2012-08-30 行李箱相簿製作 (Part 2)

之前去學整既行李箱相簿...其實已經響八月尾完成左...不過一直唔得閒post出黎...

呢個 album 實在好玩又好辛苦...因為要 cut 好多 clip board ... card stock & pattern paper...

仲要不斷掃 distress ink...痴雙面膠紙...撕雙面膠紙....

簡直似一個女囚犯...響度不斷重覆又重覆做同一步驟...!! 

但係一路整...見到個箱慢慢成型...又覺得好開心好興奮...

整呢個行李箱...真係少擔耐性都唔惦...!!! 

分左幾日黎開壇...上堂之前一定要做好功課...因為根本要用好多時間去準備...!!

上堂只係執漏及組合都要花好多時間...!!! 

影出黎既都係一部份...可想而知係幾大製作呢...!!!

第一堂已經整好個箱既外殼...第二堂就整個裡面同埋本相簿喇~~~~~~~

條行李帶係最難整架...初時痴得緊過頭...

返到屋企我再起番出黎再痴過...咁先比較好少少.......即係我痴得都仲未係好靚囉!!!

而個銀包...我覺得叫咭套好d...因為紙做既銀包...總係覺得似...燒嗰類野囉...!!

不過上堂嗰日唔敢講呀...因為嗰日係鬼節囉...導師驚到c...hahaha....最搞笑係全晚又好多怪事發生啵!!!

好人唔見材料啦...我地成日輪住怪叫啦...無拉拉都出錯啦...之餘此類...賴得就賴...嘿嘿嘿~~~

呢個咭套要預先響屋企做好...因為上堂係無時間黎做架!!!!!!!!!!!!!!!!!!!!!!

我 cut 左 d tag 攝左入去...當堂唔同晒...heehee~~~~

我覺得全個行李箱相簿...我做得最好係呢 part...嗚嗚嗚~~~~~~~~ 配角整得好...有乜鬼用!! 

大部份同學都完成大部份...臨落堂前黎張大合照先~~~~~~~

我地一致要求影埋其中一個同學本相簿...佢自己另外買紙整架...!!

究竟邊個箱係?!  一睇就知喇掛...仲問...?!  hahahahaha~~~

所以同我地嗰 d 係完全唔同的...特別好多又靚好多架!!! 

(所以導師成日話我地隔離飯香!!  睇人地嗰d幾時都好d既...哈哈哈~~~)

呢個就係我嗰個嘔心瀝血的行李箱喇~~~~!!!!

影下行李箱裡面先...遠睇...唔差掛...?!

相簿的封面...有少少唔對稱添...!!!

相簿影左一版...因為大致都係咁上下...哈哈~~~

有d有 folder ...有d可以掀咁囉...!!!

整完呢個 project 之後...暫時都唔打算咁大製作了...!!

因為真係要花好多好多時間...@@~~~

去睇下~~~~ 行李箱相簿製作 (Part 1)

2012-08-21 行李箱相簿製作 (Part 1)

九月煮左乜

九月比較忙...加上小狗細細入了醫院...所以自家煮只係得幾餐...

最 搞笑 一次係...阿B比飯煲的蒸氣燙傷了手腕

(老公燙傷了...還當是搞笑的老婆?!  <~~~ 變態  )

傷口都好大...成個一亳子咁...即時仲起水POP...

痛到佢鬼殺咁嘈 (平時佢好忍得痛...可想而知真係非常痛... !!) 

(仲覺得係搞笑?! <~~~變態  )

而家手腕上依舊有個燙傷了的印...有日我同佢講 : 嘩~~~你呢個印有排先散呀!!!

點知佢話: 係呀~~!!  用黎紀念煮飯你食既印囉....!!

我即刻叫佢唔好再做紀念...費事佢會成手都係印囉...!!!   嘩哈哈~~~~~~~~~~~ 嘿嘿嘿~~~~~


2012-09-02

 

2012-09-16

 

2012-09-22

 

2012-09-23

表弟的小兒子

四姨的最少的兒子...即係我表弟...年頭添了位小王子...而家一仔一女...一個好字...!!

呢個小朋友個樣好可愛啊...而且仲成日笑...極得人鍾意...!!

而家七個月大既佢...好靚仔呢...仲識 tum 女仔啊...哈哈~~

小朋友...因乜你咁鍾意笑...?!  heehee~~~

訓到無晒儀態

其實呢輯相...兩個星期前 ( 14/9) 已經執好...!!

