再戰馬卡龍

2012-02-24 參加左一班馬卡龍班...不過覺得有少許搵笨...

因為材料係二人份量...即係兩個人一齊做!!

所有野唔係一手包辦...要同別人夾住黎做...有d無癮...!! 

其實 d 材料都唔係好貴啫...?! 

同 partner 商量後...決定唧細粒d...咁咪可以成品多d囉...

輪住黎做真係好無癮...唔知佢整定我整好...有點麻煩囉~~!!

因為天氣極潮濕 (濕度100%呀!!!)...所以要自備風筒用凍風吹...加快乾先可以拎去焗!

全班十四人...分七組... 輪住用打蛋器...輪住用磅...輪住用焗爐 (得兩個爐)...

情況有點混亂~~!! 

我地揀左粉紅色...不過唔多夠色咁...其他既紫變左灰灰地...綠色都幾好...

因為唧得細粒...所以我地可以唧到兩盤...

可能因為細粒...反而係咁多盤效果最好...@@~~ 似dd樣...!!

知道馬卡龍易整但難整得好...因為爐溫都好重要...而且一入爐就要金精火眼昅實...

一起裙邊就要解爐溫...有d同學變左開始面濃但裡面仲未得...

有d就焗到爆晒走晒樣...其實都幾難控制...怪唔得賣得咁貴啦~~~~~~~~~~!! 

因為我地係第一個入爐...又整得的式...

出爐時...成班同學好興奮...個個係咁影相...好搞笑~!! 

中間d 餡用左吉士黎整...整體上...好甜~~~!! 

今次整得好過上年...上年搞到起晒粒粒...!!

已經買左材料...諗住響屋企試下爐...!!  不過近黎咁潮濕...都係要遲d先...!!!

最後...我分左七粒成品...個樣都唔差丫...heee~~~

期間 Miss 示範整焗芝士蛋糕...叫左個同學仔幫佢手打 cheese ...

我地成班人個個忙住用風筒吹馬卡龍...都唔得閒聽佢講...@@~~

不過最後一齊分享呢個蛋糕...ok既...因為未食野...

但係一想到用成舊芝士黎整...開始對 cheese cake 有點恐懼了!!! 




下次呢間再有野玩...我都唔會黎了...!!

2011-12-23 Dinner@Bo-Lo'gne Japanese Bakery Cafe

聖誕前席 (23/12) ... 去左沙田的 Bo-Lo'gne 食 dinner...其實唔係專登黎食...

係行開呢度...睇下邊間唔駛等位就入去...哈~~

叫左兩個餐...其實唔多選擇...都係得幾個揀...

不過又ok 喎...我地最欣賞既唔係主菜...而係佢既麵包...真係好得呀!!!

呢間都幾好食...不過價錢就貴d...試下無妨......

個甜品都幾特別...不過唔記得係咩黎...哈哈~~

B's 舊曆生日

一月頭...阿B舊曆生日...

我問佢係咪想我煮...佢話想出去食海鮮...哈~~ OKOK~~ 真係估你唔到!!! 

夜晚...揸車入西貢搵海鮮食...

見到一間新開又免加一...所以就試下佢個套餐...都好抵食下...

仲送左牒黃金蝦呢~~~

我地將條魚改左做炒蜆...諗諗下先覺得好似笨左咁...哈哈~~~ 我地係咁的!!

下次可以再黎試過~~~!!  比較過其他檔口...呢間套餐比較實惠抵食...!!

臨走響西貢美心買左個迷你趣趣...哈~~~想起上年去學的芒果趣趣...咁快就一年了!!

嗨~~~許左個咩願啊?! 

我都許左個願呀~~~哈哈~~~祝你身體健康啊~~~!!  ^^

 

丫烏...又整唔見D圖...!!!!

今日發覺...丫烏BLOG又唔見左D圖......仲唔見好多添...

間唔中都出現呢D情況...無可能成日 RELOAD D 圖上黎...

真係令人抓狂呀......!!! 

究竟遲D會唔會出現番啊?!  邊有咁多時間補圖呀?!

真係好煩......係咪要搵第度呢...?!

丫烏...拜託唔好令人咁失望好嗎...?! 

鬼上身?!

今朝班人好搞鬼...有人仲好似鬼上身咁...演繹某某既臨別電郵內容...

高談闊論嘻哈大笑......不過佢地講得又真係幾好笑...  好似想燒炮仗咁慶祝...咁又係...咁都出EMAIL...

從此又多一則笑話......其實無無聊聊...拎別人既事黎 " 開玩笑"......想深一層...又真係幾笑下無妨...

從而有D體會到.......應該要向人多多學習下演技......   起碼別人敢怒不敢言......

其實...咁樣...好似反而幾好......太多的感情...到後來...都係白費心機......

今日起......多點練習見人講人話...見鬼講鬼話......!  其實應該幾簡單易學...... 

我開始有點相信...鍾意聽鬼話既人係最多...有誰介意只係表面呢...?!  

呃到人咪得囉...至於自己係咪開心...其實只要認為其他人睇唔出...又有乜所謂?! 

2012-02-16 Surprise Dinner for B

呢兩篇都係寫番呢個月內發生既事...哈哈~~~ 之後又要開始時光倒流一月前了!!! 

既然寫開煮嘢食...呢篇就繼續啦...!!  不過今次既大廚就換上我呢個廚房新丁黎玩下~~!!! 

