2010-12-04 K & DINNER@Shenzhen

上星期六...約左細細佬 & 佢女友一齊去深圳唱K & 食晚飯...本來去小肥羊打邊爐...不過細細佬皮膚敏感仲未好...所以去了唐宮食飯...希望細細佬快 D 好番無事啦...真係令我好擔心呢~~!! 

近年大陸開始重祝聖誕節...而家好多地方都有聖誕的飾物佈置... 錢櫃的大堂佈置得幾靚呢~~~

夜晚去左唐宮食晚飯... D 菜色幾精緻...不過唔太啱我既口味...而且下午時我食秋刀魚哽了魚骨...之後佢地叫我食個麵包嘗試等條骨食埋落肚...又猛飲水...都無效...所以我極飽...食咩都唔會覺得好食!! 

話時話...全家人我食魚真係至水皮...少少骨都搞唔惦...但我細細佬呢...就係食魚專家...佢食親魚都令 D waiter 目瞪口呆好似睇表演咁...因為佢食到條魚可以無乜骨剩...所以我成日笑佢係 : 化骨綿口~~!!  哈哈~~

仲有隻雞好奇怪...係臘雞黎架...好細隻...仲要係臘左!!  好特別...不過我唔鍾意食臘味  

衷心希望細細佬早日好番晒...佢話好番請我地食大餐...一言為定啊...快D好呀!!  努力呀!!!!  你得架!!!