2010-12-29 什麼店又有寶了!!!!

今日 lunch 去左買 M 記食...買完就上去什麼店行一轉...睇下有冇寶物...喎?!  有新年用品喇~~~

見到好多日式利是封...好可愛...!!      有俄羅B呀~~ 唔知點解我會買咁多....@@!!   每 pack 有 15個架...其實我上年訂既大口仔仲可以用多一年的...算了...都買左...或者派比D應酬份子啦~~~不過真係好靚架...好靚架...好靚架.......!!!!!!    仲有睇中個俄羅B化妝袋仔...不過要$25...我又有太多呢D袋仔 (又唔化妝...唔知點解咁多...?!)...所以最後無買到...第一次咁英明決絕!!! 

之後行去另一邊...見到好多 stamp...for 新年架!!!  咁咪可以整新年咭囉...?!  其實我未有 idea用黎點整...不過好開心係咁揀呀揀...成盒有兩層印仔...一半係一樣的...我好鍾意個不倒翁公仔...自己又無時間雕...雕又未必雕得好...所以唔覺意都揀左一半...@@!!!   有成10個...... (不過我唔知印出黎效果好唔好架...@@!!)   收銀個妹妹仔...係咁摸d 印仔...猛話呢d好好玩...好搞笑~~

揀完之後先記得自己無帶環保袋落黎...唔通入埋落個麥記紙袋度咩?!  之前見到有款木盒...都好似幾好咁...用黎放木印仔都好丫...所以就買埋...!!!

比完錢放埋d印仔落去...仲可以插埋d利是封響側邊...捧番公司...靚~~~~!!  真係去親 10 蚊店都出事...嘩哈哈~~~ 其實我今日係想去睇下有冇靚靚 masking tape 賣...不過又係無囉...~___~"  可能唔會返的了!!

2010-12-28 慶祝完成小手術的蛋糕

今日阿B要去做一個小手術...雖然只是15mins的小手術...不過我都很擔心...

手術完成...今晚買了一個小蛋糕給他...你要身體健康啊!!!!    傻瓜!!  還像小孩子...哼~~

迷你芒果趣趣...很可愛的樣子~~~!!

近來天氣太凍...我們的小狗又發揮佢痴身痴細的本領...哈~~~其實我同佢在亙相取暖...我好鍾意比佢咁痴住...好溫馨的感覺~~~!!  嘻~~~

 

 

 

2010-12-27 兩公婆會展拍拖趁熱鬧~~呵~~

之前響屈人寺買野送左兩張冬日美食嘉年華的入場劵...所以趁 last day ...兩公婆就走左去拍拖拖趁熱鬧...!! 

不過人山人海...哈~~~ 都預左了...

贈劵還包括冬季購物節的入場劵...哈~~~ 其實無乜野好買...不過呢度確係咩都有得賣...好似年宵市場咁...好熱鬧...好多新奇野睇...千奇百怪...有d真係得啖笑的......

法國婚紗都有擺檔...@@~~!!!  還有幾間婚紗攝影公司的...差d以為又去了婚紗展...

家下d傢俬設計令人拍晒手掌...不過實唔實用就......朝早係櫃...夜晚變大床...得左~~!!    每日起碼有兩次做運動既時間~~~!! 

我地居然響呢度有收獲...哈哈~~~~ 買左個細細至怕既東東...就係自動吸塵機...唔知實唔實用架...不過覺得幾有趣咪買黎試下啦~~~ 試左呀...都ok丫~~~ 哈~~~不過細細就驚到係咁跟住我...但又要八卦去裝佢去到邊喎...笑到我地丫~~~~  好玩~~~

之後正式向美食嘉年華會場進發...多人到不得了.......

賣既野唔覺太有特色...亦唔算平...所以我地都係食下野算了...都食左成舊水有多架~~~!!!

同場見到阿幟哥響度監場...好嚴肅的老闆@@!!!

行到六點幾...拎埋部吸塵機搭車返大埔食 dinner~~~

好開心的一天~~~

呢幾日的假期過得好充實...又要返工了...不過好快又有另一假期的來臨...期待...期待~~!! 

2010-12-26 聖誕拍拖周圍影 (Part 3 1881 Heritage & 海旁@尖沙咀)

兩個鄉里過完海之後...就搭車去尖沙咀搵野食...搵到間叫做 "澳門茶餐廳" 既餐龐...不過都係食地道香港茶餐廳既野...哈~~~ 我o個個咖哩雞飯...d飯仲係硬的...終於食完仲去左 M 記食左個包餐...

食飽飽之後...又行左去 1881...嘩~~~呢日超多人呀!!  上次影左下面喇...今次上埋上面...都幾靚喎...草地上好多巨型的水晶玻璃球...!! 

究竟有冇人會傻到向水晶玻璃球許願既呢?!  我信有架!!!  o個個咪係我囉!!!  呵~~~

每個有唔同特色...太多人...無影晒咁多個呢~~~~

多人到呢~~~~~~!!!!  好似嘉年華會呀~~~好熱鬧!!! 

香港的夜色...幾時都係咁靚的...生在香港...我覺得好幸福自豪~~~!!