早幾晚 (27/7) ... 一路睇陳展鵬一路幫個証書套盒埋尾......哎呀!!! 大 C 死左呀...嗚嗚嗚~~ !!
痴晒d珠仔上去喇~~~ 完成!!
貼埋張白色皮紋紙...完成~~!! 
放埋本証書套入去...完成!!!
朋友的結婚証書套終於大功告成了!!! 
朋友極搞笑...send 左比佢睇...佢話真難為我...要我成日對住佢幅相...哈哈哈哈~~~
公司的朋友仔真好...知我唔見左把熱溶槍...第二日就拎左佢嗰把借比我...真係大感激啊!!
還送我一筒大口仔糖...好好味!!! 而個桃就係另一同事的生日果藍...佢分比我地分享的...多謝唷~~~!!
下一回...究竟整剔名筆先...定整個人情箱先?! 兩個都有少少 idea...不過仲未諗清點整好...!!
相關閱讀:
盒子製作過程:
結婚証書套製作過程:
噚晚 (28/7) ...放工去左 CWB 返學 ...食緊飯既時候阿B打比我...話比我知 3 號風球...叮囑我放學要打比佢...佢出黎接我......哈~~ 之前有時我見唔太夜既話...費時佢出黎...放左學都唔打比佢...所以今次打風佢就預先提醒下我...呵~~~ 放學仲有小狗黎左...見到佢地真係好開心~~~!!
今日返乜學?! 去左搵 Peggy~~~嘻~ 
今堂試玩左兩種工具...i-top 同埋相角 punch...!!
我覺得用 i-top 整布包鈕成本未免太貴喇 (如果部機只係得呢種功能既話)...!! 什麼店都有呢類野...十蚊仲有幾粒又唔駛靠工具...
反而相角 punch 幾得意...!!
今次揀左張有 lace's pattern paper...漸漸愛上呢類 style ...!! 簡簡單單的相簿...效果唔錯啊~~!!
< 相簿封面 >
< 相簿封底 >
返學之前...經過見到謝寧間鋪...原來唔止九龍城鋪的...所以就走左入去買左盒蝴蝶酥...其實我想買一袋的...哈~~~ 不過個 sales 已經入左袋...我見個盒幾靚...所以就豪買啦~~!!
以前我係唔食呢 d 酥類既野...不過而家又覺得幾好食...不過~~~~好肥呢~!! 今日唔記得拎返公司請 d 嘩鬼食添...星期一啦~~~~ 最好有人提下我啦~~!!
昨晚 (26/7) 又係 "的"起心肝工作的時候...!! 攤左1個月既証書套盒子...要拎出黎吹麈喇~~~!!
如果唔係畫低左...都唔記得自己想點整...哈哈~~~ 近黎成日失憶~!!!
做呢個盒仲難過整個証書套...用既時間仲多...因為 D 位仲要計得準 D ...又要包張直紋紙...其實我都唔知出黎效果得唔得...不過我覺得呢隻紫色紙好靚...而且又夠厚身...!!
大家見到我的幼稚圖唔好見笑...!! 
全個盒子最難係呢個盒既部份!!! 多dd or 少dd 位都唔得...!!
包埋個盒面...全晚同白膠槳 & OK 膠玩遊戲~~~!! 估唔到直紋紙比想像中易痴喎!! 初時仲擔心屈埋時會唔會出現裂紋...!! 出黎效果好平滑...!!
反而痴呢條 Lace 就用左較多時間...等佢乾...要慢慢黎......
先做外殼...盒裡面仲未整完......明天繼續!!
一路痴都好順利...點知掛住睇金枝玉葉就出事了......!!! 不過如果我唔講...其實無人會發覺有問題的!!!! 不過破壞左我當初諗既圖囉~~!!!! 有點耿耿於懷添~~~!!
我話比阿B知我有少少出錯左...仲係臨尾衰的......佢居然話 : "呢個係你 STYLE 丫~~~" 可惡!!!!
就咁睇......你地又知唔知我整錯 D 乜呢...?!
聽晚貼埋 D 珠珠響面......塊 Lace 同証書套一樣的...襯襯...嘻~~~
整埋裡面...希望唔好再拖了...!!! 陳展鵬...你放過我啦...嘩哈哈~~~
暫時放左個証書套入去...有少少虛位...不過之後加工應該無咁覺了~~!!
相關閱讀:
盒子製作過程 -
結婚証書套製作過程 -
星期一晚 (25/7) ...又上第三堂既花藝班...今次係學花束&禮品包裝.......
未上之前...我還以為是學包扎一束花...原來唔係喎!!! 有點驚喜的感覺~~~
今次個導師好後生...佢無示範整一盤比我地睇...只係佢講...我地去做...未完成一刻都唔知個作品係咩黎架~~~
而且 D 花都唔係一次過派晒比我地...所以都係未完成都唔知仲有咩花架~~~
首先派左 D 小丁香...春蘭葉...花泥 & 包裝和紙.......其實話呢堂係插花都得...不過係用和紙包住舊花泥黎插...完成後好似一份禮物咁...好特別!!
整好左個包裝之後...就派左鐵樹葉...森樹葉...火百合 & 玫瑰...將所以花材插滿舊花泥就完成喇...!!
平時慢手慢腳既我...今堂居然歷史性地第一個完成...
我帶去個袋唔夠闊...變左要棒住返屋企呀...就咁拎其實唔係重...不過長途拎住都幾係野架~~~ 返到屋企有點手痺~~!!
導師話後面的火百合開埋仲靚...呢盒花應該好襟擺的...!! 咁又係啵...上次學既花球 & 插花放左一個星期仲得喎!!!
呢個花束禮品包裝...都幾特別啊~~!! 呢間學校其實都幾好...不過學費真係幾貴下...所以除非再有試堂...如果唔係都唔會諗 lu ......
哈~~~ 我今日先知道...上次教我地嗰個導師...原來係校長黎架!!!! 第一堂係校長親自教...真係榮幸喇~~!!
近來遇到不少好事.......真係好開心...!!
