年初八~~新年假期的最後一天

今日係新年假期的最後一天了...時間過得真係快呢~~ 懶洋洋的假期好似倒水咁快就過晒喇!!  聽日要返工喇~~~不過想起聽日返公司一齊第一年派利是...真係幾得意~~   我已經將黃老闆既美德發揚出去...將祝福寫在利是封上...哈哈~~~ 寫到手軟...原來...爸爸寫的時候真的充滿著心意的...因為寫咁多真係唔容易的...少d心機都唔得...我現在完全感受到了!!    至於朋友的那幾封...裡面已包含更大的心意...已經唔駛寫出來了...哈哈哈哈~~~

今日相約了幾個朋友黎我地屋企雀局...佢地認真客氣...每人拎盒野黎...OMG...我地兩個人兩個口點食得咁多呢?!  家下屋企有成五盒野呀!!!  另外...叫佢地買二寶果汁糖入黎諗住簡單D...我又鍾意食...點知...佢地簡直去掃場咁...掃左成十幾包入黎...@@!!!  終於要分番D比佢地帶走呀...但係...我仲有好多包呢!!  而且今次仲要係加碼裝...多送 40g!!!!  我驚我食完從此怕左食二寶呀!!  哈~~

點食得咁多呢?! 

今次佢地打台灣麻雀...次次食糊都要講一大輪野...依依哦哦咁...好搞笑~~ 我幫阿B落場打左兩鋪...太多牌...又有把尺喎...好多規矩架...我都睇唔切...個腦好混亂呀...都唔明佢地點解仲可以一邊吹水一邊打!!  我勁緊張呀~~有次我仲差D摸錯隔離手頭上既牌呀!!  @@~~!!  兩鋪都輸呀...我再打落去...阿B一定休左我呀...哈哈~~~

細細今日好乖呀...可能訓左成個新年啦...佢好精靈呢...哈~~~ 叫佢做乜動作都 ok呀...不過當然要有野o也啦...嘿~~

Amy 幫佢影既大頭相...好搞笑~~

佢又當自己係貓貓喇...響梳化上行 catwalk呀!!

少有咁乖巧...肯同人正正經經咁合照...哈~~~