哈~~~ 終於可以去揀相喇...四點半到左上環...上到去坐左陣就開始睇相...不過同預期想像一樣...影得普普通通...唔會有什麼驚喜感覺...係有幾百張揀...不過係因為佢無 delete 相同 & 失敗左嗰d...咁影法...我地去旅行時閒閒地都影到成千張啦...
阿 Yen好忙...又要招呼人試衫...又要比我地睇相...其實佢好少響我地隔離陪睇...大把時間可以偷影...不過我地都懶得偷影了...因為無乜好影... 同一個 post 有時成十張呀...睇到我地都好悶囉!!
最好笑係試衫嗰 pair...帶埋朋友黎幫佢偷影...我地見到...仲笑住問佢地駛唔駛幫手?! 哈哈...好搞笑~~~!! 個女仔臨走時仲同我 bye bye 呢...
之後阿 Yen 得閒 d...就開始同我地揀相喇...睇完 raw 再睇整左 effect 嗰 d...effect 整得有點求其...所以我地要番原相要佢再整過......
第一輪揀完...連 package 的 38 張都未達到...只有 35 張...仲要揀多3張至達標...@@!!
阿 Yen 問我地影成點...佢話純屬傾下計...我地就好坦白同佢講...影得麻麻...影嗰日已經覺得唔好的了...而且阿B又係識照相既...佢都有點尷尬... 所以佢都無乜點 sell 我地乜...我地問佢 package 會比既 softcopy 像素係幾多...佢話只可以晒到 4R左右...所以我地就直接問佢要原件幾多錢...佢話 $1,780 有大相簿 + 細相簿 & 38 張原size執左既相...我地就接受左...ok啦...咁平影...家下兩千幾就有 38 pcs & 兩本相簿...玩左日...而且感覺都幾好...就成交啦~!! 我地咁爽快...我諗阿 Yen 都鬆一口氣...!! 一個月後有排版睇...!! 今日睇相 & 揀相全程都要 2.5 hrs...我地響上環食埋 dineer 先返屋企~~
今日MW勁多人...有 pair 黎試衫好搞笑...男既吊兒郎當...好難想像佢會同個女仔結婚...@@!! 佢地兩個都好搞笑...而且好潮下...男既揀短褲黎影相...又話自己似童子軍...笑到我地丫~~
沒有留言:
張貼留言