實際仲忙過返工...一黎要趕工整野比朋友...二黎又要煲下劇輕鬆下...三黎又要洗衫又要涼衫又要摺衫...
四黎又要比隻狗仔玩下...五黎又玩下即興~~~做下老婆應該 " 間中" 要做下既事......就係下廚喇!!!!
咪睇少我啵...!! 雖然唔係識整九大"鬼"...不過我都有用下心機架...當然要一手包辦晒所有野...我又未到家...!!
所以有D野...都係要出下貓既...嘿嘿嘿~~~~
28 號要去睇舞台劇...所以唔係擇左呢日整 " 老鼠餐"啦...!!
29 號黎料...即刻 " 扮" 大廚上身...!!!
今次搞邊科?! 就係整 " 家常菜 " !!!
< 是日 MENU >
(1) 焗爐的最佳拍檔 ~ 焗雞翼 (百佳預醃的...半出貓!!)
(2) 蒜蓉炒西蘭花
(3) 成名作 ~ 金菇肥牛卷 (阿B指定食呢個...佢話: 起碼有樣食得!!! ABCxyz 佢丫!!!!!
)(4) 花生眉豆雞腳湯 (百佳湯包料)
(5) 叮叮意粉 (零食達人推介之作...我稱之為 " 出貓意粉")
大概六點鐘開始煲湯...煲兩個鐘差唔多阿B返黎就飲得...!!
(不過最後未夠時候...要煲多陣...皆因傻下傻下的我...將個火較到無中心火...哈哈哈~~~)
之後準備下其他材料...不外乎切切洗洗...至花功夫都係包D金菇肥牛...
不過都好快搞惦...仲有時間可以煲下劇...!!
一收到阿B的 WhatsApp...即刻又要請番 " 廚神 " 上身...!!
首先焗雞翼...之後炒西蘭花...佢返到黎...再開始煮d 金菇肥牛...
佢好搞笑...仲響度影我既 " 雞手鴨腳落廚"...!
搞左一大輪...終於有得食...哈哈~~~ 呢餐佢比 70 分...!!! 是鬼旦~~!! 哈哈~~~~~~~
一舊都清晒!!!! 跟住佢洗碗...!! 原來我煮佢洗又幾爽喎!!
煮開有癮...第二晚 (1/3) ...阿B要培訓...要九點先返到 HK...
放工見時候尚早...又無嘢想 SHOPPING...諗起屋企仲有材料剩...唔好浪費啦...又煮!!!!
今次要煮簡單D...因為我仲買左張大咭紙黎整野...而且仲落雨毛仔...無手再拎野...!!
去左超市買左牛肉...紅黃椒...蕃茄就走人...!!
呢晚又搞乜呀?! 簡單住家飯囉!!!
< 是日 MENU >
(1) 蕃茄炒蛋 (偷食左半個蕃茄...好肚餓...呵呵~~~~)
(2) 紅黃椒炒牛肉 (味道可以...賣相要有大改善!!)
(3) 有白飯 (第一次煮...哈哈哈哈~~~~ 阿B話估我唔到煮得唔錯...個飯有85分...!!! 嘩哈哈~~~)
(4) 隔夜雞腳湯... (仲入味...正!!)
幾時再請 " 廚神 " 上身?! 呵呵~~~~~~~~~~~唔知架!!!!
沒有留言:
張貼留言