2010-12-13 熱鬧的泰亨鄉太平清醮...好好玩~~

住在泰亨不經不覺已十年多了...阿B更是在村中出世長大的...村中有習俗就是五年就會有一次太平清醮...阿B話比我知呢度五年一小醮...十年一大醮...今年就是十年的大醮...比起十年前...呢度環境改善左好多...甚至有本地旅行團都會黎遊覽呢度既文武廟 & 文山公園 (有小橋流水 & 文天祥像架)..哈~~有時見到D"遊客"...我覺得感覺好得意...!!      呢度環境真係唔錯的~~~

而且屋企附近有個荷花池...成日都引黎好多攝影發燒友黎取景...唔係講笑...早幾年有朝返工就見到周潤發黎影相...哈哈~~~

今年的荷花特別靚呢~~~~

建醮期為 12月13日起至12月18日...今年政府更為村民建立了一座牌坊呢~~

仲請黎鴻運粵劇團黎到公演...班底有汪阿姐 & 家英哥...如果有埋福祿壽就好了...

好熱鬧啊~~~~

公演就開始喇...第一場係六國大封相~~!!

第二場係穆桂英大破洪洲~~!!

哈~~~還有紀念品售賣呢...好搞笑~~ 有肖像 T-shirt, 啤牌, 紙扇呢~~~

另外...仲有好多平時市面已很少見的小食檔...

哈~~~很好吃的麥芽糖餅干~~~

還有油柿~~~

伯伯賣的龍鬚糖很原味...不過幾甜下.......

有一個賣糖的檔口長期堆滿人...因為又有得玩又有得食...哈~~~ 睇下我地玩得幾開心就知啦...

用糖黎吹波波...真係第一次呀...伯伯話要抉在快...用陰力吹...吹到大過佢個銀圈就有獎品...失敗了的話都有安慰獎的...而且吹完之後...可以食埋個波波...趣趣地...好得意~~~

阿B第一次吹已經成功喇...佢可以有禮物呀...就係動物糖一支...!!

我拎左支海豚糖黎影相...呵呵~~~因為...之後我試玩...但失敗了...!!! 

哈~~~ 千祁唔好咁大力"鍊"支糖管呀...!!

初頭吹都好成功...個波 D 糖好均勻下.......

點知...可能緊張...支管比我鍊埋左口...個波未穿...但無氣入到...所以係咁大了~~~

失敗左...唔緊要...在乎過程...HAHAHA~~~ (幾咁阿Q!!) ...都有安慰獎啊...係支糖仔~!!

嗚~~~太細穿過左伯伯檔口前的銀圈圈啊 ><"

哎呀~~~ 檔口前的小妹妹吹的比我大呢...嗚~~~~ 好無面!~!!   哈哈~~