2011-06-05 銀黏土戒指班 (遇到一位好導師)

星期日 (5/6)...和阿B一起去了學整銀黏土戒指...呢個都係團購課程黎...抵呀~~ 單買銀黏土都係咁上下價錢...而家仲有專人教埋添~~~

今次係返葵興 Nov1...一班唔係好多人...今堂只有五個學生...

Miss 仲會逐個指導...非常細心...!!  (仲有...佢幾靚女...heehee~~~) 

每人包 7g 銀黏土...可以整到一隻戒指 / 吊飾......

Miss 好用心教我地...問左我地想整咩...佢就教我地一d技巧點樣整自己既作品...仲要我地用舊泥膠練到有把握先可以開包銀黏土黎整...因為銀黏土好容易乾...所以唔可以響手上慢慢搞的!! 

首先我地用泥膠練習下先~~~

之後就正式開始整架喇~~~~ Miss 話呢位同學對每個步驟都非常認真 & 仔細~~~ 自顧自整...  好有心機去壓花紋~~~

整好晒戒指形狀之後...就要慶乾入面 d 水份...之後用畫筆加少少水再進行裂紋修補......

曾同學壓到D花紋好工整~~~~!!

呢位同學正努力打磨隻戒指...

呢度個爐仔就係用黎燒件作品成型架喇...好迷你呢~~~

當件作品已修補完成後...就可以入爐燒架喇~~~~ 不過燒左就無得返轉頭架喇~~~

15 mins 後...兩隻戒指都出爐喇~~~

呢隻係阿B既壓紋戒指~~ 燒完出黎隻戒指係白色架~~~ 之後用鋼絲擦擦去白色...就會現出銀戒指真身喇~~~~

呢隻係我既孖星戒指~~~

之後將隻戒指打磨...靚晒~~!!

因為阿B想隻戒指有燻黑的效果...所以就要浸黑銀水 (硫磺)...

浸完後隻戒指會黑晒...要進行打磨拋光先得架~~~

阿B的壓紋戒指...返到屋企打磨後~~~~ 靚仔晒~~!!

我隻孖星磨砂戒指都唔差掛~~~ 有粒星仲拋左光架~~~

銀黏土戒指比上次整既戒指簡單好多...響屋企都可以玩~~~

今堂學識點樣整一隻戒指...睇住件作品...真係好有滿足感...heehee~~~

如果有團購...大家不妨去玩玩啊~~~~ 下星期我地會再去玩吊飾班~~~ YEAH!!

Free Hit Counter