2011-09-10 細細@Studio again

上星期六 (10/9)...我地又帶左細細小狗去左影靚相了!!  當然都係團購啦~~ 包廿四張相包普通執相...仲有隻設計封面的 CD...24張証件相...只係兩百蚊...去玩下都抵啊~~~

今次係去銅鑼灣一間大型狗仔鋪入面影...有間狗仔美容中心...仲有間狗 cafe 添...

約左3點鐘...泊埋車上到去都已經兩點十喇...響 cafe 等左陣...就輪到我地入去影喇~~

小狗細細勁緊張...坐都坐唔定...成日想落地行...可能 cafe 入面有幾隻熱情的狗仔成日行埋黎撩佢啦~~~ 不過我地費事佢玩到烏糟又跴人地d 尿尿...所以無放佢落地玩喇~~

噓...都唔肯坐定定...又唔望鏡頭啵...好難同佢影到一張合照呀~~!! 

成日周圍八的小朋友~~!!

哈~~~終於捕捉到佢笑喇~~~

痴住阿B佢就最開心~~~ 去邊都無所謂咁既款!!! 

今次只係得一個鐘影相時間...帶左四件衫仔比攝影師揀...最後四件都有影到...

呢度好細...只係有一張大檯...有一架車仔...今次小狗同我地只係得兩次合照...比較少...

影到一半先記得拎相機出黎影下花絮...@@~~ 因為隻狗仔勁緊張啦...佢可能唔鐘意得自己響張大檯度呀!!  攝影師剛想影佢坐響度...佢又即刻起身周圍行...又兩頭擰唔合作啵...搞到我地三個都好忙咁整 d 聲呀引佢注意...!!

隻傻妹好搞笑...因為攝影師叫我地唔好行咁前...因為細細會以為我地會抱佢...會仲嗲...!!  點知傻傻妹出絕招...見無人理佢...就係響度好嗲的 " 奀奀 " 叫...聽到我地即刻心軟...最後阿B要走近間中安撫下佢先得!!  摸佢時又乖乖扒響度...真係比佢吹脹呀!!  呢隻小狗真係極痴纏呀!!  不愧名為 " 痴身痴細 "!! 

睇下佢...發現我地響遠處又唔埋黎既樣呀~~~!! 

攝影師阿 Yan 讚小狗細細好乖...佢幫細細影相時好有耐性...間中仲抱起佢黎安撫下...阿細好搞笑...落親地都走去搵佢~~!!   一個月後有相揀...阿 Yan 話第二晚會 send 幾張細相比我地睇下先...真係唔該晒你啊~!!

第二日阿B就已經收到三幅細相了...真係好細 size 的相...哈哈~~~ 晒 2R 都唔得~~

3張都影到佢伸痢仔出黎...嘻~~~

十月中會去荃灣影...期待...期待~~