上星期三 (31/8)...我地之前買左 d Fotomax's coupon 的最後使用日期...阿B要整 8 本相冊...又要執相...整到佢痴根!! 邊個叫佢懶...哈哈哈~~~ 係要堆落最後限期先完成!!! 不過之前一晚...佢要整到三點幾無得訓......叫佢放棄...佢又堅持喎!! 如果佢將呢份堅持早D實行就唔駛咁忙啦~~~嘩哈哈~~~~
我地揀左去禾輋整...可能大把人都係咁懶...而且間鋪居然只係得一個人做野!!! 所以搞到排晒長龍喇~~~
我地都算快手啦...咩都一早搞惦晒...files 又清楚...只係去揀封面...張 form 都係自己搞惦埋...唔駛阻住其他人啦~~!!
不過排響我地後面嗰位港男...真係唔好老脾呀...佢自己無 print coupon 出黎仲要串串貢啵!! 最搞笑係佢話 : " 我唔會再排囉...!! " 大哥!! 咁你係無 coupon 丫嘛...咁人地咪話可以幫你 print 出黎...只不過要收 $$...仲要話 : " 即係而家點...?! " 負負氣氣問 : " 幾錢呀?! " 你估真係顧客永遠是對的咩?! 都要睇你有冇道理架嘛!!
呢d 人就係典型明知自己衰左...仲要凶人...諗住聲大大就可以嚇窒人...掩飾自己唔啱......真係令我想起某人......明明自己衰在先...仲要反客為主搞埋d小動作博人可憐.....
搞惦晒 d 相簿之後...就去搵野食...不過都無乜邊間想去...所以又去左意樂食野...
阿B試左個鐵板和牛 + 天使麵...都唔錯啵~~~
我就試左個蕃茄牛肉飯...不過 D 蕃茄...原來只係得一 pat 仔響面頭...@@!!! 但係味道都唔錯...!!
沒有留言:
張貼留言