2011-09-16 迪迪尼黑色世界~~率先試玩!!

上星期五 (16/9)...我地同兩位好友一齊去左迪迪尼!!!  對上一次黎都好似係玩黑色世界...都已經係幾年前既事喇!!

今次我地係買團購的率先試玩...每位 $188 ...包 DINNER...我地決定請幾個鐘頭假黎玩~~~ 頭入迪迪尼黑色世界!!!! 

呢日都幾熱下...我地去到 3:00 左右...未夠鐘去換飛...所以就周圍影下...哈~~~已經熱到成身汗了!! 

終於換到飛喇...有我地既情意結~~~~魔法米奇!!!! 

 

仲有晚餐劵~~~不過唔包飲品!!!  @@~!!

送左副眼罩...係入場時出過下場...之後我都無再拎出黎...哈哈~~~

因為實在太熱...所以首先入去 SHOP 度過下冷河...吸夠冷氣先出去搏命!!! 



OH~~~ 魔法米奇...次次見親佢就記起 N 年前第一次去日本...阿B買比我的四呎高的它!!!!  



戴卡通人物帽扮野係必然既港女行為...HEEHEE~~~

阿JACK 係今次既主角...梗係要同佢跳番 PART 舞先...MAY I...?! 

我真身其實咪就係阿 JACK 囉~~~~!!! 

好明顯我唔係史迪仔!!!! 

其實我幾鍾意呢個雙面的 Cushion...不過咁大過...又唔想拎啵!!!!

裡面唔知係糖定曲奇的 Jack~~~

多精品到丫~~~

米奇南瓜呀~~!!!

終於我係買左其中一樣精品...估下係乜?! 



魔法米奇水晶擺設呀!!!!  閃呀~~~~ 靚丫!!!



終於吸夠冷氣...影左一輪扮野相...我地就正式出發入去玩喇~~~!!





首先玩既係  巴斯光年!!!   即係揸住支好重下既槍響度射射射取分~~~~無乜人排隊...一入到去就即玩喇!!!

其實我覺得麻麻地好玩...所以射左一陣影佢地玩仲得意~~~

好認真射的兩個人...hahaha~~~

哈哈哈~~~~~傻仔呀~~~!!!! 

之後再去玩 Space Mountain...哈~~~有個朋友唔敢玩呀!!!! 
點知排我地前面嗰個妹株仔只係三歲咋...都夠膽玩呀...玩完仲好鎮定答我地 very fast 呀!!! 

哈~~~ 迪迪尼學精了...知你地d人會影底個 mon 又唔買相啦!! 
大大隻字呀...影丫喇!!!  哈哈~~~照影...都睇到我地既表情丫!!!  嘿嘿~~~

D/L 左個 APPS...可以見到 POSTER 就捉鬼...不過玩左兩次就無玩了...都唔好玩既~~~~

怪唔得其他遊戲無人玩啦...個個黎晒呢度排隊呀!!!  我地都排左個幾鐘呀!!!!  

哈~~~好一句 " 好自為之 "!!!!  即係話 : " 係你自己願意排咁耐咋...睇個無乜好睇既鬼屋...唔好怪人呀!!!! "
哈哈哈哈哈~~~~





入去嚇鬼前影番一張合照先...!!!!

 

六點幾就走去醫左肚先!!!  我地揀左呢間食包 & 雞~~!!  不過唔好食的!!!  如果要用七十幾蚊黎買...真係笨得梗要呀!!!

個餐唔包飲品...局我地要買廿幾蚊杯史迪仔汽水!!!! 

 

之後排隊睇第二個鬼屋...呢個排左個半鐘左右...點知呢個仲無野睇...!!! 

睇完D搵笨野...就黎到戲肉喇!!!  搵番個靚位睇煙花先...!!!  都唔記得第幾次睇了...都係咁吸引咁靚~~~

近距離有聲有影咁睇...真係好正!!! 

矮仔城堡好閃呀~~~~

等緊無頭騎士巡遊無聊影~~~哈哈~~~ 我地夠係無頭啦~~~~ 無厘頭呀!!!!!! 

呢個無頭騎士巡遊就真係無誠意喇...只係好似一班人拖佢返去收工咁~~~~~




之後再等重頭戲...阿Jack 的光影巡遊....um...同以前睇既係一樣...都無乜改變.......
不過阿Jack 都係咁型...hahahaha~~~

坐得真架勢~~~~

最後出場既係一班迪迪尼卡通人物...咁熱...辛苦晒啊!!!!!!!!!!!!!!!!   唔該晒你地呀!!!!!

周街都撞鬼...我地就嚇鬼...哈哈哈~~~

 

玩得好開心既一日...!!!   多謝丫烏團購...hahaha~~~

今日既收穫...勁靚的 iphone 4 case & 布魯托...呢隻買比剛離開公司的小妹妹...佢勁 like 呢隻dog!!!