2010-12-18 細細的第一次@My Memory

響我地結婚14個月紀念日呢一日...有個無聊的主人之前買左張團購 coupon...所以呢日就帶左細細去 My Memory 既 studio 影相相...

帶左幾件衫仔去...又帶左d公仔零食...平時都成日幫佢影相...不過未試過出去比人影...唔知影成點呢?!  兩個鐘頭既攝影過程玩得好開心...細細又唔怕生咁...周圍走黎走去...仲唔客氣咁跳上人地張梳化...@@!!  個個見到佢都話得意...又走去痴住人地...@@!!  我地隻狗仔係怕狗唔怕人的......基本上佢已經當自己係一個人黎架喇!!!  係一個怕狗既"人"....

其實要捕捉狗仔的神情真係幾難...佢地唔識擺 pose...又唔會坐定定...真難為了攝影師 Icy...極有耐性拎全細細's 玩具...係咁叫阿細個名...細細~~阿細~~~ 細細呀~~~ 阿...細~~~~ 係咁不停叫引阿細注意...唔理影得好定唔好...呢兩個鐘頭既過程已經令我地好難忘......有時...我更著重當中的過程多過得到的結果...如果結果滿意當然係好....嘩哈哈~~~

臨走前...兩位攝影師問我地仲想影乜...我話想同佢地黎張合照....hahaha~~ 很爽快的一口答應...還可以用我地既相機仔~~!! 

很年輕的攝影師 Icy & Kenneth...我也明白...用 $688的價錢係咁上下的了...哈哈~~~

就是他不斷的叫阿細...細細...哈哈~~~~ 我仲笑佢第二日應該會聲沙了.......

約左 Jan 3, 2011 去睇相...影得好既話...其實我有諗過全部要晒的......就睇下佢地既能力可唔可以做成我呢單額外的生意了....!! 

隻傻妹...玩左兩個幾鐘...一上到車就累到即刻訓左...仲扯晒鼻降添呀!!!  hahaha~~ 阿B仲笑佢...話佢好似玩左兩晚通宵咁累...!!! 

點搞佢都無反應...好乖咁響我對腳上訓得好舒服.......

細細~~好唔好玩啊?!