持續敗家!!! 呵呵~~~

近黎 759 成日都有五六日八達通優惠...

所以就間中去下禾輋....間中去下粉嶺入下貨...

當然唔係全部都係我地食晒架啦...

有部份係阿B拎上大陸請佢部門D同事食架!!

買下買下...都買左好多野下...每次去到都會好開心...哈哈~~~


以下全部係近呢兩個月既入貨紀錄~~!!    有d仲唔記得影低添...

我已經無零食達人T 咁顛了...佢響 FB 開左個ALBUM係 FOR 零食的...

仲有入貸價, 折扣價 & 折上折價!!!  差在未評分!!! 

呢期極鍾意食呢隻芝士麵...前一排斷左市...終於都返貨...即入!!!

其中一包將會送比國內的香港同事...推介比佢地...等佢地有啖好食~~!! 

而呢隻蒟蒻呢...我地兩公婆就至鍾意食芒果味!!!!

上次我開雪櫃諗住拎黎食...明明記得仲有...點知一粒都無...!!!!!

但見到阿B個口脹卜卜...!?  原來佢將LAST一粒都食埋...仲要係早我十秒!!!!!  太可惡了!!!  

佢仲得戚地話: 你早十秒入黎就比一半你啦~~~!!!! 

之後呢隻味仲係斷貨...一見到返左貨...即入~~~~~~!!!

不過有三包都係屬於國內的同事們......!!!  口孔 ~~~~  

講完食方面...呢排成日上淘寶淘電話殼...款式好多...質量包裝都非常好...!!

因為香港D鋪頭實在食水太深了...淘寶只係賣廿幾三十蚊既殼...佢地就賣百幾蚊!!!!!!!!!

有個最過份...淘寶賣人仔八蚊 (後黎搵到幾蚊都有交易)...

沙田賣 $68!!!   阿B仲曾經買過兩個添呀!!!!!!!!!!

真係有D衝動淘一大堆回來...拋頭露面做無牌小販!!!  嘩哈哈哈~~~~

到時...如果大家認得我...可以問我拎"電視框"添...!!!    (好似黎真咁...!!!  )

所以唔買對唔住自己啦...我地就上網淘個不亦樂乎了!!!

有幫家人, 朋友 & 同事淘淘淘...!!  難怪一眾 BLOGGER 都說淘寶係會上癮的!!!!!!!!! 

最近...鍾意園藝的阿B...仲淘埋D花既種子...

仲打算響國內的辦公室房內放個架黎裝佢D植物!!!! 

以上的敗家...都係濕碎料...!! 

近黎我唔知點解同 " 羅友痕 " 做左知心友...(即係以前已經係FD底...家下感情更深入...)

去拎支神仙水樣板就出左事......自動獻身買左幾支補品!!!

好耐之前都用過呢隻牌子...其賓效果係幾好...不過價錢就貴貴貴...

所以用用下加上又懶...放棄了...

近黎可能又見到D廣告 & BLOGGER 效應...所以就心思思了...

嫁左的女人...間中都想保養下...HEEHEE~~~~

我只係買左三樣野...其中有兩 SET 仲係優惠套裝...!! 

送左幾塊面膜...當晚即用...真係唔同D...精華素多到丫...塊MASK又貼面...

真係一分錢一分貨...!!  不過太貴...未必會捨得買...!!

神仙水用左幾日 (只係記得朝早用...仲要係求其拍上面...@@")...

面油明顯係少左...話時話D暗瘡印既色素真係少左...@@~~~

唔知我認真地用...會唔會更好呢?!