再體驗皮革~~~散銀包

因為上次玩過皮革覺得幾好玩...咁啱又有另一間有團購課程...

我地呢班嘩鬼又要出勤了...!! 

2012-03-07 今次有五個成員...好鬼熱鬧!!

成日嘈嘈嘈...笑笑笑...Miss 都好好人...間中幫我地影下相...

不過呢間就無上次咁好玩...可能驚我地做唔黎...

所以上課前要揀定顏色...Miss亦已經幫我地栽好塊皮了~~!!

而磨皮更就加唔駛做...因為係團購關係唔會提供...

所以今日我地基本上只係將個散銀包縫合就搞惦...!! 

我地女仔就揀左粉紅 & 紫色皮...男仔就揀左深淺啡色皮的組合...!!

雖然好簡單...不過我地幾個嘈之巴閉...互相取笑...好好玩~~!!

有朋友仲搞笑到縫錯了...笑到我地丫~~

因為男仔塊淺啡皮質地好薄下...所以阿B決定縫多D線落去...

佢既工序比我地多...不過居然係佢完成先...仲比MISS激讚...!! 

我地個個各有特式...哈哈~~~整得都唔錯啊!!!

今次我地超額完成呀!!  響個半鐘頭就完成喇...比原先預設的兩小時快搞惦...!!

真係好突破啊~~~~須知道...我地次次去邊度玩都係最慢又最遲走係我地囉!!! 

上完堂之後...去左鑽石山廣場搵野食...不過呢度近晚飯時間...

度度都勁多人等位...我地拎左四間既飛仔...決定邊間有位先入邊間...

其實我本身已經覺得好熱氣...放學時...兩邊下爬淋巴位都腫腫地...

點知偏偏鐵板燒呢間就有位先...雖然我都唔係食左好多...仲飲左罐汽水降溫...

不過食完後喉嚨已經開始痛了~~!!! 

朋友們剛巧有哈根大雪糕 COUPON... 所以就去食雪糕降下溫...

點知食食下就出事... 坐對面的朋友話我知...我下爬D腫好誇張...

兩邊好似有隻雞蛋響裡面咁...!!    塊面變左四方型...仲有個勁雙既下爬...

嚇到佢地叫我即刻去睇醫生...我自己望鏡都嚇左一大跳啊!!! 

去到沙田睇夜診...終於等左成個幾鐘頭先睇到醫生!!!

醫生話我嚴重扁桃線發炎...再嚴重D如果變成巨瘡響入面...仲要入醫院做手術...嚇死人咩!!!!

要食成個星期抗生素...嗚~~~~ 又要開始口淡淡的生活!!!