2011-12-25 聖誕大餐@大喜屋 & 聖誕細

哈哈~~~ 3月頭先寫番12月既 blog...証明我係幾懶...!!! 

舊年聖誕節  (25/12) ... 我地揀左至喜歡既放題做聖誕大餐...

其實食咩都無乜所謂...至重要係同咩人食...!! 

之前食過一次大喜屋都唔錯...訂到位又唔係貴好多...所以就算要預先比 deposit 都黎食...

因為又費事再諗食乜...哈~~~ (懶人!!)

 

兩個人兩個鐘...係咁 order ...不停咀係咁食...

呢間order都幾快...又少漏單...跟得幾好...!!

食物質素都唔錯...連平時唔食蠔既我地都 order 左兩次蠔...@@~~~ 搞笑~!!

食飽飽之後行下尖咀...影下燈飾...簡簡單單...傾計講笑...好開心又過左一晚...!!

返到屋企...又撩隻細細豬玩...今次又係整鬼佢...幫佢扮聖誕女郎!!!

不過佢似乎唔係咁鍾意呢條聖誕裙...可能佢都係鍾意 causal look 多d...哈哈~~~

著裙都玩到打跟斗...你好失禮呀!!!  哈哈哈~~~~ 走光喇細!!!!

d 毛實在太長...所以過左聖誕後決定帶佢去理髮...哈~~~變左第二隻狗仔樣!!!

無毛一身輕...變得仲百厭左!!!!!!!!!!