過左年先黎整全盒...!!!!

上星期三 (7/3) ... 三個茂利成員又去左玩野...!!

今次唔玩皮...唔玩糕...唔玩包...轉玩紙 & 布!! 

之前跟呢個Miss玩過俄羅b 拮拮...而家搬左黎 TST...第一次上黎...比以前既WORKSHOP大好多啊~~~

不過都唔得閒認真周圍睇...實在太多人了!!! 

今次有兩班一齊上...分別係羊毛氈頸巾...同埋我地學既 " 拼布全盒"...!!

全盒?! 

人地整全盒就梗係新年前整架啦...過左年都成兩個月先黎整...?! 

哈哈~~~ 唏~~~我唔止寫BLOG要補BLOG...連整全盒都要補學架嘛...

哈哈~~~要貫徹唔可以偏心啦~~~!!

不過講真喎!!!   又一D都唔奇丫..!!   

以我地既速度...整得黎...出年蛇年或者可以用啦~~~~~~!!!    如果勤力的話......



去到放低野...先黎一輪揀材料...又選擇困難症上身!!   布多眼亂...!!

不過可以揀既布其實唔多啱我地呢D懶係眼角高既人...!! 

但係礙於眼高手緊的情況下...見到靚布都要忍下手...!!! 

(睇啱發光既要成 $50 一塊啊!!!)

所以我地三個決定盡最後一秒都要努力揀完又揀...!!! 

呢分鐘決定呢塊...下分鐘已經變左第二塊!!!   好搞笑~~~~~~~


之後睇左 MISS 差唔多半個鐘多D既示範 & 講解...仲准我地錄影...真係好搞笑...!! 

跟住就埋位開始整喇~~~~~~!!!

其實呢堂預左我地只係可以完成其中一個盒仔...其他既要返屋企靠意志去完成!!!

藍色系呢兩塊布係我揀既...想揀紅色的...不過無乜可揀LU......

而其他兩個茂利就揀左啡藍系~~~!!

我地幾個算巴閉了 (同過往紀錄比較...唔係同同學們比較啵!!)...!! 

我地居然完成到基本要求~~~~ 完成其中一個盒仔...有蓋架下!!!!!!!!! 

而且仲CUT定晒D盒既咭紙...痴好裡棉...準備響呢年之內大展拳腳咁款!!!  

MISS仲叫我地完成就POST去FB.......

我地暗中笑話 : 完成到又可以POST既時候...MISS可能都唔記得有教過呢樣野...可能會問番我地係咩黎...HAHAHAHAHA~~~

可想而知...我地呢幾個懶鬼...能夠的起心肝完成既意志 = 0%......登登~~~



其實我都有剎那間既念頭閃過會完成到...不過都要等整完朋友的人情箱先可以將個心的起了!!!!!!!!! HEE~~~

基本上...呢堂真係幾好玩...因為以我地胡鬧既性格...加上烏龍&無記性的腦袋...

搞出好多笑料...好多時都整錯又大叫...識我地既人都唔會覺得奇怪...哈哈哈~~~

呢堂~~~~當然又係超晒時...加上又係最遲走啦~~~~~~~~~~~!!!