上年已看到大口仔出左對結婚公仔...係原裝貨唔係A貨黎...不過咩都未定...算啦~~
之後又唔見有得賣...心想同佢都係無緣架喇...算啦~~~
今年新年前...無意中響吉之島既 Sanrio發現又有得賣呀!! 好開心...要帶埋阿 B 一齊買先得...終於響新年期間帶左佢地返屋企...好靚呢...而且中式夠特別...顏色好有喜慶色彩呢!!
響網上搵到阿 Ron 幫人整呢 d 車頭佈置...但我見到佢仲幫人整介指座...好特別...好靚...不過我欠缺一對大口仔大口妹既細公仔...上網周圍搵...拍賣...交換網...好多精品店...唔好話大口妹啦...細既大口仔影都唔見到呀!! 但係我記得係出過一 set 的...於是周圍留言 : 誠徵抵價的大口仔大口妹一對!! 估唔到第日就有回響...係阿桐啊...原來我上年送左比佢呀...即刻打比佢...佢仲話幫我周圍搵下先...無就送番比我都得!! 好開心呢~~ 搵到喇...!!
曾經諗過用大口仔黎改裝...我屋企咩 size都有...不過始終過唔到自己囉...咁咪要變性囉?! ~__~" 家下咩都解決到喇!!
搵到公仔...即刻 send e-mail 比 Ron...因為知佢 5 月唔交收...暑假唔交收...所以要快快快!!!
等左幾日...佢覆價錢比我...雖然都幾貴下...不過自己手藝唔得就要靠人架啦!! 而且佢既手工我好欣賞呢!!
佢好好人...什麼都 OK...仲應承可以暑假前比我添...太開心喇!!
佢會幫我整車頭佈置...介指座...同埋一個頸花...要黎外影用...仲約左佢April 1 交 d 公仔比佢呢~~ 好期待啊!!
放工出左去深水埗德祥睇下好咩o岩買...都幾多款喎...終於買左 d 花仔...絲帶...裝飾品...不過買唔到我想要既 lace同埋黑布...
之後去左金都...今次係拎左對大口仔大口妹中式公仔去改為西式公仔...呢套係333送比我架...嘻嘻...真窩心...佢真係對我好好架!! 話說我之前響網度徵求大口仔一對公仔...佢幫我出去睇呀...見到呢對大公仔就買左比我...仲話諗住比個驚喜比我添...點知我自己一早已買左...哈哈~~~ 不過無所謂啊...我仲開心呢...原本都心思思...想買多對黎改西式...而家 333 送比我...一來唔駛比人哦我浪費金錢...二黎更見証到友情啊...哈哈哈~~~ 所以我應承333...我會將佢地扮到好靚...仲會帶佢地同我地一齊影婚紗相添...
真係好開心。。。之前問過花得囍做禮服幾多 $$ ...佢話要500幾...仲要等到八月先可以取貨...oh...唔得...我五月要影相喇!! 之前行金都...見有幾間都幫人整呢d衫...問過下都係 400 幾...公仔衫仲貴過狗狗衫啊!!!!!
決定搵美塋坊幫我造...基本禮服300幾...不過我想要大口仔著黑色禮服...襯番阿B夜晚既禮服嘛!! 而且仲加多件閃閃背心...好型呢!! 女仔就要 lace 裙...加皇冠送珠鍊...埋單400幾...仲貴過對公仔 @@~~
好多謝 333 呢~~~ ^__^
今晚帶埋阿 B 去百利睇絲帶...不過原來 d 絲帶唔夠闊身...起碼要 38mm 造出黎先襯到個花球...不過min要訂100 yd啊...太多了!! 所以都係再考慮下先...
點知上網 search 其他公司...有間報到 800 幾蚊...唔係嘛?! 至平都要 500 幾...所以都係算了...唔訂喇!! 唔係太值啦~~
今日阿B上大陸玩健身...我一條友又唔想響屋企o牛...而且個風筒又比我趺壞左...所以決定出去行下街...
