2011-05-12 黑白奶 ~ 換杯遊戲

上星期...公司個零食達人話比我地知...有個好玩黑白奶的遊戲...好搞笑~~~ 只要在某D指定茶餐廳飲奶茶...再影低杯底的圖案...之後去 FB 讚好黑白奶...再上傳幅相...咁就會收到張換購 e-mail...拎去 ok 加 $19 就會換到杯一套......!!!

我地又好少去茶餐廳...仲要指定既添...都幾難有得換啦~~~~ 其實換黎都無用...不過玩既過程又好過癮...

阿達人居然無拉拉搵到張杯底相...仲 e-mail 比我地一齊玩...終於個個都換到...好搞笑...達人仲一個換左四盒...都係小克既聾貓...我同另一朋友就換左馬仔的...不過我覺得佢畫到好似阿肥肥響度食蛋撻囉~~~~

其實隻隻杯都係一樣的...只係杯底個圖案唔同~~~~ 如果響公司用呢套杯飲咖啡又幾盞鬼喎~~~