FB分類

近日不少朋友問我為何突然在 FB 將會把朋友列表分類...很簡單...因為我同老公觀察左好耐...發覺有D諸事份子只想八掛...成日只會問我地既生活情況...同邊個好定唔好...睇左相又唔出聲...另一方面...佢地自己既生活甚至一D雞毛蒜皮既都唔會同人分享...口中就說朋友...但其實只係一般的兩頭蛇...周圍討好...有些朋友都看不過眼...有什麼值得讚好...?!  其實我地一直容忍...有時有D野唔駛講到出口...朋友但求真心...唔會做傷害朋友的事...對嗎?!

我做人好簡單...愛恨分明...唔會口講一套心又一套...或者我會失去好多所謂"朋友"...不過我從來唔會覺得有什麼大損失...!!  保持"朋友"關係又如何?!  所以我唔怕得失什麼人...!!  做人連基本的骨氣尊嚴也沒有...活得開心嗎?!

在朋友的圈子...從來唔會有利益衝突呢回事......

在同事的圈子...也沒有什麼損失...我出既人工 & bonus 唔會因為咁而少了...反而比同一 grade 既人為高...咁仲駛唔駛刻意去討好什麼呢?!

不久的將來...如果發現突然看不到我們的照片再出現...唔駛再問了...自己檢討好了!!

或者保持神秘感也不錯~~~

仲有......有D野...若要人不知...除非己莫為......!!!

Free Hit Counter

2011-06-28 証書套盒子持續製作篇

噚晚 (28/6) 終於決定 CUT 細少少個証書套盒...而家開始同把 Cutter friend 左喇...佢聽話左好多...我終於可以好好控制佢喇!! 

用ok膠痴好個底盒...家下同 ok 膠都 friend 左 d ...無用到咁論盡了!!! 

打算用紫色橫紋紙黎做盒面...不過未諗惦點 Decoration...側邊打算襯番個証書套一樣的設計...至於中間...究竟又點好呢...?!   唉~~~近黎諸事不順呀...腦都有點實了~~!!!

沒有太多的時間了...其他的還未開動呢...!!  不過以我性格 & 一向既處事作風...唔到 last minutes 都唔會嘔到野出黎架喇...以我自己結婚時的 DIY 為例~~~嘩哈哈~~~

相關閱讀:

結婚証書套盒子製作過程:

(1) 2011-06-21 証書套盒子製作 (開工喇)

朋友的結婚証書套製作過程 :

(1) 2011-06-08 開工制作~~

(2) 2011-06-15 朋友的結婚証書套 (半成品)

(3) 2011-06-19 朋友的結婚証書套 (完結篇)

Free Hit Counter

2011-06-25 初試心太軟

上星期六 (25/6) ...之前約埋兩位好友一齊買了 coupon ...參加八度海逸酒店辦既心太軟團購課程...!!   其實我麻麻地食心太軟...不過我知呢個甜品唔係咁易整得成又整得好味的!!  有得一齊玩...我點會錯過喎!! 

第一次去呢間酒店...其實睇左地圖我都唔知實際響邊...所以就約埋其中一位好友打的去...!!  熱辣辣的街道...響的士站都要等左一陣先有車上呢~~~~

間酒店都唔錯喎...雖然位置偏d~~~

今次由酒店糕餅總廚教我地整呀...真係唔簡單...$99 仲想點?!

全班只有9個人...其中有2個最後甩底無黎到...7個人...少數團購蛋糕甜品課程咁少人呢!!!  酒店搞可能就有呢D好處...唔駛一個對廿個唔知睇得邊個!!! 

黃師傅首先講解示範一次比我地睇...佢好搞笑...話自己7日7夜不眠不休研究呢個食譜出黎架...嘩哈哈~~~~駛唔駛講到咁誇啊...知你努力喇!!! 

嘩~~~原來要用咁多牛油擦落個模度架...@@!!!   之前已經溶左一舊落D朱古力度架喎!!!

哈~~~~ 酒店的行政總廚都響度監場呀...!!

睇完阿SIR示範完...我地就埋位個別製作喇~~~~全個過程都幾簡單...

(1) 座溶 (2) 搞勻 (3) 凝固 (4) 焗熟 (5) 食得 

呢部原來叫做光波機...阿SIR話麻麻地...因為個底唔太傳熱...不過佢只係分配到呢個資源~~~~

阿SIR既示範作品...終於焗起喇~~~~!!  我地在等食中~~~

阿SIR仲好認真...話教埋我地整吉士汁呀~~~~!!!  都好好味啊!!  不過呢個汁又貴又麻煩...自己唔會整喇!!! 

