之前同6條1朋友傾開結婚既野...佢話想要個人情箱...我話比佢知 Yahoo 有 blogger 會團購可以去問下...不過佢話唔駛...想去買個紙盒就算...所以我話不如幫佢整埋......
哈~~~諗番起自己結婚時...我都有想過整個盒放在 receiption ...不過阿B 反對左...話似籌款箱...終於我咩都無準備......最後當日我細佬問我用咩裝人情...我響新娘房求其比左個"商務書局"膠袋叫佢用黎裝.......佢同女友即場 O 晒咀...問我係味認真架...哈哈~~~~~諗番起都好好笑...!!! 仲有邊個新娘會夠我咁求其呢...?!
所以我其實心中響呢個 item 一早已有 idea!! 既然自己婚禮上實現唔到...就用在朋友的婚禮上吧......雖然我個 idea 都係睇到 d 外國人點整而諗到既...heehee~~~~ 不過呢個未整住......
反而我噚日去什麼店睇盒時...突然想起可以整多樣野比佢地......呢樣佢地無要求整的...但係我真係覺得呢樣野...佢女友一定會鍾意的...但我都未知自己會唔會整得好架...因為我都未試過整...結婚時都係幫襯阿 Ron 整的......即管試試.......
就係整戒指盒了~~~!!! 當d襟花手花仲未諗惦點整...就用左呢d物資先啦~~~~新娘子喜歡紫色...就用紫色做主題了...!!
將個繡球花拆散...插在紙盒上...將成個紙盒鋪滿...再在側邊圍大半邊小牡丹仔....再用屋企有限的 lace 包住個盒裝飾下...... 真係好有限...好彩搵到條 SIZE FIT 的...!!
初稿完成了...睇落都順眼......得呀可...?!
放埋對公仔落去...都唔錯喎......
完成左一半......但係...我唔識整公仔的禮服...又來了一項新挑戰了...究竟我可唔可以克服到我的針紙手作呢...?! 哈~~~~如果真係唔得既話...呢兩隻既 causal look 都唔錯丫...!!! 不過我身邊 d 朋友都好似同我差不多...都唔知有冇人可以幫到我...
還有一些 decoration 未完成...因為唔夠材料了......@@~!!!! 又要停下來...heehee~~~
呢個係當時 Ron 幫我整嗰個...我既手工...當然唔及佢好啊......!!
Free Hit Counter |
好變態呀你 所謂隨意,都可以整得咁靚~
回覆刪除[版主回覆07/10/2011 00:38:00]呢個我跟住阿Ron 嗰個整唔太難...
要我創作出黎就好難...
整得好靓啵!
回覆刪除[版主回覆07/10/2011 00:38:00]多謝你呀~~~~
咁加左貓貓公仔落去靚d 喎!!!! 勁呀.....咁多DIY都親手製....
回覆刪除[版主回覆07/10/2011 00:41:00]可能自己結婚時都有DIY...所以都想幫下朋友整呢整路...
想做好多野比佢地...不過時間唔夠...