2012-02-11 驗身日 & 馬鞍山晚飯

兩個星期前 (11/2) ...我地一行四人浩浩蕩蕩去上水驗身...不過好似有點求其...

留左大小便...之後就抽血...我做埋婦科驗查...快到丫...!!  四個人只需要半個鐘就可以走得!!!!

呢朝食左早餐之後...要等到驗完身成三點幾先可以食野...

餓到我地四個丫...剛好下午茶時間...阿B同我的細細佬兩個每人叫左兩個下午茶餐...@@~~~~

之後就一齊去左上水買餸...爸爸第一次行上水街市...覺得好大 & 好多嘢賣...哈~~~~

一路行...阿B負責買嘢.......我就同爸爸一路傾計...話時話...我都未煮過嘢比佢食!!

所以我即興地問爸爸: " 爸爸~~~ 如果我煮你食...你驚唔驚?!

爸爸有少少愕然...佢居然答我 : " 唔驚~~~ 細個時響鄉下都食過田鼠啦~~!! "

我好奇怪佢咁答我...!!  再問多次...!!  原來佢聽錯左呀!!!

佢聽成 :  " 如果我煮老鼠...你驚唔驚...?! " 

OH~~~天呀!!!

乜原來我煮嘢食 = 煮老鼠食?!  一樣咁恐怖?! 

之後返到娘家...呢晚由阿B做大廚...

我叫佢比我試下...不過阿B叫我唔好破壞佢!!!  

衰仔丫!!!  咩叫破壞?! 

呢晚簡簡單單四餸一湯...個湯由我爸爸負責~~~食得好開心~~~!!

呢餐實在好好味呢...!!