2011-09-19 挑戰 3D CAKE

星期一 (19/9) ... 約左同學仔一齊去學整立體麵包超人蛋糕...上次團購剩左兩張 coupon 認真難 book...次次月頭第一日上網預約班班都 full 既...
9月尾到期喇...差d都 book 唔到...最後我地唔理係咩都報左先...費事浪費左兩張 coupon呀!!

其實我地都麻麻地鍾意食 cream ... 不過唧呢個係攰 d ... 但係都幾好玩啊~~~




搞左兩個鐘...我地既作品誕生左喇~~~

呢個係朋友既作品...大眼仔麵包超人~~~

呢個係我既麵包豬人~~~ 個咀係 Miss 代筆...因為我畫既大咀...比我整斷左!!!!! 

雖然我地唔係唧得好靚...不過遠睇都幾似丫~~~~

哈哈~~~ 因為阿B月頭學整過 3D CAKE...所以佢話我唧得唔夠密呀~~~ 梗係啦...要快丫嘛...而且只係提供大唧咀喎!!  其實我已經幾滿意架喇...!!  嘿嘿~~

我唧剩一行發覺唔多夠 CREAM ...有同學仔仗義幫我...佢有剩 CREAM 比埋我...不過同我D色好大出入...而且佢 D CREAM 好似打得過左龍...好難唧...
所以最後我係咁刮自己個兜...好彩都夠唧埋嗰半行~~!! 

第一次整...係咁上下啊...HAHAHA

兩個敗家精上堂之前...一齊去食野...其實已經好趕時間...點知食食下仲吹水...講去 白朱古力 買野近期有咩送...有咩新款衫 & 袋...講到忘晒形...好興奮!! 

醒覺時已經七點一...我地返七點架嘛...拿拿林埋單...衝去搭 lift ...仲落雨添!!  好彩上到去都未齊人...有四個仲遲過我地...!!!  
其中兩個搭四左右先黎到...黎到仲黑口黑面...好怕呢d人...衰左仲發人脾氣!!  比面色人睇...仲啤住 miss 添呀!!! 
可能怪 miss 催呢位大小姐啦~~ 遲大到仲咁惡...真係咩人都有!!

我仲帶左之前團購買既 朱古力雨 iphone4 case 比同學仔...!!  好靚架~~~ 佢又送番張之前響 頭條日報剪印花加 $$ 換既 朱古力雨儲物盒比我...我地玩交換禮物!! 
哈哈~~~好開心~~~我地兩個就係咁...好少事都開心一番...笑聲又震天...特別係講衰野嗰時~~~哈哈哈~~~

阿B星期四返學...幫我去長沙灣團購公司度拎架...真係辛苦晒佢呢...!! 





而我自己就買左呢隻...因為有巴黎鐵塔啊!!!  Honeymoon 時到過的呢~~~ 情意結~~