噚晚 (14/7) 去左荃灣上左一個體驗課程...就係整全天然的潤唇膏...!!
呢間鋪比佐敦的 workshop 細好多...只可以容納到三個學生...我就係其中一個了~~
而另外兩位同學仔係兩母女呢~~~ 小妹妹只有七歲半...!! 淡定又有主見~~
材料份量已幫我地準備好了~~!! 每人會有兩支製成品~~~ 首先揀味道...我揀左牛奶味~!!
之後將天然蜂蠟...可可脂...基底油倒落鍚紙杯內...
之外拎去加熱...一路攪拌...直至完全溶解...
之後要儘快倒入潤唇膏管就得架喇~~~~ 過程十分簡單.......
不過一向有論盡王見稱既我...就響倒之前出左個意外...就係我想避開個小朋友時...唔小心成杯打反了......當堂丫大個口...好彩導師另外比過d材料我重做...不過就浪費左了...真係唔好意思呢~~~!!
你地見我倒到一檯都係就知我多麼的騰雞啦~~~~ 小妹妹都手定過我呀~~!!!
之後揀埋貼紙貼上去...就完成喇~~~ 全程唔駛半個鐘...!!
我地既作品黎個大合照先~~~ 哈~~我同小妹妹都係揀左鬆弛熊呀...因為其他都無咩好揀了...
返到屋企即刻試用...衰鬼丫...又幾潤下啵~~!! 不過我覺得擰左上黎...係擰唔番落去...係咪我整得衰呢...?!
呢個製作都幾簡單...如果好用都可以考慮響屋度整...不過唔記得問材料包幾錢添~~!!
但係我反而買左第二樣材料包喎...就係口金...!!! 我要征服佢~~!!!!
哈哈... 呢樣都學埋... 實在佩服, 佩服~~~
回覆刪除[版主回覆07/18/2011 15:34:00]因為我好奇咁都整到...所以咪去睇下點整囉~~~
放入雪櫃雪吓,睇吓擰唔擰得返落去?
回覆刪除[版主回覆07/22/2011 18:10:00]唔該晒你呀!!
不過試左 lu...都係唔得...識上唔識落...哈哈~~~
嘩,自己整架?好厲害呀
回覆刪除[版主回覆07/22/2011 18:11:00]呢個原來好簡單架...
將d材料搞勻整溶...再倒入器具入面就搞惦喇~~~!!
Hi, 想問呢間鋪係邊呀? 有冇link呀? thanks.
回覆刪除[版主回覆08/17/2011 13:36:00]我之前響團購買 coupon 黎學架~!!
呢間叫 " 菠蘿雞 " ...你上 facebook search 就會搵到架喇~~~