2011-05-30 食在大埔街市 & 買殼

今晚放工出左沙田買左個 Chocolate Rain 殼...heehee~~~ 因為 b 仔既殼我成日驚整甩上面d石...唔係好捨得用添...都係留黎欣賞紀念~~

哈哈~~~新舊 iphone ...不過舊既殼都已經比我趺到就黎爛喇... CR's iphone4 保護殼仲有好多款的...個個都好靚...終於阿B叫我揀呢個車衣女工~~   仲有個畫畫既其實我都鍾意.......

今晚執櫃時...搵到個好耐以前用過既電話...記得買左呢個電話後...阿B笑到我而家...><"  自呢次後...我唔再買呢D特別牌子...哈哈哈~~~ 所以之後一直只用 索尼艾力信 直至 iphone ...而 iphone 用了三代了...始終都覺得除了 iphone 還是 iphone...暫時無第個牌子可以取代得到...hee~~~  iphone既魅力真係難以抗拒架...我有兩個朋友當初都好抗拒 iphone ... 家下佢地都出左啦...仲愛不釋手...成日打咭添......

呢部電話...好得意架...個蓋可以反 MON 180度架...哈哈~~~ 當時黎講有成 130 萬像素幾勁的了...不過實際唔似有...哈哈哈~~~~ 見番呢部電話...諗番都好好笑...當時原本諗住買索尼艾力信的...唔知點解無拉拉買左呢部...真係好搞笑囉!! 

阿B今晚仲衰到即刻拎番電去叉...話睇下仲著唔著喎 ><"  又著到喎......

之後去 i.t. 拎埋個 cushion ...好得意...雖然係送既...不過而家一田減緊價...我買d衫只有 八五折... 而一田有七折呀 ><" .......今日行開一田...我買嗰d 已無我碼...咁算唔算有點安慰呢...!? 

好可愛的骨頭 cushion......唔知細細會唔會又霸左黎用呢?! 

Post 開收藏品就 post 埋近來既 CR collection 啦~~~

呢個環保袋係之前換番黎既...

呢個 Computer Bag 係好朋友幫我用頭條印花加 $$ 換返黎既...好靚呢~~~~ 雙面架...裡面仲要係紫色波點...!!! 

講左咁耐...好似同個標題越黎越遠咁...哈哈哈~~~ 講番今晚我地去左邊度食飯啦~~~

就係好耐無食過既大埔街市三小姐...呢間係好耐以前既歌手開既...

次次黎都有叫籠仔糯米蒸羔蟹...  好似樣樣都加晒價......

呢個粉絲什菜煲...真係有點搵笨...菜又唔係靚...草菇都只係得幾片...係片唔係粒!!  粉絲都少得可憐...  蝦米都無粒~~~

我至愛的椒鹽鮮魷...不過 d 粉炸到好鬆...其實裡面舊鮮魷就好迷你下......駛唔駛咁呀?  魷魚好貴咩?!  我地係叫椒鹽鮮魷啊...唔係叫椒鹽炸粉啊~~

至於呢個籠仔蟹......差...差...差...!!!  應該改名叫 " 蟹仔籠"......

隻蟹超迷你...而且仲霉霉地...都無乜食 d 所謂蟹肉喇...只係食左 d 飯咋!!! 

呢餐 $184 ...之後去左 ok 買左兩支蜜瓜奶雪條...係全晚食得最好味既野!!  哈哈哈~~~

有排都唔會再幫襯喇...越做越差...而且服務態度又麻麻...坐好耐都無人理呀...望到都唔過黎...檯面又咩都無...!!   唔係出左名就咁丫嘛?!  

台中的收穫

台中旅遊已經過左一個星期喇...而家仲好回味呢~~~~!!

今次旅行只係買左極少野...所以駛左好少 $$...呵呵呵~~~~

今次寄的 POSTCARD...有D比少了郵費...唔知收唔收到呢?  &gt;&lt;"  酒店囉...唔肯幫人寄...去到 7仔 D人又唔知郵費要幾多喎...嗚嗚嗚~~~~

買左幾條電話繩...好可愛...手腳會郁的!!  仲有兩支海關送的狗仔筆...因為朋友幫了海關測試隻揖毒犬...朋友得到四支送了兩支比我...好開心~~~

買左一對公仔貼左我們家的雪櫃...每去一處地方我地都會買攝石貼返黎貼在雪櫃上...

