JB1018 Wedding Party@晚宴與眾同樂篇

當我去左換敬酒晚裝既時候...兩位 MC 就出場同D賓客玩下遊戲...輕鬆下~~

第一個遊戲係估電視節目的歌曲名字...!!  玩法好簡單...會場播出歌曲音樂...知道答案的就鬥快舉手作答...答中既當然有份小小心意禮物送比你啦~~~ ^^  簡單又好玩~~~

初時都驚D賓客唔會熱烈參與...不過估唔到反應又好好喎!!  連一向比較"低調"既姊妹Y都第一個舉手作答 @@~~~  李克勤既歌...音樂一響起佢就曉舉手喇!!  果然厲害!!

估唔到連小朋友都唔弱喎!!!  你要讀書唔好成日掛住睇電視啵!!  嘿嘿~~

估舊歌...又點難到我兩位阿姨呢~~~~!!! 

阿姨話食菜咁易...哈哈~~~

呢個環節...絕對開正我細細佬o個瓣呀!!   佢呢個電視歌迷...單聽音樂都會知係咩歌呀!!  我地成日話佢...讀書又唔見佢咁用心~~!!  佢不停舉手作答...搞到司儀都忍唔住叫佢留番d機會比第個~~哈哈~~~

細佬話比我知...當晚佢都遇到d意想不到的強勁對手~~!!  就係幾個由外國返港的親戚喇!!   佢地都係狂舉手作答...又係咩歌都識...TVB!!  你果然係勁~~~!!

之後再玩答有關我倆既問題...當然有幾個答案選擇啦~~~ 不過一樣難唔到D賓客~~真係咁了解我地?!  哈哈~~

花女小G都識答?!  我地拍拖你都未出世啵...!!  好明顯係伴郎爸爸出既答案...佢出口答啦~~!! ^^  小G既眼神出賣左你喇~~~

呢位同事好積極作答...不過佢差D爆左我地既秘密...哈哈~~~

哈~~ 咁積極既?!  究竟你識答邊題?!

花女小T都識答...!!!  YEAH~~~

呢位係住我地樓下既鄰居...條問題係阿B和我在今年中秋有咩節目...1. 跳 HIP-HOP...2.......3. 放孔明燈~~~  佢第一時間舉手...梗係啦~~!!  哈~~~佢同我地一齊響天台玩放孔明燈架~~!!  ^_________^

第二輪遊戲環節響敬酒後進行...當我入左去換送客晚裝時...兩位司儀簡單地介紹遊戲玩法...並派給每位賓客一張大家都非常熟識的彩票...無錯!!  就係玩六合彩了~~!!  如果就咁抽禮物...好似無乜意思又無氣氛...所以諗到用呢個遊戲...呢個環節真係令全場投入...初時都怕你有你玩...下面有下面吹水...好彩擔心都多餘...哈~~

由新郎哥抽出七個幸運數字...緊張刺激...哈哈~~~ 個個賓客都熱烈地參與...!!

我表弟第一個對中晒~~~!!

仲有冇人中呀??    終於有四位幸運兒中晒咁多個數字...呵呵呵~~~

而我好快就換好送客的黃色A-line裙出黎玩埋一份!!

而四位幸運兒亦要先替我地未來的 bb 改一男一女的名字...之後由我地選出揀禮物的次序...!!

多謝各位精彩的名字...我地將來會好好考慮及參考...hahaha~~

小男孩的名字有: 曾俊華, 曾英俊, 曾係發等等......

小女孩的名字有: 曾美麗, 曾開心, 曾寶珠等等......

終於曾寶珠的名字大熱勝出...表弟可以第一個揀選禮物......

佢好開心咁話: " 咁梗係揀最大獎啦~~~~ 即係 " 任洗 $500"......."

當司儀拎份禮物出黎...都未打開...全場賓客就已經大笑拍晒手掌喇~~~~~嘿嘿~~~

究竟點解會哄堂大笑呢?!

我細佬笑到個口幾咁大.....?!  阿sa笑到無眼睇...?! hahahaha~~

兄弟H笑到拍晒手掌...?!

答案就係: 任洗 $500 ...這份我表弟口中及心目中的大獎...其實只係條印上 $500 鈔票樣子的大毛巾......真係好搞笑....哈哈哈~~~ 後來看到其他 blogger 還有 $1,000 的呢...哈哈~~ 不過...雖然不是真的 $500...但我們還是給他一封心意利是...hahaha~~ 諗番起都好好笑~~!!   這份禮物實在太有心思喇...哈~~~全晚高潮位呀...笑爆咀呢!!

至於其他禮物...燕窩...螺片...紅酒...真係食得既野黎架...!!  不過後黎聽同事講...佢地o個時仲估緊其他既唔知又係咩整鬼人既野黎......哈哈哈~~~ 其實禮物本來還有一副打得既麻雀...不過太忙...我唔記得左買呀@@~~~

真係好多謝兩位 MC 的努力及表現呢!!  ^____________________^

 

下回:

JB1018 Wedding Party@最終回~~ 依依不捨送客篇