2010-12-16 Jovial Mini Chipboard Album

又走入時光隧道喇...今次只係返返去前幾日...唔算過份呀可~~?! 

今次又去學一本聖誕相簿...之前返學都係響旺角返...自從 12 月後...Pegco Cafe 就由深水埗搬左去銅鑼灣喇...地方都大了很多呢~~~

其實我一直行商場都唔會記 d 名...哈~~~ 仲響度猛問人邊度係銅鑼灣地帶...原來我黎過呢個商場架喇!!!   我覺得呢個商場唔易行...對我呢d路痴好易會迷路...響商場入面都會行到唔知自己去左邊~~~

明明知道門牌 no....行行下無拉拉又去左第二條巷...終於都係問人...不過 d 人都係叫我逐條巷搵...終於在最角落見到目的地!!! 

Peggy 佈置得好靚呢~~~ 一入到去就不停周圍睇...好多野都想擁有...不過買太多了...學識了忍一下...呵呵~~~ (懶醒!!  睇你忍得幾耐!!!   

鋪內有張長型檯...今日有四個學生...等齊人就開始上堂喇~~~

見到關於聖誕既野就不其然好開心...全年我最愛就係聖誕節喇!!!  今次本相簿既 materials 都唔錯呢~~~~ 嗚~~~ 不過返到屋企至發覺...我趺左 Peggy 比我條繩呀 ><"

今次無再同白膠槳玩遊戲...一開始就整相簿既 decoration 喇~~~ 都好喎...上次花太多時間在玩白膠槳...變左做唔到相簿的 decoration ...!! 

呢日係近黎最凍既一日...著得太厚喇...有點焗...做做下開始有點在發夢...哈~~~當然又搞錯野啦...又拿拿聲做多次囉~~!!!     錯咩?!  咪係個活動機關啦~~~ 預唔夠位啊!!!

今堂又 overrun......只係完成了四頁...距離終點仲有好遠...嗚~~~ 總共要整 16頁架!!! 

UM~~~~ 呢幾頁其實都幾簡單的...都唔知因乜我要整咁耐...實在太慢了...真係要裝對摩打手先得~~~~