之前響 FB POST 左我同爸爸的 " 老鼠餐 " 對話...引黎 D 朋友的回應好搞笑...

有D仲打比我講...叫我好煮大餐...!!  死黨老友餐等等...!!
 
真係好睇得起我啊...!!  (其實佢地係取笑我...!!  哼!!  HAHA~~)

上星期四 (16/2) ...阿B要在大陸廠上完培訓班先落得黎...起碼要九點先返到 HK...

放工後...把心一橫...!!   決定整一餐 " 老鼠餐 " 比D驚喜阿B先得...!! 

不過我既廚藝知識庫好有限...要整好多嘢既話...我應付唔到之餘又唔夠時間...

所以打算整D簡單嘢...至簡單既...梗係整西餐啦~~~~~~~~~~~!!!

有焗爐整雞翼就係首選...哈哈~~~ 仲有整咩好呢...?! 

煎扒啦...簡單快手...我又鍾意食...嘿嘿~~~

之前情人節大餐仲有西蘭花 & 蕃茄剩...!!

一於唔好浪費啊!!  用埋佢!!  (開始有潛汁做師奶了!!  嘿嘿~~)

但係好似太少嘢...點知推車推到凍櫃...

比我見到以前零食達人鍾意食既叮叮意粉...

見佢成日食...佢咁咀尖...應該唔錯掛...一於買包試下!!!

拿拿臨返到屋企...搞好D材料...咁上下先開始煮...係咪有D似模似樣...

雖然我少煮...不過我睇得多都有少少概念...HEEHEE~~~ 雖然味道都係.........?!  哈哈~~~

搞到咁上下...屋企小狗扭開餐呀...所以要照顧左大小姐先~~~!!

當小狗細細開完餐...佢開始對我成日匿響廚房好好奇喇...!!

佢成日響門口望望貢...最後索性走埋入黎抬起頭望實我...!!  好鬼搞笑!! 

八點半左右...阿B send msg 話我知已經響上水...所以我可以開始煮下d配菜先...

再將d雞翼放入焗爐...

阿B返到黎...我開始煎埋兩塊扒...差唔多都完成喇...

再用微波爐叮下個出貓意粉...可以開餐喇~~!!!!

今次試左個火腿磨菇湯...唔錯啵!!

< 是日驚喜晚餐 MENU >

(1) 黑椒煎肉眼扒配西蘭花蕃茄

(2) 蜜糖焗雞翼配出貓意粉

(3) 火腿磨菇湯

至於味道如何...?!  哈哈~~~好比面...一樣都清晒!!!!  嘿嘿~~~

對上一次煮...好似都已經係成年前...阿B既舊曆生日...嘩哈哈~~~~~~~~~~~~~~~

記得有晚睇登登登對...有個女仔話佢好鍾意煮野食...不過一年只係煮左三餐......?!

咁阿B就同我講...佢唔夠你咁鍾意煮野食啊...!!  煮得一餐...!!  HAHAHAHAHAHA~~~

2012 的情人節

今年的情人節...我地延續上年的餘興...哈哈~~ 都係響屋企自製情人餐...!!

一早已經收到阿B訂的花花...好靚丫~~~ 開心開心~~!!   

響公司已經忍唔住自拍...哈哈~~~返到屋企當然要同小狗一齊合照啊...!! 

多謝阿B~~~!!

 

放工後...我地即刻去大埔街市買左幾隻大蝦...

再去一田買材料...一大塊肉眼扒...蕃茄 & 西蘭花配菜...仲買左個蒜蓉包...栗米湯等等...

跟住即刻返屋企...阿B開始泡製我們的情人節大餐了!! 

好豐富呢~~~~

大廚煎扒...我呢D小腳色就負責搞搞震...!! 

 

阿B忙左一大輪...終於我地既 2012 年度的情人節大餐出爐喇~~~~

登．．．登．．．登登．．．．．．

< 2012 情人節大餐 MENU >

(1) 黑椒煎肉眼扒伴蕃茄西蘭花

(2) 牛油焗蒜蓉芝士大蝦

(3) 蒜蓉包

(4) 栗米忌廉湯

細細已經急不及待...即刻跳上梳化霸個好位了!!!  HAHA~

不過...唔好意思啊!!  未到你開餐呢...!!  呢D你唔食得架!!!

開餐喇~~~~~~~~~~~~~!!!!   好味好味~~!!!  好豐富呢~~ 食到好滿足!!  ^^

哈哈~~~ 仲有樣搞笑野...就係之前一晚 (13/2)...

我去左返學...阿B居然買左個蛋糕返黎...打算12點就切CAKE...不過我話又係"美身"的迷你芒果趣趣...!!

近來連埋呢次...唔同場合分別食左三次呢款蛋糕了...!! 

笑C我~~~ 阿B受到打擊咁話: " 我響大埔中心只見得兩間餅鋪咋...."

知喇...知喇...!!  仲問我係咪嫌棄...HAHAHAHAHAHAHA~~~ 好搞笑!!  我唔會嫌棄你既心意啦~~~ !!

今日經過 "蕃茄店" 買番兩件好味餅補數...HEEHEE~~~ 好味啊!!!

唔駛出去食貴夾唔飽又唔抵的情人晚餐...雖然自己整都唔平....

但響屋企食又自在...又可以同小狗一齊慶祝 (雖然佢無得食!!)...

真係過得好開心~~~~~~~^____^