2010-12-19 樹頭蛋糕

上次整過原味的聖誕 cake ...今次我地要整既係聖誕樹頭蛋糕...好可愛的做型...不過係朱古力味...我同阿B都麻麻地朱古力呢~~!!

今次同兩位朋友一齊去學...上到去MISS已經幫我地準備好晒D材料喇~~

將可可粉加入已打好的蛋黃內...再搞勻...有點衝動想問MISS可唔可以唔加...嘩哈哈~~

各個同學的蛋糕入晒爐焗喇~~~~ 香噴噴的~~~

焗蛋糕既等待時間...我地就揀裝飾物喇~~~揀左上次無揀到的...其中兩樣食得...個牌唔食得...HEEHEE~~ 好靚靚~~

蛋糕出爐喇~~~~ 喎...真係好香喎!! 

將朱古力醬批盪響個海棉蛋糕度...再整D樹紋效果...再"初" 平D 糖霜放在蛋糕面...唧埋溶雪效果...放上飾物...差唔多完成喇~~~

差唔多完成既時候...我又出錯了...嗚~~~~ 本來屋前我係想寫 X'MAS 2010......點知...寫漏左個 M 字呀...我即刻挑番個 A 字出黎...不過D紅色已經食左落白色糖霜度...嗚~~~朋友幫我不斷想法子...終於我決定用粒 strawberry 度遮住一了百了!!!  呵~~~~ 不過亦因為咁...太怱忙我無將 strawberry d 水吸乾身.......返到屋企時...蛋糕紅了一片...hahaha~~

三個人一齊整蛋糕...有講有笑...好快就完成喇~~!!  好玩~~~ 好開心!!

三個既作品各有特色......我覺得個個都咁靚~~~heehee~~!!  因為個個都好比心機架!!! 

入盒喇~~~~ 每次整完都好有滿足感...!!!

好鐘意miss提供既聖誕蛋糕盒...真係好靚呢~~!! 

每次整完...都會送比曾生...今次都唔例外...如果唔係為左佢...其實我都唔會咁好恆心呢~~!!