J & B 開心又無聊的生活點滴部落格: 9月 2011

2011年9月30日星期五

期待已久

今個星期終於買左 Dongwan 的新 single ...不過有點失望...隻 MV 唔係由佢拍的!!!!! 早D唔鬼買呢個版本!!! 你都點得我透喇~~!!!

仲買左 Hyesung 的新 album...有兩款揀...我揀左呢款橙色!!! 如果呢隻牒有 Dongwan 幫佢拍既 MV 就好啦...點知係無既!!!

期待以久既大口仔 iphone case 終於有喇...我已經用了三代的 iphone ...家下先見到大口仔出殼...真係望穿秋水呀!!!

之前仲訂左個 bb 猿人比零食達人...係送比佢離開公司既 farewell gift...

點知佢走左先訂到返黎...唯有搵日約佢出黎比佢啦...希望佢鍾意!!

近期 Chocolate Rain 又有佳作...今次同新星期一 crossover 送個萬用袋...裝 ipad 就至 fit...

不過我無 ipad...用黎裝交件都唔錯~~~~

2011年9月29日星期四

2011-09-27 細細的豐收日

噚晚同完同學仔行完沙田後...我去左狗仔鋪頭...想買潔齒骨比細細...不過揀唔啱...

但見到有D衫仔好靚...所以就揀左幾件比細細豬啦~~~ 另外買左兩包零食...

之後行 "CC縮埋"買左個有聲公仔...響太和精品店買左兩隻鬆弛熊比佢......今次細細真係豐收日喇!!! (party)

藍色T-SHIRT 同條層層牛仔裙...原來係兩年衫黎...要分開買的...好彩做緊半價...如果唔係真係超貴呀!!

紅色碎花裙...一見到就已經好鍾意...而且細細一直都無呢D女裙......!!! 公主袖好靚架!!!

下個月可以帶去影相相~~~ (big grin)

即晚試衫行 DOGWALK 先~~~ 哈哈~~~呢條其實幾襯阿細的個性...百厭辣妹 LOOK~~~ (rock on!)

第一次著花花裙仔...阿細好似幾興奮咁...哈哈~~~可能覺得...兩位主人終於當番我係女仔喇!!!! (rolling on the floor)

著左碎花裙...神氣過人?! (it wasn't me)

行得 "CC縮埋" ...自不然會去買下零食啦~~~~~ 不過呢堆野都唔平啊!!! (waiting)

喂喂喂~~~今晚你已經收左好多禮物架喇...呢堆野無你份呀!!! 幫你影相合照就得~~~呵呵呵~~~ (thumbs up)

嗨~~~今晚你開唔開心呀?! 我就好開心喇!!!! (big grin)

2011年9月27日星期二

快圖美相簿

之前整既 5R 相簿...噚晚終於拎齊喇~~~

今次阿B整左一本細細...四本德英遊...一本台中...一本赤柱遊...另外做左兩本比朋友A~~~

加埋之前整左一本係細細...而家屋企有八本相簿喇~~~

因為係相片質素...所以都幾靚下...但係要自己排版啦~~

2011-09-26 朋友聚舊~~食韓燒

噚晚約左班朋友去食韓燒...真係好耐都無食過喇...今次唔係好多人出黎...其實我反而想多D人出黎食餐飯...

因為目的係想見下面聚下舊...食野反而係其次.......唯有寄望下次朋友生日的聚會了!!

呢間 D 野食普遍偏咸...@@~~~ 仲要係越食越咸...連金菇肥牛卷都咸...真係唔明點解@@!!!

期望十月朋友生日的聚會......十一月生日的朋友應該都差唔多時候派帖喇掛...HAHAHAHA~~~

2011年9月26日星期一

上星期六 (24/9) ... 阿B 下午要返學...咁我趁呢段時間就去左幾處地方...!!

首先就出 SSP 買絲帶 & 一D配件...逗留左半個鐘左右...就出 TST ...上去搵 Melody...

上次上堂訂左個月曆...本來星期三去過...點知原來呢日係休息日...無為意添~~~

跟住響 The One 行左陣...主戰 Chocoolate...!!

行完差唔多時候阿B就 whatsapp 我...已經放學喇~~~咁約好響 MK 會合.......

搭親地鑼都魂遊既我...今次又出事了~~~!! 坐錯另一邊過海車呀!!!

當時仲心諗點解咁耐都未到佐敦? 不過我又繼續用手機上網.......終於車埋站...至醒覺...點解車站係藍色既?!

原來我又搭左車...見有車就上!!! 家下去左金鐘呀!!!!! OMG!!@@

同類事件成日會發生響我身上...我都唔知點解成日咁失魂...!!!