仲有三隻祝福的貓頭鷹...送比同事們~~!!

去到誠品...因為無乜時間...所以只係買左呢本書...!!  內容唔錯啊~~~

仲有買左盒可愛的印仔 &amp; 一 盒羊毛氈...早 D 買埋 BEAR 嗰盒啦~~~~ 雖然我未識玩...不過已經約左 June 1 學喇~~!!

響夜市某書局買左呢堆 ribbons &amp; stickers...都算收穫大了...呵呵呵~~~

仲有買左隻好似細細的小狗...送比我們家的細細做手信...哈~~~我地每次旅行都會買手信比佢架!!!

2011-05-28 收到禮物!!! yeahyeahyeah~~~

今晚一口氣補左十幾篇 blog...呢篇一定要 blog blog blog!!!

話說 Sat (28/5)...約左 MW 五點揀相...咁放左工食埋 lunch 都唔夠兩點...所以我地兩公婆就行沙田...阿B話各自行...我有我去睇衫...佢去睇其他......

咁我就去左 i.t. 左睇右睇...響核突佬度買左幾件衫...仲有個 cushion 送...不過咁大個...所以我等 mon 先去拎.......之後阿B打比我問我得未...

跟住 join 埋佢...見到佢手拎住袋野...少有喎...有收穫?  問佢係咪買左衫...佢話係呀......!!

去左萬玲買眼藥水...突然阿B比左佢袋野叫我拎...哈哈哈哈哈哈~~~發現原來裡面有個 iphone盒呀!!  係白色 iphone4 呀!!!   yeah~~yeah~~~yeah~~~~!!  實在太開心了!!!

白色...白色...白色.......多謝阿B~~~~~~~~~~~~~~~~~~~

用埋好朋友之前送比我既 b 仔套...靚靚~~~~

 

2011-05-28 Lunch@Shakey&#39;s Pizza

星期六去 MW 揀相前...仲有大把時間...所以我同阿B就出左沙田食 Lunch & 行下...

沙田度度都咁多人...想搵地方食野都要排晒隊...所以我地就搵d唔駛排隊既......

終於見到有間唔駛等就可以入座既...呢間以前大埔都有間...不過好少人食...而且好貴...終於執左lu...

即管試一次...睇下係咪貴得有道理先得!!

我地只係叫左一個海鮮 9" Pizza 同埋一客小食拼盤...都唔敢叫杯飲料呀~~~

Pizza 賣相都唔錯...不過唔係即叫即整的...因為都唔駛 5mins 就送到黎喇~~

味道普普通通...唔算特別好味~~~

呢個拚盤一睇就覺得好乾呀...又咸...一 d 都唔好食...食左好口渴呢~~~

埋單要二百三十蚊...真係唔值得...唔會再黎食喇~~!!

太口渴...想搵d又涼又解渴既野食...見到對面有間 tuttimelon...雖然買左 coupons...不過未用得...所以都買左一杯黎頂下癮先!!  不過呢間味道好似少d咁...得五隻味...我隻隻都唧左d...盛惠$3x...!!  好味!!

2011-05-22 細細嬲左我地呀~~

我們家的小女皇~~細細小姐...好鬼叻...成日都睇穿我地既...我地一拎個行李喼出黎...就知我地會去旅行...就會唔鍾意...嬲爆爆無晒心機...!!

我地上機 (17/5) 前一日...佢已經無晒心機喇~~~

18/5 我地臨出門口前...佢仲唔啋我呀~~!!

我都好唔捨得你架...你乖乖等我地返黎啦...去瓊姨度玩下當度假啦~~~~

我地返到黎...佢都唔啋我幾日呀...平時我拍拍對腳...佢會走埋黎痴身痴勢要我幫佢抓痕...前幾日都唔過黎呀...今日先痴番我咋...嗚嗚嗚~~~第一次嬲咁耐呀~!!

個樣真係好似嬲爆爆咁...哈哈哈~~

送隻手信比佢都唔玩呀...!!!