2011-12-24 聖誕朱古力曲奇屋

而家黎講番聖誕...距離實在太耐喇...!! 

平安夜的早上...我地四個嘩鬼茂利...Book 左荔枝角的 Miss 玩聖誕曲奇屋...!!

我地合作整二人一屋...梗係要合作啦...一人整一間好貴啊...而且又食唔晒...haha~~

不過一同阿B合作整嘢既話...即係我唔多駛做...因為通常佢做得細心過我...

所以我都係負責影相好了...

呢堂最主要係溶左D朱古力再整成屋型...

哈~~~ 變左兩個男人做!!  D女既就好他條~~~~

我只係整左其中一幅牆咁大把~~~~~~~~~

倒晒D朱古力落屋模度等乾...就有時間玩下啦~~~~~~

等乾既時候...要開始整下曲奇了...Miss 預先已整好曲奇皮...

我地只要碌平蓋形狀就得喇~~~好似玩泥膠咁...!!

個個係咁忙住印模...幾盤曲奇可以入爐喇~~~~~

d 朱古力都開始乾...可以甩模喇~~~~~~~

甩左模就可以響d 牆上面發揮創意喇~~~~~~~~~~ 即係可以塗鴉啦~~~~~~~~~

阿B開始扮建築師...佢要開始起屋喇~~~~~~~~~!!!

曲奇又出左爐...又要忙住響上面畫野...!! 

呢間屋係我地既 SWEET HOUSE...當然會見到我地個名啦~~~~~~~~~~~~ 嘩哈哈~~

棵聖誕樹會放響屋出面架...!!  今年無時間響屋企整聖誕樹...

就當呢棵係 " 我們的2011聖誕樹" 啦~~~~~哈哈~~~又阿Q上身了!!

間屋未平頂之前...就要將D曲奇放入去喇...!!  一屋都係曲奇...!! 

封左頂之後...就響上面畫埋D雪...整埋煙囪...粉飾下外圍...放好棵聖誕樹...差唔多完成喇~~~~

棵樹上面有隻豬架...哈哈~~~!!

哈~~~ 最後響屋頂寫埋 2011 Merry X'Mas~~~~搞惦!!!!!!!!!!!!!!!!!!!!!!

JB'S CHRISTMAS HOUSE~~~~~~~~~啦啦啦~~~~~~~~~~~~~!! 

好開心...大家一齊玩創作~~~~~^^

用黎裝聖誕曲奇屋的盒都好靚啊~~~~!!!



最後間屋係比阿B的家人分享晒~~~~~~~~~ 我一舊都無食到~~嗚~~~~~~~~~