2011-07-21 戒指座暫時完成篇

噚晚 (21/7) ...本來想開始整姊妹剔名筆...點知搵極都唔見把熱溶槍......唔知塞左響邊呢?!     最有可能既地方都已經搵過了...... 所以又未可以整啦~~~

突然又醒起個戒指座 hea 左響度未埋尾...所以決定 KO 佢先!!

之前阿B話幫我 print 個 name tag 出黎...佢 print 左幾種 size 比我...其實都係偏大.....最後揀左個最細的...連埋 d lace 圍邊剛好......!! 

因為屋企無拑 (後黎至知係有既!!!!!!!  ) ... 嗰d珠仔痴左我好耐...!!!  半夜三間眼都濛呀!!  遲d搵到熱溶槍要補幾槍先得...因為就係插響度我驚運送途中會鬆~~~!!

哈哈~~~個牌個底係貓仔 pattern 黎架......!! 

公仔禮服仲係未有頭緒點整...所以暫時決定唔整住!!   加埋呢個名牌...呢個戒指座暫時算係完成晒喇!!!  Sent 左比準新郎睇...佢話到時要台上鳴謝埋我...比佢笑死!!!    我話唔駛喇...到時佢一定緊張到咩都唔記得了!! 

 

其實整得實在太慢喇...因為返工都好累...返到屋企唔知點解近黎追 TVB 劇...特別係 930 時段既真相...睇咁多次陳展鵬做戲...呢套佢真係搶晒鏡呀!!!  型到無朋友!!!!  哈哈~~~  睇完又上下網 hea 下 hea 下...同隻小狗玩下...同佢一齊食下 apple ...又到訓教時段...!!  所以 d 野都無乜進展...!!

不過我都慣左自己既脾性...一有靈感到就會 ba ba 聲咁搞惦...都有d擔心...唔知新娘子會唔會等得好心急...?!   

都係要 set 個 Time Table 出黎...要準時達標先得!!!  不過要我 set 的話...我一定 set 到好 last 的一刻...嘩哈哈~~~~ 如果要一對新人 set 的話...我又怕以我衰格的個性...有壓力又會逃避...!!  正如自己結婚時...最後一個月先係咁整整整!!!!  

相關 blog:

2011-06-30 朋友的戒指座初試版

2011-07-10 朋友的戒指座半成品