大年初四~~~ 開年飯@@~~!!

今日依然係咁凍...屋企得七度左右...凍到有點頭赤赤的感覺...突然覺得自己變左個人肉雪櫃......好凍呀~~~ 好彩阿B係人肉暖爐...佢近黎好受難...哈~~

今日阿B的親人會黎我地屋企度拜年 & 竹戰 ...細細一見到大哥大嫂就非常開心咁...係咁哄住佢兩地要人同佢玩...   突然又變得咁熱情扮可愛?!

佢地由兩點打到六點幾...慣性都係阿妹輸...哈~~ 佢打牌好大癮的...噚晚佢先同二哥響樓上打二人麻雀...成晚跌麻雀落地...哈哈~~~

打到尾聲時...大嫂發現我地個廁所唔知點解反鎖了...哈哈~~~ 但係我地又唔記得D鎖匙放左響邊...所以全部人都無得去廁所...哈~~ 食完飯返黎搵左一輪先搵到開番...真係搞笑~~

今晚又 book 左麗豪酒店食 " 開年飯 "...因為二嫂識人...所以就響度食啦~~ 食物質素唔差架!!

同場派利是...哈哈~~~ 因為姪女無黎...所以由佢 daddy & mummy 代收啦~~ 阿妹話要同姪仔一齊收利是...真係派得好開心...三哥仲問我: 今年係咪好多人叫我曾太呢?   仲問我慣唔慣...?!   哈~~ 感覺幾得意就真! 

今晚有專人為我地寫菜譜...隻貴妃雞改左佢地拎獎既茶王雞...上次公司黎呢度食都有呢隻雞啊...好味架!!

好耐未試過有專人響面前切片皮鴨了...隻鴨唔太肥...幾好~~!! 

呢味蝦仁蚌片都幾好味...

每人有兩隻鮑魚仔...幾好味啵~~

呢味生菜片包鴨崧都好好味啊...好爽口呢~~~   d 生菜仲好好心機逐塊用有 "牙" 的剪刀圍邊黎 cut 呢...

今日條魚蒸得剛好...好好味!!   個翅簡直一流...係近黎食咁多餐至好既一餐翅!!   隻雞真係保持水準...果然係得獎之作...!!   水餃都係落足料的...隻蝦好爽好大隻!!  Good!!

呢個琉沙奶黃包好好味...係我第二次食喇...!!  反而個飯就無乜味~~ 個糖水都 OK...

今餐好好味...不過近黎食得太多喇...好彩聽日暫時無節目...我地兩個可以響屋企休息下...我想訓教呀...哈~~~

初六 plan 左去朋友屋企拜年呀...同樣係新婚的兄弟A仲話第一年要同我地交換利是...佢話點都要逗我一封利是喎...哈~~~是旦啦...至緊要高興!! 

初八 plan 左 acer family 黎我地度拜年...呢個新年真係超忙又充實...不過相對休息時間就少左好多...新年梗要熱熱鬧鬧既...一個人孤令令我實會悶 x 左 (新年唔可以打呢個字出黎...)......