2011-07-23 Book Fair 2011

每年的書展...我都會相約細細佬一齊去趁熱鬧...近年主攻d搞笑書...因為笑下輕鬆下真的很不錯.....文字太多的已無興趣了......以前狂好的張小嫻...已被我打入冷宮...因為再感動唔到我了...!!  可能已不再愛幻想...!!  而且開始覺得千篇一律......!! 

今年發掘到一本很搞笑又寫實的書...就係 " 我的港女老婆 " ...去書展前一日已忍不住去大眾買左第三集 " 我的港女老婆3死都要去旅行 " ...哈哈~~~ 我覺得剩係書名已經中晒我既特點!!! 

去到書展第一件事就係搵埋之前嗰兩本...比 $$ 時... D staff 極好人...好緊張咁話比我知作者黎左呀...叫我快d去簽名...其實......我都唔知邊個係作者...究竟係乜樣...?!  不過見佢地盛意拳拳...就去了搵佢簽名......一去到已知邊個係了...因為畫得真係幾似佢本人...都係咁 XXX...

佢問我係咪簽響封面...我話唔好...唔好畫花封面...簽裡面丫!!  (真係好唔比面...!!  )

一口氣睇左兩本...哈哈~~~勁搞笑...!!!  呢本書絕對唔係跴港女...用好輕鬆搞笑既方式講佢老婆D特性...亦係一般香港女仔既特徵...!!  女既睇到自己中晒所講既野...自不然會大笑......至於男既睇到...一定會響度陰陰笑...!!!  哈哈哈~~~

之後再去尋找朱古力雨...嘩~~~今年有減價...即買 4G USB & ipone 4 case!!!  不過今年的 counter 有點遜色...只係得呢個單車公仔!! 

再去掃埋本低能書...不過睇完之後...覺得呢本好失色...或者湊B其實唔係想像中咁有樂趣...或者寫本血淚史可能仲搞笑...!! 

之後去左文儀部...買左一 pack 水筆...幾張 felt stickers...買左個雜誌送的 b 仔袋...貪佢夠厚身...可以當袋中袋用~~!! 

都有去 PPArt 朝聖...不過都係失望而回...無乜特別...而且都係得 20% off ...唔太吸引...!!  最後只係買左個 stamp...因為覺得似阿B & 細細~~~

幫公司的朋友仔買左兩本書...哈~~~佢話作者同佢好似呀~~!!  高木直子呢 set 繪本真係畫得唔錯架~~!! 

響會場...見到有 set 新式麻雀幾搞笑...叫做 " 官商勾結 " ...仲有打法介紹...哈哈~~~

之後行到累...同細細佬響會場食左 D 野...兩條友食左百幾蚊...不過全部都係唔好食的...有雞飯 (普通)...雞翼 (好難咬得開)...豬扒包 (無味)...洋蔥圈 (OK) 嗰位阿姐仲話比多兩舊我食~~~ 不過佢響隔離嗰包拎比我......咁下一位位咪會少兩舊囉?!  ...

至於最難食既要數呢碗 " 26蚊的生菜魚肉湯 " ...真係未食過咁難食既魚肉...粉到丫!!!

我話好難食...細細佬問我點難食...我話唔可以就咁形容到...佢一定要試下先知!!  佢一夾就碎晒...!!  食落口佢都即時話好難吃呀!!     仲賣到咁貴添!!!  真係無良心呀!!

食得唔飽...好彩回程途中...阿B打比我...問我去到邊...佢剛同D屋企人響迎囍食飯...叫我一齊去等埋我...YEAH~~~

今年書展收穫唔多...因為已經唔係好想買書了......搵日真係要執下屋企間細房...好多野都要送比人 / 扔左佢!!  哈哈~~~ 阿B仲開左個好吸引我既條件添....嘿嘿嘿~~~ 你要守信用呀下!!!!  

響影大合照途中...我們家的小狗又黎搞搞貢了...!!  阿細~~你識唔識睇架?!  哈哈哈~~~