佢近黎就係成日訓成咁...不時搵佢張床仔出氣...成日抓到出房...!!  @@~~

係咪訓得好盡情...無晒儀態...!!! 




不過未得閒 POST 出黎...點知過了一日 (15/9) ...

小狗細細就開始發病 (詳情稍後再詳細講...)

呢個星期既心情真係大起大落...擔心到不得了...!!

細細留院的期間...下午及晚上一定要探過佢...餵過佢...抱過佢至心安...!!

每次一個鐘的探病時間...真係超短...!! 

根本唔可以 tum 佢食野 & 飲水...係要夾硬用針筒餵...好傷感情!!

對佢心理都唔好...不過佢成日都食好少...掙扎得好厲害..,真係食左都補唔番...!!

每次都帶住非常擔心及心痛的心情離開...!!

雖然慢慢接受了事實...不過還是未能釋懷...!!

終於細細上星期四 (20/9) 出左院可以返屋企...

而家見到佢開始精神好番...行動都好番好多...眼仔開始睇到野 (至重要呢樣!!)...

 

而且開始肯食野...主動去飲水及殊殊...咁都好D...雖然要開始長時間抗戰...!!

佢而家明顯變得容易攰...每次餵佢食藥都會極力掙扎...很心痛...!!

細細~~~你要加油...!!  我知你好叻架!!!!!!!!!!!!!!!!

你要記住應承左我架...!!!!  一定要健康啊!!!!!!  唔准放棄呀!!!!!!!!!!


還有...多謝一班朋友對小狗的祝福...

還有 whatsapp ... line ...電話中問候及對她加油的...真的很感激...

還有...幾位朋友來探她病...幫手照顧她...

可能小狗感受到大家對她的愛...所以好似打左強心針咁...慢慢好起黎...!!!


以下是節錄FB的...

 

2012-09-14 Macaron 布包包

向來針紙極差既我...再次挑戰弱項喇!!! 

今次整唔食得既馬卡龍呀!!! 

穿針都差過人既我...真係一路整一路流汗...!! 

遠睇都ok既...不過我聯入左條花邊呀!!

搞到裡面細左d...而且聯得好辛苦!!!! 

仲會唔會玩針紙?!  等我抖抖...我會再接再厲!!!  嘿嘿~~~~~

開心的舊曆生日

上星期某日...係我既舊曆生日...雖然要返工...唔請假因為我地要留番d 假去旅行啊!! 

今日收到阿B送既花花~~~~~~~~~ 好靚~~~!! 

多謝唷~~~!! 

我無認真數過有幾多枝...好大扎...嘻嘻~~~



放工時...阿B仲去我個位度一齊影左張相啊...

今日好開心...一班好同事仲請左我去食 LUNCH ...HEEHEE~~~

多謝多謝~~!! 

 

今年好例外...唔係兩個人出去慶祝...而係約左班朋友去食飯...!! 

食得非常開心...!! 


返到屋企...當然要同家人一齊影下相啦...!! 

小狗細細...今日好精神...不過要捉佢先肯黎影相呀...!!

因為佢掛住玩囉...!!!!!!!!!!!! 

細細: " 乜你唔係幾日前先生左日咩?!  今日又生日既?! " 

之後兩個無聊又捉住阿細玩十張自拍...哈哈~~~

其實真係幾好玩... D 表情好搞笑...!!  阿細其實好想走...hahaha~~~

哈哈~~~ 其實下面我合埋眼好似好LUM既樣...唔係專登整架...!!!  哈哈哈~~~~

睇到都覺得超級好笑囉...!!!   只係影既時間咁啱眨左眼咋...!!!

玩十張自拍既就有D咁搞笑既情況出現喇...!!

其他六張唔放出黎喇...差唔多...只係表情唔同...HEEHEE~~~~ 費事你地睇到嘔啦~~~!! 

D花放左響D油畫隔離...HEEHEE~~~~

另外...我的姑仔送左個大口仔公仔比我啊...!! 

哎呀~~~ 家下我唔玩公仔好耐啦...!!!  而且咁大個...我屋企仲有幾個...我仲頭痛緊點處置好!!

不過都好多謝佢呀!!!!!!!!!!  年年佢都記得我生日架...!!!!  而且年年都會送大口仔野比我的!!!

非常有心呀!!!!!!!!!!!!!!!!!!!!!!! 

今年朱古力送左個証件套比我...

另外之前送既贈品我非常鍾意...因為係骷髏骨圖案!!!

雜誌又送多啦A夢証件套...雖然太大唔會用...

不過我鍾意隻多啦A夢係DOT DOT!!