今日係中國情人節...祝各位有情人終成眷屬...未有情人都好快找到另一半!
若干年前...和他還沒拍拖...有一日他送我這親手造的相架...呵呵~~~ 每支雪條棍都用打火機燒至小小薰黑...燒掉他不少的手指毛...哈~~ 上面的字是他親手寫上...雖然寫得不太秀麗...但那份心意一直難忘...!!
珍貴的相架...代表著我們的深厚感情......
珍貴的糖果...代表著我們的甜蜜幸福......
晚上...去了九龍城...吃我們喜愛的日式放題......yummy~~
這是今天特別贈送的情人節食品~!!
一看到美食...就將什麼減肥的口號都忘記喇!!! 即刻換左另一句"吃得是福"的口號喇!!!
曾氐夫婦在忘形的吃吃吃......哈~~
等待了數個月的外影...一直因為天氣的關係改期又改期...終於今日成事喇!! YEAH~~
放工後...恩 和 Amy黎左火炭等我地放工去飲茶...之後Amy就返 office ...我地三個就出發去大埔火車博物館...去到踫啱有間幼稚園的小朋友來參觀...多人到丫...我和恩帶左d公仔黎影相...呵呵~~ 係呀~~我地黎玩學影相呀!!
哈~~我地三個不約而同都係著間條衫啊...阿sir著灰黑間...兩個學生都係著黑白間呢...!!
其實我連部機點用都未識...哈~~~ 加上懶懶又求其的個性...唔及同學仔的投入...佢真係好多問題發問的...十分好學!!
哈~~呢張好搞野...你影我...我影你...
今日天氣比較悶熱...我地三個都出晒汗呢...不過玩得好開心...哈~
影左一輪就出發去林村喇~~~ 順便許個願!!
上面o個棵係假樹黎架...而家用黎取替以前o個棵真樹 (下)...
哈~~個橙好假呢...我地分別在紙上寫上願望...希望能達成啊!! ^^
原來要拋上去都唔係咁易架!! 我地分別試左好多次都跌番落黎呀!! @@~
我地呢兩位學生...經過一番努力先成功將寶牒掛在樹上...不過位置就掛得不太高呢~~~
阿B拋得比我們高得多...而且姿勢比我地優美...哈哈哈~~~
哈~~~ 我地今日好似去左旅行咁...雖然天氣好焗下...不過都無影響我地興奮的心情...實在很好玩呢~~!!
懞豬豬同肥仔Pooh似唔似在講數呢?! 哈~~~ 爭食豆腐花...雞蛋仔 & 涼粉?!
因為突然想玩埋影埋夜景...所以順便返屋企拎腳架 (好近林村)...又順便響祠堂附近的文山公園影下相...嘩~~響度住左十年...都無發覺呢度有咁好既景色...!! 小橋流水...文天祥像...魚池...荷花等等...!! 距離我們的家只是五分鐘的路程...哈~~ 其實平時都有好多本地團黎呢度架!!! 仲會去埋廟o個邊拜神添!!
真係十分鍾意個祠堂...影出黎十分靚呢~~!!
出到尖東...居然落起毛毛雨...唯有求其搵左間食車仔麵...最正係支可樂!!! 飲可樂始終覺係係樽裝好味...究竟係心理作用定係配方真係唔同呢?!
尖東還有燈飾呢...好耐無黎過海旁喇...家下真係太多自由行喇...!! 周圍d人都係講普通話...差d以為自己身處內地呢~~~ 今晚我地仲滲入其中...一齊坐在海旁睇 "幻彩詠香江"...哈哈~~~ 真的太難忘了...!!
我地屋企個小女王...今日八歲生日喇!!! 生日快樂~~身體健康啊!!
唔經唔覺...呢隻小棉花陪左我地都已經八年喇...好記得2002年當佢第一日返黎時...細隻過拖鞋呀!! 白雪雪...眼仔碌碌...手腳肥肥短短...好可愛...!!
阿B初時想比個驚喜我...唔比我知有人會送隻狗仔比佢...點知最後都忍唔住講左出黎...當我知道家中將會有新成員加入...真係好興奮...好期待...好想快d見到佢啊...阿B帶佢返黎時...係用個 Notebook 箱裝住佢呀...哈~~~打開個盒見到佢...成身係咁震...好似好驚人咁...但又要跟住人喎!! 我第一眼就愛上她了!! 其實以前我都好怕狗的...又係見到狗就會依嘩鬼叫...@@~!! 我都估唔到...我會養到狗仔呢!! 還會和她不分彼此的頭踫頭睡在一起...
抱起佢...細隻到都唔敢用力...驚會整親佢...成舊棉花咁...我到而家仲好記得......
佢響 BB 最可愛既時期...曾經患過皮膚病...周身痕...初時請教養狗的同事...問她為何成日會抓痕...同事告訴我: 狗仔無聊咪會抓痕啦~~@@!! 不過佢真係抓得好厲害呢...終於帶佢去睇醫生...醫生話佢生"界線"蟲呀...所以會周身好痕...要打針食藥呀...咁細隻就要成日食藥打針...阿B幫佢剷晒D毛...嗚~~ 完全變左另一隻狗既樣! 連佢自己都接受唔到無毛呀...!! 個咀幾似廁所既鮑魚擦丫...我仲猛話阿B好搞到佢咁...!! 可以剷好樣d既o者!!!
由細到大佢都係咁活躍...搞搞貢...強項係 : 偷拖鞋...!! 專等你除左拖鞋之後...靜雞雞擔走...得手後就會狂奔去梳化度...係咁咬隻拖鞋!! @@~~ 有時著住都照搶呀!!
仲串到要搵隻腳仔踏實呀!!
個樣幾得戚!!!
佢至鍾意玩毛公仔...見到都會據為己有...!! 係咁咬咬咬...fing 到隻公仔痴根~~
又鍾意響梳化度典黎典去玩...周身郁...無時停......到家下都係咁...每日必典一典先安樂!!
成日又鍾意扮憂鬱...引人注意.......
對主人既物件最有興趣......咩都有佢份咁...
我地曾經貪玩...用百佳膠袋整左件衫比佢...自此之後...佢聽到膠袋既沙沙聲就會衝埋黎係咁吠吠吠...@@~~ 唔通真係會有童年陰影?! @@~~
呢隻就係我地錫到濃...打得少既心肝寶貝~~~細細喇!!
今日佢生日...無特別慶祝...haha~~~只係不停咁同佢講...生日快樂啊!! 不過佢都唔識聽...只係想我比野佢食啦~~哈~~ 生日禮物就係多平時一條雞肉條零食啦!! 呵~~ 不過佢好滿足架喎...其實佢真係好乖......
佢而家都仲係好百厭架!! ^___^
期望...下一個八年...你仍在我們的身邊陪著我們......
