2011-04-28 銀黏土寵物名牌

一向都鍾意銀器飾物...因為鍾意佢就算變左色...只要用抹銀布抹下就會變番靚靚~~ 而且銀器設計都比較型d...加上銀器比金呀鑽石呢類飾物便宜好多...我呢d貪新鮮既人可以用有限既 $$ 買多幾款黎玩下啦~~~

上年有朋友去讀過關於寶石設計課程...其中有銀器製作...聽到我都想學...不過佢讀嗰d太貴成幾千蚊呀...唔啱我呢d玩玩下既人.....

直至見到木棉花有開辦呢類課程...而且仲係整寵物名牌...心郁郁左幾個月......但係 d 日子都撞晒期...終於今個月夾啱時辰八字喇~~~

我之前都未上過呢個 workshop...只係知響利舞台附近......有次去開嗰頭...無意中抬起頭就見到某大廈既二樓就係佢個招牌.......真係緣份!! 

星期四放工後就上去返學...都幾緊張下...雖然有整過麵粉花既經驗...但係銀黏土要燒架喎...整衰左無得再黎過喎!!! 

Workshop 隔離係間貓 Cafe ...有幾隻貓貓響度招呼客人...好得意...間中都過下黎 workshop ...感覺好特別的一個地方...好隨意好親切既感覺......

原來今日得我一個黎學銀黏土...其他人都係黎學燒玻璃...佢地開行幾支火槍...人又多...又熱又嘈......我地兩邊形成一個強烈對比...哈哈哈~~~~

首先就要將寵物牌主角的剪影...用油性筆印畫在膠片上...然後剪出黎...呢 part 剪到我眼又懞手又痛...太細粒喇~~!!!  個圖要剪成 1.5 x 1 cm 咁闊咋!!! 

之後要搓舊 10g 既銀黏土...要溫柔的搓...唔可以太大力...如果覺得有裂紋乾過龍又要加 d 水比佢待乾......

再用膠片放左已搓平既銀黏土...用大頭針界個牌型出黎~~~ 然後寫細細個名 & 出世日期~~~ 好鬼難寫...又驚寫穿喎!! 

剪左出黎既圖形要畫番出黎睇下有冇地方要修補...補左幾次...唔敢再剪喇...驚剪衰左呀!!      覺得 ok 既話...就可以放在銀黏土上界出黎.......好緊張呀...好彩之前學過雕印仔...雕佢個剪影出黎都可以一 take 過...@@!!!   重重舒左一口氣~~~~ 不過用大頭針真係幾難控制~~

之後要放上爐面慶乾 d 水份~~~~

用鏡面測試過無晒水份後就開始打磨喇~~~ 將 d 一忽忽唔平既地方移走晒去~~~~ 再睇下有冇地方要用濕既銀黏土修番......不過打磨時都要當件作品係豆腐黎看待...整裂左或跌落地爛左就要由頭黎過架喇~~~~!!!

之後磨到個邊都唔界手就可以收手...睇過完全滿意...準備入爐燒喇~~~

入燼喇~~~~ 好緊張呀~~!! 

等待燒既過程...無無聊周圍昅下...呢度就係整銀器既工作室...嘻~~~ 下星期我會響呢度玩呀!!!!

今日我就響呢邊學...我同 miss 面對面...一對一教學...超好~~~~ 不過後黎有個之前學戒指既學生上黎修補隻斷左既戒指...所以變左一對二...嘻~~~無所謂啦...咁仲無咁緊張添~~!! 

等左 10 mins 可以出爐喇~~~~ 勁興奮呀~~!!

拎出黎要灘涼番先得~~~~

燒出黎 d 銀係白色架~~!!!  之後再用硫磺濕字牌...等到 d 字變黑......跟住就係力的表現...係咁磨番光滑靚仔...磨到我手都痛呀~~~!!  好攰呢~~~!!

我就係用細細呢張相黎做剪影喇~~~!! 

似唔似呀?!  要加點幻想力 & 催眠下 (先合埋眼先...腦中諗住呢隻係細細黎架...再張開眼)...咁就一定似架喇~~~!!!  嘩哈哈哈~~~

第一次做黎講... miss 話我已經做得幾好架喇~~~~我問阿B佢話合格以上...口亨~~~

我覺得呢個 Miss 同教我整咭的 Miss Vivien 有點似...嘻~~~~

好玩~~~~ 比想像中易~~~~!!  我仲買左盒 kit 比阿B試玩下~~~~