小豐收

剛剛過左中秋...一早一晚有點涼意...今個中秋...見到月餅又愛又怕......

每年公司都會送一盒月餅比員工...我同阿B加埋已有兩盒......之後客送黎既經畫鬼腳又每人抽中一盒...即係我地已經有四盒...我又買左兩盒半島月餅...兩盒 Tomato 月餅請同事食...前前後後就變左好多月餅喇......!!  之前仲口痕買左四個飛甩老土月餅黎過口癮...家下都食到有點呆呆滯滯咁...!! 

今年真係好有月餅緣...仲意外地收到遠方內地的香港同事轉贈給我的兩盒月餅!!! 

 

事緣因為公司有人玩野......留難同事...堅持要遠方的同事一定要自取 or 找同事代取公司送的月餅...!!  連家人親自來取都不可以......!!   唔通叫遠方同事搭飛機返黎拎盒月餅咩?!  就係因為咁......兩位同事先後在 e-mail 中說明將盒月盒轉送給我.......收到當然好驚喜啦~~~ 其實佢地有呢份心意我已經好開心...因為公司咁多人...居然係指明比我...其中一人仲要係高層...真係受寵若驚啊!!! 

不過收到的同時...慣例聽到 d 難聽的說話......其他知情的同事看不過眼...對我說不要怕難為情...又唔係比佢...駛乜理佢講乜...!!  況且...又唔見人地話比佢?!   咁又係啵...!!  開心番!! 

我有同呢兩位同事講...下年我可以幫他們代領...再幫他們轉寄月餅劵給他們的親人也可以的!!   其實...我覺得呢d都係好簡單既事...而且公司都係想人人開心既啫...都唔明點解要搞到咁複雜...!?  怪唔得個個聽到呢個人個名都怕怕......

*** *** *** *** *** *** *** *** *** *** *** *** *** *** *** *** *** *** *** *** *** *** *** ***

今年生日 (3/9) 係星期六...長週要返工...阿B因為調左週...本來唔駛返...不過都有車我返公司...!!  今日老闆女格格返左黎...之後見佢出左街...返黎時......佢居然同我講生日快樂!!  真係好意外啊!!   佢話見到阿B...係佢講的!!  哎呀~~ !!!   

更意外地佢居然即刻買左份禮物比我!!!   真係好大個驚喜呀!!    多謝晒呀~~~ D 軟糖好好味呢~~~~

今年朱古力送的生日禮物...好無厘頭的紙巾盒 ~~@@!!

另外...收到好合用的 mask...近黎乾到爆呀~~~~ 係咁出酒米...我又多手 "o滅 " 損晒...變左花面貓呀!!!  

仲有收到一個好名貴的桃呀...!!  零食達人送的...佢好搞笑...唔知醒返工...!!  上司叫佢唔駛返來鳥...佢真的燒鬚鳥...我比佢笑死鳥!! 

佢話唔好意思...買唔切禮物比我...只係買食既野...其實送咩我都無所謂...都係嗰句 : 有心就得鳥~~!! 

呢個桃真係清甜到丫...真係好好味呢~~~!!!  不過實在太貴鳥...!!

還有好同事夾 $$ 請我吃的 Lunch~~~ 嘻嘻哈哈的食左一餐鳥...大滿足~~!!

好多謝朋友們在 FB, MSN, SMS, 電話內的祝福...全部收到鳥...太多無遂一多謝鳥...今年的生日...真的太開心鳥~~~!!!