2011-07-09 黏土課程 (完成圖加入)

今日放左工...去左太子返學...今次破晒紀錄呀...我一連返三堂呀~~!! 

因為唔想分開返幾次...所以咪一日上晒囉...其實都係 4.5 hrs 之嘛~~~~

當然...都係團購課程啦...平先可以試玩睇下好無玩先繼續玩嘛~~~~

返學之前...仲火速去左 SSP 買 0.5cm既幼身絲帶...要幫朋友個戒指座埋尾嘛~~!!! 

另外仲買多袋玻璃珠...真係貴...細細袋...大概整到 5 條手鍊就要 $30......不過靚d...算了!!

去到太子...都幾易搵...地鐵一出轉彎就係喇~~~

不過 Miss 因為塞車遲到左幾個字...  係咁連續上...隔離d同學仔成日換上唔同既人...好得意既感覺...!! 

我一直玩到七點九差唔多八點先走~~~ 其實 1.5 hrs 學一堂真係幾趕下...好彩之前都有玩過麵粉花...都應付到~~

首先全班出去睇 Miss 示範整一次...之後就自己返埋位開 turbo 整~~~

 

(1) 第一堂學整麵包

每人都要整七個麵包...有法包...忌廉包...菠蘿包...腿蛋包...熱狗.......

有一 pair 人好有創意...佢地仲整埋漢堡包...扭紋包...我跟佢地整左個牛角包...佢地整得似d呀~~~好搞笑~~!!  佢兩個真係好叻呢~~~!! 

好彩都係限時內完成到.......!!  雖然唔係整得好靚......不過要好快手...我坐正風位...吹到d黏土好乾...所以要快快手唔係就起裂紋呀~~!!

要等全乾...所以未入得落個麵包籃度呀~~~ 而且我又無顏色油...可能無咁似...

 

(2) 第二堂學整生日蛋糕

呢個我超額完成呀...!!  好快手整左兩個蛋糕添呀....人人都只係整到一個...heehee~~~~ 我費時晒左 d 材料嘛...響屋企又唔會玩架喇...剩左都係掉...所以咪快d手整啦...呢堂係最簡單既一堂~~~~

無買到 Miss d 材料喇...因為一買就好多既...我只係欠幾粒...差個牌...所以算了~~~ 都ok啦下~~~!! 

仲有條絲帶未綁得...因為要等佢全乾先得呀...起碼要兩日...所以而家無得綁絲帶無得入盒~~!!

 

(3) 第三堂學和果子

呢堂最複雜~~!!  做既野最多...!!  而且好細粒...真係好難整...!!  而且我仲坐響風口度...成日搓起好細粒嗰d都比風吹走...好搞笑~~!!  搞到我手忙腳亂~~!!    成日要烏低身執野~~~~

終於都響落堂前搞惦 16粒和果子...真係開行 turbo 先得...第一次上堂咁快手...唔通平時習慣龜速的我...今日裝左對摩打手?! 

過兩日d作品乾左再入埋盒入埋籃 post 出黎...可能感覺會似d...hahaha~~~ 大家千祈唔好對我咁高要求啊~~~!!  今日我已經好叻架喇~~~ 可以完成晒所有作品~~~!!!  嘩哈哈~~~ 實在好開心~~!! 

買樽光油返黎油下佢先得...應該會 keep 得耐 d.......或者油左會變靚d...嘩哈哈~~~

*** *** *** *** *** *** *** *** *** *** *** *** *** *** *** *** *** *** *** *** *** *** ***

返學前幾日...去左什麼店買左兩個密實盒...阿B問我用黎裝乜...我話返學用...佢話: "哦......."

返學前一晚...阿B勁搞笑...問我究竟返乜學...係咪有得食?!   哈哈哈哈哈~~~~原來佢以為我買密實盒係用黎裝 "食得"既野...!!!  話左比佢知係學黏土...佢即刻話: " 咁即係無野食...!! "  哈哈哈~~~比佢笑死我!!

今日返學...佢仲念念有詞話: " 都唔食得既...!!"

好好笑...!!  得啦~~~ 星期二有得食架喇!! 

*** *** *** *** *** *** *** **** *** *** *** *** *** *** *** *** *** *** *** *** *** ***

D 黏土終於都乾晒喇...可以將佢地入籃 & 入盒喇~~~ 入左係咪仲似D呢?!  HEEHEE~~~   睇到有冇想食既感覺?!  (還是想嘔...?!  )

 

Free Hit Counter