2011-05-03 B's 銀黏土初體驗

上星期學完銀黏土後買左盒 kit 返去比屋企個男人玩下...佢睇左隻 DVD ...簡單求其聽左我講過下整既過程......佢自己又上網睇下...星期一 (2/5) 就忍唔住開左盒野玩喇!!!   

其實佢都未諗定整乜...真係無佢咁好氣...見佢好似幾認真咁...又畫左設計圖...哈哈~~~ 咁就開始佢既試玩之旅喇~~~~  

雖然我都只係學左一堂咁大把...但話晒都係上過下堂丫...有時會忍唔住提下佢要點點點...佢居然只係自顧自玩...好忙碌咁......有時見佢做D難度高既野...就會忍唔住問佢做乜捨易行難?!    

終於佢分左兩日完成左件作品...途中聽到佢慘叫聲...哈哈哈哈~~~~ 因為佢夾裂左件作品...即刻又要修補...係咁搞搞搞...仲開番隻 DVD 黎睇.....睇到佢咁認真個樣...真係覺得幾搞笑下~~!! 

搞笑還搞笑...佢都係想整比我...我見到佢咁...都好開心架...雖然份野係我買既...哈哈哈~~ 佢仲叫我買多包比佢玩...!! 

第一晚...要等 D 銀黏土乾...留意 : 佢仲未整個扣個窿呀~~~   不過第一次又無學黎講...佢真係整得唔錯架喇~~!! 

第二晚放工...阿B又繼續完成佢既大作~~~

佢修補晒D裂痕...打磨晒...就開始燒舊銀黏土喇~~~~

佢做左個極高難度既挑戰呀...響銀黏土度用電鑽去鑽窿呀~!!!!!  不過又比佢鑽到...  但我就猛哦佢應該軟身時就咁開個窿仲簡單...........

燒完出黎既銀黏土係白色架~~~~

似模似樣喎!! 

燒完後待涼...就可以開始打磨喇~~~~ 佢勁有心機呀~~!!!  磨左好耐呀...!!!  打磨呢下都幾考耐性功夫架!!!

哈哈~~~ 阿B的傑作終於完成喇!!!   雖然有條很淺的裂紋修補唔到...不過我收到呢份心意都好開心架...!!  唏~~~ 手作既野梗係有瑕疵架啦~~~~

佢驚C我唔戴咁...拎左我條手鍊就扣左落去......  得啦~~~話左戴就一定戴架啦~~~ !!

(好彩佢整得真係唔錯......!!)

*** *** *** *** *** *** *** *** *** *** *** *** *** *** *** *** *** *** *** *** *** ***

我成八個月無剪過髮喇...因為我唔想響髮型屋入面呆坐無所是事咁...今晚阿B又去剪髮...我就話不如佢當我係細細咁剪...幫我修修D頭髮...佢一聽到晒手擰頭...哈哈哈~~~仲話 : "你同髮型師講...唔好同髮型B講啊...!! "   仲話: "剪到細細一忽忽都好...阿細唔會話我!!!"   哈哈哈哈~~~~~ 你認真d剪得好我咪唔會話你囉!!!  

既然唔肯幫我剪喇...UM...咁唯有跟埋佢去啦~~~~剪左個幾鐘...兩個都走得...爽呀~!!! 

不過可能我真係少護理d頭髮...成日打cake...剪到髮型師都扁晒咀呀!!!  哈哈~~~~ 佢話我修多幾次應該會好番d架喇~~~!!! 

修薄左 d 頭髮...剪短左少少...個頭好似輕左咁......不過我問其他人覺唔覺我剪左髮...個個都話唔講唔覺...講左都唔覺...@@~~~!!!   唔係丫嘛...你地太唔留意我喇!!!