2011-05-06 Dinner@The One

今晚...約左 Vivien 交收...真係好唔好意思呢...要佢呢個時候仲走黎走去......   因為我聽晚要返學...SUN又唔得閒...本來選擇用郵寄...但 Vivien 就好好人啊...我d order又重又大少不一咁...佢提左另外幾個時間比我揀......睇到msg好感動呢....... 

之後...我同阿B去左 The One 搵野食...今日可能係 Fri...度度都超多人...停車場好多都full...但居然比阿B響婚紗街嗰頭搵到錶位...  真係好好運呢~~~

其實我地都唔知 The One 有咩野食...響 lift 口見到五樓有野食就上去睇...終於揀左 Suzuki 坐低~~~

呢間餐廳 "堅持提供 " 要錢買既曠泉水比顧客囉~~~~ 仲要每檯都放一支...掛住呢張牌...

我地兩個新界人...好耐無出尖沙咀食野喇~~~~

我地叫左兩客飯...加左四十幾蚊有餐湯 & 餐飲...

個忌廉湯加左煙肉...我覺得咸左d......

安格斯牛柳粒飯味道唔錯...至於個焗芝士北海道 (兩條假) 蟹腳 (柳) 飯呢...真係芝士加飯咁......焗得好乾下...穌左面頭嗰兩條蟹柳...裡面係無其他餸既...仲要係白飯黎 @@!!!

阿B叫左杯 Mocha 咖啡...但佢話麻麻地...

反而我呢杯綠茶咖啡唔錯啵...不過真係好細杯呀...我吸左幾野就飲晒喇 ><"

裡面仲有幾粒冰的...可以想似下...支吸管咁細...我都可以幾下就吸完......杯野大極有限......哈~~~ 呢餐飯埋單差唔多三百蚊...唔係咁值~~

上黎之前...見到呢間自助形式的Yogurt好想食...食完飯...阿B居然仲記得...帶番我落去買黎食...YEAH~~~~~ 我揀左幾隻味添呀...有綠茶...Blueberry + Strawberry...金桔...茱莉花香茶...仲加左我至鍾意呢d "魚油丸"珠珠......好好味呀~~~ 呢杯半杯都唔夠既野...三十幾蚊...其實都幾貴下......間唔中食一次好喇......不過我都唔可以成日食凍野喇~~~

The One 好多 Disney 既公仔擺設...一場黎到就影下相...哈哈~~~~

睇睇下...我真係唔多似剪左頭髮啊......哈哈~~~~