之前其實已經整好 d 兄弟同埋親友既襟花...不過總係覺得 d 葉影出黎ok...不過實物好似差d咁...而且兄弟o個d好似沉色左少少...所以決定拆晒再重新整過...!!
可能有左經驗...今次快手左好多...終於整晒喇...不過仲要做 d 後期加工...但未有材料要遲d再搞搞...不過我無做過堅硬測試...希望各位到時鏡錫d捱得到夜晚...呵呵~~
總共整左13個手花...11個襟花...手指頭都痛...不過今次阿B比我 90分...哈~~比上次多左10分...仲有進步空間...因為要就番另外四個訂番黎既親友襟花手花既 size ...所以今次做番細隻d... 另外因為我個花球係小牡丹...而且我覺得呢隻花既外影圓碌碌幾得意...所以決定所有襟花手花都用小牡丹做主花~~
因為要用左o個 $200 deposit ...所以之前響 Trinice 訂左d襟花手花...呢個就係親友既款式...所以我要以呢個做藍本...儘量做差唔多...當然佢整既靚d啦~~
獻醜時間黎喇~~~
(1) 兄弟姊妹既襟花手花 (未加工) :
兄弟用紫色加T字扣...姊妹用粉紅色加粉紅色珠鍊...效果得嘛?!
伴郎既襯花就由黃色轉用橙色 (因為伴郎好鍾意用橙色...哈哈)
伴娘既襯花就由淡黃色轉用深黃色...
因為花材有限...所以只能夠作少少變化...睇唔睇得出呢?! heehee~~ ^^"
↓ 伴郎: ↓ 兄弟:
↓ 姊妹手花: ↓ 姊妹: ↓ 伴娘:
↑ 兄弟襟花: ↑ 四式組合:
(2) 親友的襟花手花:
橙黃色...真係好搶眼...!!
下面o個兩個係特別做比當日朝早黎撐場既特別嘉賓... TT 兩母女...細既係 TT 既...大既係 Winnie既...希望佢地鍾意啦...TT 當日你媽咪架花車D佈置係我同B哥整架...你daddy同班兄弟叔叔...訓到唔知醒起身接你媽咪呀!!! 哈哈~~~ 丫.......原本仲做漏一個...就係小松仔的...雖然佢已經大個仔 (開始變聲...)...但係響我心目中...佢仲係小朋友一名...所以無理由佢無...聽晚做埋比佢先得!! 佢今日讀我地作比佢媽咪既愛的宣言...笑死我...我都差d唔記得內容了...
仲有蝴蝶結未搞惦...不過應該接合方面唔太難既...算係搞惦呢個項目喇!!
伴娘幫我整廿幾隻蝴蝶結...佢話綁到隻手有點抽筋...哈~~
***
我屋企隻o靚妹...佢可能覺得要有份參與下賀下我地咁...所以次次都響度借D意入下鏡...仲要叫極唔走...不過都好既...將來睇番...有佢響度阻阻貢都幾搞笑既...
***
而家我要著手研究下我當日既造型喇...上次 final trial 效果總係覺得唔太適合我...但係我又講唔出我想要d乜...所以要認真去想想了......
沒有留言:
張貼留言