2011-08-30 Card Making@Fliegen

前一排知道有位 blogger 開左間 scrapbook store...令我地喜愛 scrapbooking 的朋友們可以多個外國以外既選擇...真係好開心...我都鍾意 d 野可以拎到上手睇...姑終網上買野只係睇圖黎買無咁過癮...!! 

其實早在開店無耐就想上去睇下...不過上次行到我身水身汗都搵唔到邊度...所以最後放棄了~~!! 

不過之後響 FB 見到有個 Card Making Course...我好耐無玩咭了...所以決定去玩下啦~~~ 而且仲可以有 $100 coupon...可以響店內用黎買野...真係好消息...!!  如果報早d仲有 $150 coupon 添...!!  

前幾日 (30/8) ...一向都係路痴既我...雖然知道間鋪大概響邊...但都係搵唔到...終於要打電話問...仲要問極都唔知...原來我面向的方位有錯誤...哈哈~~~

雖然只係小小的一間鋪位...不過裡面相當精彩...令人目不暇給...如果定力唔夠就一定會流血不止收場...  幸好...極力控制自己...只係買左兩 pack 紙 & 訂左個月曆~~!! 

其實我最怕用間尺來度尺寸...因為我唔知點解次次都會度錯的...哈哈哈~~~ 點都會差少少...真係唔知點解...今次都唔例外...又cut 斜左喇~~!!!  我覺得我係有某 d 障礙症既人黎~~~  

一齊學既仲有兩位同學仔...佢地好可愛...又有心機呀~~~ 整得好靚呀...大家睇住成品都好開心...之後一齊敗家...互相做魔鬼...好搞笑~~~

今堂玩得好開心...響屋企想玩又懶拎 d 工具出黎...加上張工作檯又未執...成日比人哦...哈哈哈~~~~ 而且呢個月想 KO 晒朋友的婚禮用品...所以都係要遲D先可以再響屋企做 card & album~~!!

哈~~~ 加埋 Melody 嗰張落去一齊合照~~~~

今次係學整 Slide Card...見到張咭之後...至醒起我之前都整過類似既...不過呢張 slide 得有效果 d ...Melody 設計得非常好呢~~~!! 

呢個係未拉出黎既效果~~~ 啡和粉紅的配搭...出奇的配合...哈~~~但唔係我襯得好啵...係導師比我地揀嗰 pack 紙全部係呢類色...其實點襯都會靚的!!    好多謝 Melody 對我地既耐心教導呢~~~~ 佢仲有其他課程都好吸引架...不過時間唔啱...所以有機會都想再跟佢學習呢~~~~

拉出黎喇~~~~ 見到個 L O V E ~~~ 閃閃的效果...靚~~~

哈~~拎左返公司放左響檯頭...真係好鍾意~~~~ HEEHEE~~~

放左學...就去左重慶站的 Riachel's cookies 拎 cookie...我第一次黎呢個商場...相比起其他商場...唔知點解我入到去...有種幾驚的感覺...哈~~~ 可能成日形住重慶大廈好雜啦...呢度又響佢隔離啵~~~ 總之好奇怪啦~~~~ 拎完我都快快腳離開喇~~!! 

個樽好靚呢~~~ d cookie 都唔錯啵...有幾隻味架~~~

曲奇六重奏 絕非碎料 樽裝手作曲奇（6款味道：75%朱古力、PIZZA、黑芝麻、綠茶、杏仁、法國朱古力