!!!! 好嬲...!! 所以我決定唔會著囉!! 我會再去搵過條黎送客!! 哼!!!!!!!!!!!!!!!!!!!!!!!!!!!!!!!!!!!!!!!!
後面...唉...我都覺得唔靚...
我至唔鍾意披肩...真係十足呂珊既年代...好登台 look...家下只係差支咪.......我著得好唔自在...我唔想咁黎送客...仲要比d客咁近距離望...越睇越討厭!! 佢地話無問題?! 其實著得唔舒服無自信就係最大問題!!! 我一生人得一次...我唔想咁!!! 試加左呢件披之後...令我要搵過件送客戰衣既決心更堅定!!!!!!!!!!!!!!!!
溫馨 d 人根本唔認真幫我改裙...條裙佢都無幫我整好...咁叫 fitting 咩?! ~____~"
***
阿B的戰衣...換左條領再試...!!
之後到伴娘 fitting...佢成日話我因為揀唔到衫先比個 quota 佢...唉...其實係佢誤會左...根本呢個 package 係包左一件伴娘衫的...嗚嗚~~~
原來 Maggie 都幾大份的...怪唔得佢著衫同埋褲既 size同我一樣啦...真係睇佢唔出啊!! @@~!!
佢條腰真係好粗下...怪唔得佢堅持要買 girdle @@~~
溫馨既衫終於搞惦~~!!
沒有留言:
張貼留言