今晚同阿B的家人一齊去麗豪酒店食團年飯...今日成日都落雨...搞到個地好滑...因為趕時間所以行得好急...點知出門口行到去隔離屋條樓梯度...因為o個度係雲石地面...我成個人"線"低訓落條樓梯度...訓到直一直...痛到痴肺...簡直係大冬瓜凳落樓梯聲震村...好彩無撞親個頭...阿B即刻扶起我...我痛到呱呱嘈想喊...阿B叫我唔好喊@@~~ 又真係好聽話唔喊!! 家下只係知背部腰既位置損左又瘀左...行路好痛...唔知有冇整到腰骨呢?! 真係超級黑仔王呀!! 牛年最後一日都要搞單咁既野!!! 佢地話我聽日會仲痛...嗚嗚嗚~~~ 食都補唔番呀!!
之後阿B仲笑住話我...因為我話要各自各擔遮...平時擔一把兩個人一齊遮...我會Q住佢隻手黎行...佢話我會一路行一路哦佢 : 小心D行呀...你知你幾論盡架啦...一陣線親跌親腰骨就唔好啦等等的說話......點知今日一分開行就出事...嗚嗚嗚~~~ 仲比佢笑我~~~其實最論盡o個個係我!!
*** *** *** *** *** *** *** *** *** *** *** *** *** *** *** *** *** *** *** *** ***
去到麗豪...居然踫到同事一家人都係黎呢食團年飯...真係巧合啊!!
近呢個月係咁食食食...真係食得太多了...就黎又會變番做大肥婆喇!! 初三黃老闆生日...我地又會上大陸食食食喇...@@~~!!!
食飽飽之後...見無落雨...又唔想咁早返屋企...點都要去行下花市感受下個氣氛...所以忍痛都要去大埔個細細花市行一陣!!!
呢個花市真係超級細...哈哈~~~~ 我地行左唔駛半個鐘就行晒喇!!!
無買到花呀...因為又貴又唔多靚...所以只係用左四十蚊...買左個風車同埋舊屎屎搥仔~
轉轉轉~~~~~ 轉走晒牛年既衰運!!!!!!!!
兩個傻喱響祠堂玩風車...d風勁到丫...幾驚吹爛個風車!!!
阿B : 祝各位虎年行大運...日日好開心!!!
阿豬: 祝各位虎年心想事成...身體健康...!!!!!
返到屋企...阿B話要食湯圓...團團圓圓喎!! yummy!!!!!!!! ^_______^
之後整埋個全盒...準備過我地結婚後第一個新年喇!!!! 今日阿大嫂問我...結婚後第一次過年係咪有氣氛好多...?! 我話係呀...特別係入利是呀...原來真係會肉痛架...哈哈哈~~~ 不過能夠派利是比人...其實都係一種福氣呢...嘻嘻~~~
阿B幫部 Netbook 換左新裝...哈哈~~~ 大口仔過新年呀!!
舊屎屎好"過癮"呀~
回覆刪除[版主回覆02/17/2010 04:03:00]的確係幾得意架...清貨廿蚊...抵呀!!