2011-05-07 一起打造的戒指

上星期六...我和阿B做了一項創舉 ...哈哈~~~ 就係一齊學整銀戒指~~!!

好耐無試過同佢一齊返學喇...好耐之前同佢一齊學過 Costing 之後就無喇~~!!  報完名之後超期待呢~~~~

三個幾鐘頭的學習過程...全程是力的表現...!! 

今日有六個同學仔一齊學習...導師很年青...上次返銀黏土都見過佢...佢仲話以為我刻左隻獅子出黎.......好搞笑...可能我地人多...次次我地做做下佢就叫我地睇下一 part 點做...我地就話咁樣一陣好易做漏一 part...笑鬼死~~~

一坐低...阿sir 就拎左幾條唔同粗度既銀條比我地揀...再用搥仔揼...cut 出戒指既長度...然後仲要去碌薄條銀條...一開始已經有點手軟...哈哈~~~

一開始我已經有點雞手鴨腳...不過都仲係應付到既.......

就係用呢部機去碌薄條銀條喇~~~ 之後要燒軟佢...揼平...再將佢屈成 D 字~~~

搞完一大輪...又要去剧平隻戒指個接口...真係唔容易...

之後又要用火接合...其實唔難...難在手腳開始有點唔協調...因為要用腳踏先會出火...有d人就成日唔出火...而我就不停咁狂踏 (有點失去控制... )...阿sir 不停叫我細火d細火d...勁搞笑...哈哈~~~~

終於搞左好耐...戒指開始成型...不過都係做左 1/3 咋~~~

之後就要響戒指上揼花紋 & 鑿字...呢 part 我真係唔夠力...所以由阿B去完成...真係好緊張下...因為衰左無得返轉頭......

阿B提議鑿我地個名上去~~~鑿字其實幾難下...又要大力又要揸得實...如果唔係好易走位...

戒指完成左大部份喇~~~~ 見到真係好開心呢~~!! 

之後就要圈大番隻戒指...我要圈大兩個圈呀...揼左一輪只係圈大左少少...最後阿sir忍唔住幫我大大力揼先完成...hahaha~~~

跟住仲要磨平隻戒指...真係少d耐性都唔得...阿B就好有心機去磨...我磨極都係無乜大進展...阿sir 仲用紅筆劃響我隻戒指上面邊個位仲要磨...嘩哈哈~~~~ 仲笑住話佢好似改簿咁...!!

磨平後仲要上蠟打磨架...要整一隻戒指真係唔簡單...好多工序呢~~~~!!!

終於打磨完喇...可以拎隻戒指去沖身...!!!

真係好多謝阿 sir 耐心教導呢~~~!!!

登登登~~~~ 呢對就係我地自己製造既對戒喇!!!!  第一次整手工都算係咁啦~~~~ 真係好鍾意呀!!!!  阿B打磨得好靚呢~~~~

好享受一起學習的過程...真的好開心......

呢幾日成日對住隻戒指傻笑...HEEHEE~~~~~

*** *** *** *** *** *** *** *** *** *** *** *** *** *** *** *** *** *** *** *** *** *** ***

早兩日...黎開呢頭返學...幫阿B買左幾包銀黏土...唔知佢今次又想整咩呢? 

不過...上星期見到個團購係關於學銀黏土架...阿B叫我即買...嘻~~~ 六月又可以同佢一齊返學喇~~!!!