年初九~~返工的第一日

今日終於要返工喇~~~ 好彩天氣已經回暖...  ...但係就好潮濕...上落樓梯都好驚"線"低...真係一步一驚心......

第一年響公司派利是...哈~~ 聽得最多係~~~終於都到你地喇...!!  哈~~ 係丫...有些結左婚都問我拎利是呀...佢地話我地第一年派就要比喎!!  其實有一個係為左想要個利是封...HA~無所謂啦~~ 至緊要 happy~~!!    有兩個同事派左利是比細細呀~~ 放心啦~~我有幫阿細儲低d利是錢架...!!  佢出世咁耐...都收左成十幾封架...我爸爸又年年都會比一封呢個孫女呢...哈哈~~

個個一看個利是封就話好得意...哈~~ 不過普遍鍾意香檳金o個款...可能個圖案突出d啦~~

玩派利是都玩左好耐...因為去到個個位都 social 一陣...我同阿B一齊去派...家下先有個感覺真係結左婚...哈~~

下午公司食春茗...今年玩下突破...去左麗豪食呀...下午食大餐...真係有點別不消...太多野喇~~ 而且近黎食得太多呢類東東...有點怕怕...

放假既後遺症就係換黎成檯都係等住做既文件...仲要拿拿聲計糧呀...呢個月仲係得廿八日添...換句話黎講...聽日要交功課...仲有又見到D Auditors...um...仲有幾份野等住做...真係無乜衝勁添......

夜晚去左上水行街街...和阿B分頭去睇心頭好...呵呵~~各自睇係因為費事被對方依哦...哈~~ 行左一陣阿B打比我...佢話見到間食壽司既...不如食呢間...因為開始人多...佢已經拎定等位飛仔喇...好呀...試下新野都好~~~ 其實o個時只係六點半...呵~~早d食唔駛咁咁耐位都好既...

其實以我地食野既速度...好快會搞惦一餐...不過今日等呢客雞翼就食左個幾鐘頭...等極都未黎就問個waiter...佢之後回覆話...之前整好左...不過跌左落地...所以要燒過.......o下!!  一燒就燒左半個鐘.......不過呢客 "一味燒雞翼" 味道確係 very good!!!  個名我地笑左好耐...因為個意思好似燒野食時...只係猛燒雞翼...其他咩都唔燒...哈~~ 我都知我地好無聊.......heehee~~

仲有呢客咖哩鹽燒三文魚...幾都特別...因為我未試過食咖哩味既壽司呢...呵~

食完飯...見到有間賣咸濕野既鋪頭...么鳳...我好耐以前響銅鑼灣買過黎食...以前好似得一間咋...家下原來已經有咁多分店...好耐無食過呢d野...所以揀左兩樣黎過下口癮...不過原來都唔平...烏酸梅八粒 ($16)...檸檬三片 ($8)...阿伯伯請我食左粒話梅...都幾好味架...不過要成 $30一磅呀...好貴喎!!