唯有打比阿B...話比佢知我過左海要等多我一陣...!! 哈哈哈~~~我都覺得好搞笑!!!

分分鐘大陸人仲醒過我!!!

會合後我地去女人街搵野食...但因為幾肚餓又熱...所以求其見到一間就中左入去了!!

呢間D野唔係貴...好平下添!!

個餐仲有沙津 & 飲品!!!

我叫左個雞扒餐...呢個餐有個特別名的...不過我唔記得左~~~ 味道唔錯啵...D 汁好好味!!

阿B就叫左個牛排餐...又係有個特別名...不過唔帶腦既我...真係咩都唔記得...HAHAHA~~~

食完響 MK 行多陣...跟住就搭車返屋企喇~~~~~~~~~~~~~ 一人一袋收穫...呵呵呵~~~

2011-09-23 重臨黃金海岸酒店

上星期五 (23/9) ... 終於去左食生日免費 buffet 了...哈~~~不過最後係免左自己...但係就比埋其他三個...@@!!

次次我地入親屯門都係塞車的...兩年前又係咁...勁塞...!! (crying)

呢日又係咁...因為對面行車線多車相撞...搞到 d 救護車 & 警車停晒響我地呢邊...所以塞左好耐!!

原來 book 左 7:15p.m. ...都要打去改時間...七點九先到呀~~~ 佢話幫我 hold 檯到八點呢~~~

一入到去...四個好似餓鬼咁...係咁出去拎野食...汽水啤酒任飲...仲要係支裝汽水 & 罐裝啤酒!!

雖然款式都唔係d貴價野...不過勝在款多...第一次食 buffet 係咁食足兩個鐘...當然亦因為我地個位比較遠...行出行入都用左好多時間啦~~~

但係食完極滿足!! 其實食至緊要食得開心...!!

呢度d甜品幾精緻...雖然味道普通...hahaha~~~

食完因為唔想比額外 $30 一個鐘 parking!! 所以我地就即走...細細佬仲笑住話 : 都未睇清楚間酒店就走左喇!!

哈哈哈~~~ 邊個叫塞車丫!!!!!!!!!!!!!!

Shinhwa's Hyesung 黎香港開演唱會~~~~!!!

今朝收到 e-mail...知道 Shinhwa 其中一位成員...主音歌手 Hyesung 十一月會黎 HK 開 Concert 呀!!!!!

好開心聽到呢個消息呢~~!! 亦已經証實真係會開兩場了...不過都係同一日!!

已經知會M同學...約好一齊去睇喇!!!! 唔知其他成員會唔會黎做下嘉賓呢?! Dongwan 你會黎嗎?!

http://www.enjoymentent.com/tickets/page_03.asp

SHS 2011 Tour in Hong Kong- THE ROAD NOT TAKEN

唔知買唔買到靚飛呢...?! 已經搵緊人幫手喇...希望得啦~~!!

不過我地已經有共識喇...唔理最後搵到咩飛都要攝到入去...hahahaha~~~~ 實在好難得黎 HK 呢...點都要去撑佢地啊!!!

2011年9月25日星期日

再次努力...為朋友...!!

早幾日...阿B幫6條1結婚的朋友完成姊妹大支票初稿...以及証書套內的相片加工...!!

哈~~ 九億幾...新郎哥仲話呢張係佢第一張空頭支票~~ (rolling on the floor)

CHEQUE NO. 嗰行已經改左用第隻字體...用番似支票嗰款~~~ (batting eyelashes)

好鍾意新娘子呢條裙...D LACE 好靚...我結婚時就遇唔到一條靚 LACE... (crying)

阿B幫佢地放左個 LOGO 落條裙度...又出奇地好睇...(其實起初我有反對的...!!)

星期六 (24/9) 出左去 SSP ...買少少野...可以穿手花的手鍊了...!!

粉紅色的是玻璃珠...重身D靚D...不過就唔係咁好穿...有D好難穿條線入去...夾硬拉又介斷D橡根線...

有幾條要重新穿過...好花時間!!! 反而白色膠珠就極易穿...不過比較輕身...感覺無咁好~~

穿完 Whatsapp 主人家...原來有兩位姊妹比較手腕大...所以有兩條穿多兩粒珠落去...

希望唔會出現太緊太鬆的情況啦~~~~

其他材料都準備好了...丫...公仔 & 襯花都有......仲欠一朵紫色主花...UM...D 絲帶係淺紫色的...唔知點解會影成藍色的呢?!

如果主花係紫色...可能我會將絲帶轉成粉紅 & 啡色 / 米色...會柔和D...

搵日要出去搞惦佢!!