2011-07-12 整蛋卷~~~~

噚晚 (12/7) 又去整餅之旅...今次有5位朋友一齊玩...好熱鬧~~!!  

今次整兩個唔同口味既蛋卷...我對蛋卷極有興趣...可以響屋企整...唔駛咩裝飾就食得!!

呢幾日因為手痛...晚晚都痛下醒下咁...個人都懞懞地又眼訓...好彩都應付到......

首先整個要整個餅底先...手痛打蛋白都要就住...慢人幾多下...打極都仲未得...之後剛倒落個盤...班友仔已猛叫我快D拎去焗......下...我掃都未掃啵~~!!  又唔駛急成咁下話...  當然我都有掃平下...我同隔離的朋友雖然係最慢...不過明顯我地無佢地個蛋糕有白色一舊舊響度...因為佢地都未搞勻就倒落去喇~~~  

之後 Miss 再示範多次點整呢個餅底...然後整多次去焗第二個蛋卷口味~~~Coffee!!!

將個蛋糕響牛油紙上起出黎...好彩唔係太濕...都幾易搣番出黎~~~

跟住就開始批盪 & 加入士多啤梨果肉 ...再卷埋一舊...搞惦~~!!!

跟住就要整埋咖啡蛋卷...呢個焗起黎厚 d 靚仔 d ...都係好易起張牛油紙...之後又批盪...捲起一舊...搞惦~~!!  比想像中容易~~!!

肥仔係士多啤梨味...排骨仔係咖啡味~~!! 

哈~~~我地拎住 d 蛋糕黎玩...好搞笑~~~ 就係咁樣捲埋拎走架喇~~!!  返到屋企仲要雪下先好食~~~

一班顛人...哈哈哈~~~~

返到屋企雪左陣...拎出黎切片影相 & 試食~~!!

蛋糕焗得ok呀...好彩都軟熟......我地都覺得咖啡好食d...

下次我想試整下綠茶味...唔知好唔好食呢?!