2011-04-29 半圓芒果流心蛋糕

上星期五...又去學整餅喇~~!!  今次都係用 coupon 去學...平d嘛...  其實呢間個miss 教得都幾好...有示範...佢又幾搞笑下~~上堂係輕鬆!!

我地第一批上到去...今次坐頭位...未開始時又係周圍影下相...仲企左miss個位影添呀~~

不過呢堂既學生唔知點解好多都遲到...Miss 叫我地打比未黎既同學仔...我地就講笑話: 我地唔識佢地喎~~!!    Miss 都無等遲到既同學喇~~~開始上堂~~

呢堂至難係批芒果...我嗰兩個又生生地...好難批...批到一忽忽...反而同學仔佢就批得最好...

終於都搞惦喇~~~ 鋪出黎都唔太差掛...heehee~~~

今次 Miss 仲教我地用果膠擦在蛋糕上...令身好靚呀~~!!

我地三個既作品~~~

好好玩呀~~ 又完成一個學作課程了~~!!

拎到返屋企...無穿無爛...不過太夜了...只好第晚先食~~~仲叫埋阿B個妹黎品嚐下~~~上次佢都試食過半圓榛子朱古力蛋糕...佢話味道好似街賣嗰D...嘻~~~

*** *** *** *** *** *** *** *** *** *** *** *** *** *** *** *** *** *** *** *** *** *** ***

第二晚食埋晚飯...就係切餅時間喇...一定要影低 " 流心 " 的效果呢~~~HEEHEE~~ 其實呢個蛋糕同我之前試整既流心布甸係一樣原理~~~

仲有...呢個蛋糕一定要一次食完...切開後唔可以留番第日架喇~~~!!

阿B食完仲讚呢個蛋糕好好味~~~梗係啦...佢鍾意食芒果蛋糕丫嘛~~~^^