2012-08-02 Never-ending Card

今次呢篇...真係有BLOG以來最快出爐...新鮮滾熱辣...!!!  係講番噚晚既...!! 

點解今次咁特別?!  其實都係因為突然想寫...同埋呢晚玩得好開心 (成功毒害 )...

見到朋友們都認真去整...而且又整得好靚...想快D將呢D記憶記住...HEEHEE~~~


呢堂其實本來我無諗住上的...不過居然係由姊妹Y提出去玩...所以我拉埋姊妹A一齊去喇~~~

姊妹Y當然有佢既目的啦...就係因為佢 HONEY (曼聯的傑斯) 的關係...

佢想在十一月去英國...傑斯生日的時候...親自送張親手做的生日咭比佢......嘩~~sweet到丫...!!

令我地好羨慕傑斯囉...從來佢既眼中只有他...嗚嗚~~~~~~


今堂張咭又真係好特別既...其實唔難...不過好易搞錯......

整完出黎不斷反都有野睇...係咁反轉又反轉...好得意...!! 


一開波就揀紙...三個都陷入苦惱...選擇困難症又復發...!! 


之後...又開始我最討厭的用間尺度尺寸...好苦惱...

而且仲要用較剪...我想問有冇 cutter ...對我黎講...會快d又準d...

當 Miss 知道姊妹Y係整比球員傑斯之後...好感興趣...成日都問姊妹Y問題...

例如: 鍾意左佢幾耐...見過佢未...有冇合照......好好笑...!!

之後...可能想姊妹Y整得靚D送比HONEY...所以MISS好幫佢手啊......

教佢點襯...又幫佢搵紙......提供好多意見比佢...哈哈~~~

我地就笑佢...對朋友唔夠好...但偏偏就成日遇到好人幫佢...! 

至於我地兩個就自己玩...當然間中都有問MISS啦...

玩左個幾鐘我地個咭底出左黎喇~~~~~~

三個揀既都好唔同...因為MISS所提供既紙 & STAMP 唔多...

所以我地為求再靚D...就發揮敗家~~~~去到邊買到邊既精神...

周圍昅MISS鋪頭有咩啱用...即買即用...哈哈~~~~~

 

三個幾鐘頭之後...我地三個既 BABY 都出左黎喇...!! 

各有特色...你地鍾意邊張?!  平D賣比你...!!!  嘩哈哈!~~ (傻左!!) 


姊妹A的作品...佢整咭時又開始成日 " 吟吟噚噚 " ...笑到我地C...

我地成日笑佢又 " 又黎喇...吟噚鬼上身...!! " ...哈哈哈~~~~~~~~~~~

我叫佢呢張係 " 包羅萬有 "...裡面真係好豐富架!!!! 

鍾意嗎?!  可以留言...我叫姊妹A割愛比你...!!  至多叫佢平D...!!  HEEHEE~~~~

呢張係姊妹Y的心血作品...佢好認真去剪貼配襯的...仲整得好緊張添...成日驚唔夠時間喎!!

鍾意呢張?!  SORRY 喇!!  呢張係非賣品!!   世上只有傑斯可擁有...!! 

佢仲話要親自交比傑斯...我地笑佢要教埋佢點開...仲乘機可以"HI"到佢隻手添...!! 





最後出黎既佳麗...就係我整嗰張喇~~~~~~~~~~~~

其實我都唔太滿意...因為整整下...我都唔知想點...

之後又響廢紙堆尋寶...哈~~~~好懷念在AMOR返學的時期...我又係成日去尋寶...

之前揀左既紙...到最後都會面目全非...!! 

姊妹Y話我張咭好和風...我就想話佢發 "UP" 風...哈哈哈~~~ (睇到既話...唔好打面...!! )

我地三個各人買左D Parts 一齊用...

不過我發現我買嗰 pack 兩腳釘...佢地無乜用到...可能係我 taste 唔好...嗚~~~

咭上既蝴蝶...我逐隻剪出黎架...如果有蝴蝶 punch 就好啦~~~簡單又快...!!

Miss可能成日見我遊魂...有時又停晒手...成日以為我已經整完...

查實我係一路搵靈感...呵呵呵~~~~ 要魂魄出走先搵到架嘛...!!

終於出左黎喇...我呢張叫做 " 左併右併" ...!!

鍾意嗎?!  可以留言...我可以考慮割愛...賣比你...!!  (顛左......!! )





我其實好耐好耐響屋企都無做咭了...因為太懶拎D工具出黎...

希望日後有機會...我會重拾起響屋企整咭的興緻...


今堂好好玩...我地仲即場報左下個班黎玩...不過呢班唔係團購班會貴d了...!!

好期待兩個星期後又見到miss呢~~~~~~~~~~~~