阿SIR示範點裝飾個心太軟喇~~~~

嘩~~~~ 好靚呀...!!!

呢個細個D既係阿SIR請我地食架...真係唔錯啵!!!  如果有埋個雪糕就好喇!!!

我既半成品...有兩個已經焗熟...有兩個係未焗的...返去試下效果先得!!

呢間酒店D工作人員都好 NICE呀~~~~ 呢位係中菜廚師黎架...佢好可愛呢~~~同我地影相又扮野喎!!  仲話自己係周中師傅...HAHA~~~其實佢姓郭的!!!  佢話遲D會開班教中菜...有同學問佢野又認真答喎...真係好好人呀!!  我問佢會唔會參加大廚出馬...哈哈~~~佢好謙咁話: 我未夠班~!!  

呢位係教我地既阿SIR...臨尾佢講自己個名比我地知...笑到我地丫...原來佢英文名叫 : BABY 呀...哈哈哈~~~~之後我地仲成日高音地叫佢個名呢......呢堂實在太好玩喇!!!!

夜晚...阿B放學返黎...即刻焗左個熟既黎試味...!!  哈~~~屋企有防潮粉...整出黎都靚靚啊!! 

阿B呢個好好彩呀...焗多次都仲有D流心效果...唔多好朱古力味既佢都話好好味呢~~!!

噚日試埋未熟嗰兩個...初頭溫度太低七分鐘都未有起息...最後將爐溫加到 180度...焗多五分鐘就得喇~~!!!   裡面好流心...!!  好好味~~ 不過都係太大個...有D漏~~!!

Free Hit Counter

2011-06-26 大廚B

近黎家中的男人...好花心思去煮野食...一星期一煮變得更美味...HEEHEE~~~

星期日 (26/6)...下午都好豐富~~~   真係飽到上心口...!!

Lunch : 香茅豬扒 + 蛋炒飯

晚餐仲豐富...一早搞惦隻雞...夜晚用焗爐開邊焗...睇住佢變色真係口水都流埋呀~~~

隻雞翼仲焗到飛起...好搞笑~~~~~

燒雞出爐喇~~~~~ 皮脆肉滑呀!!!  阿細都分到d黎食...食完佢自己d糧都唔肯食呀~~!!!

仲有美味牛柳粒炒絲瓜...好好味呢~~~!!

至於個湯...就係甘筍薯仔馬蹄排骨雞腳湯...正正~~!!!

今晚洗碗都洗得起勁d...哈哈哈~~~

Free Hit Counter

2011-06-25 為食細細摷狗糧

上星期五 (24/6) 去睇舞台劇送左 d 狗糧...有兩份總共十二包呢~~~

估唔到我們家的小狗平時食野招招積積...佢唔係咩都睇得上眼入得口架...今次居然對呢兩袋野好有興趣喎!!!   佢好少做出摷野呢個行為架~~!! 

見到佢拼命咁響呢兩袋野中間係咁鑽...好搞笑~~!!  佢直情想搵個袋既入口...想塞個頭入去添呀~~!!  之後仲出埋手仔腳仔...係咁狂抓...叫極都唔停...拉走個袋仲要跟住伸個頭入去...笑到我丫...!!  好好玩咁~~!!

開左包就咁餵佢食...佢又好肯食喎...傻妹當係零食咁食...蠢到丫...哈哈哈~~~ 叫佢做咩動作都得...又伸伸下條脷好為食既樣...好搞笑~~~!! 

阿細~~~你好肚餓咩?! 

近黎傻妹好乖巧...有次同佢玩玩下拋公仔...佢無拉拉好乖咁坐左響窗台下面個盒上面...眼定定望住你...個樣真係好可愛呢~~~ 究竟佢諗緊乜呢?! 

哈~~~呢個好實淨既盒...點解放響呢度?!  就係方便小狗得閒就可以企上去望出窗口啊...佢好叻架...識用個頭仔撩開塊窗簾布...企高個身...響度望屋下面既情況架~~~!!!  非常聰明呢~~~!! 

呢晚男主人去左返學...佢訓醒 & 食完野之後就一直響門口附近等主人返黎...痴情指數爆燈呀!!!  佢真係好似心掛掛咁架...就算行開陣去飲完水...轉頭又見到佢扒響度痴痴地等的!!!  阿B知道後勁開心丫~~~~