先去左百利...再問下d絲帶既訂價...都係叫埋阿B黎睇先決定...跟住睇下 d 租衫既鋪...有間叫做COUPLE囍...D款都OK...另一間 Charming Image都幾好...搵日搵埋同學仔黎睇下先得!! 再睇下d姊妹裙...真係好多間而且好多款...到時d姊妹一定搵到心頭好既! 嘻~~
之後又去金都...其實我想睇下有間叫做 Le Marrige新開既...o個度d 衫都 ok喎...唔似其他鋪頭d款...價錢又唔太貴...因為我想考慮響出面搵多間黎租兩至三件...而溫馨有一件轉比伴娘...所以要周圍睇下...
跟住去女人街搵打孔機...um...其實我好少行呢度...又唔清楚係o係咩位置...唯有由尾行番上前啦...行到成條女人街中間左右...終於搵到間賣呢d既檔口...佢話 $38蚊...之後話 $30賣比我...不過 d blogger話 $25都買到...我費事講價...拿拿聲試完貨走人...因為實在太熱...人太多了!! 不過...買黎其實唔知做乜...或者到時打落雪糕劵同餅咭個封套度...見幾得意...打出黎又好似幾靚...咪買囉~~ ...女人錢係咁易賺架啦~~ heehee~~
再行信和...買左大口仔個筆座...呢度平呀...唔駛60蚊...之前上網睇呀...賣成兩舊水...咪搶啦!! 雖然係2005年出既絕版貨o者!! 好鍾意啊~~ 到時或者用黎裝住d簽名筆...
另外之前都買左個擺設...唔知要黎咩用...不過覺得幾靚仲有心心添...就買左啦~~~
之後行行下先醒起...今日出黎行既主要目的!! 買風筒呀!! 拿拿聲走番去豐澤...本身想買番一樣款...不過都係試同一牌子既另一個款...但係原來麻麻地咋...原本o個款好用d呀!!
跟住 send msg 比阿 B...話比佢知我而家返屋企仲問佢落黎未...原來佢已經響羅湖喇...咁咪約埋一齊食飯囉...呵呵~~好野...唔駛自己食!!
今日無所是事...所以去行街街...真係開心...可以一齊去搞有關結婚既野...
首先去油麻地冠南華睇下對褂鞋既真身先...兩條友少搭地鐵...成個大陸人咁...去到出左閘見唔係呢邊出口...咁咪行另一邊啦...點知本能反應...一見入閘機就拎出八達通出黎o都...呃.....我地剛出閘咋...諗住算啦...蝕左由佢啦...點知又唔比出閘喎...真係超瘀咁拎住張八達通去詢問處搞惦...佢仲問我地響邊度搭黎...~___~" 好瘀囉...!! 如果我地o個張唔係八達通 visa 咭...佢可能真係當我地係大陸人呀!!!!
冠南華間野既指示真係唔好...原來係街鋪...個牌又點左我地入個舊商場入面...終於問實蕉先行到去...
睇到對鞋既真身...下...加左20蚊喎!! 幾個月咋喎!! 不過睇真個款又麻麻地咁...所以無試到添呀...阿B自從睇左對褂鞋之後...居然有少少認同我著金色 Converse喎...哈哈~~不過可能到時我又改變主意呢~~ 我鐘意睇 mood做野架嘛!!
之後去左行金都...都係巡下咁...好似唔黎就唔記得就嫁人咁...哈~~ 不過都無野要買啦...至多遲d再黎睇下d 頭紗手套...
行下信和...入左間狗狗衫既鋪頭...有狗仔禮服呀...成3舊幾水呀...不過 d 質地同個款好似麻麻地...上網再搵下先...阿細都要靚靚架嘛!!
跟住去左花墟買花仔整下個花園...有花開見到會好開心架!! 買左棵向日葵~~ 好靚呢~!!
***
之前買了本大口仔記事簿...哈~~~ o個條繩係夾左響我地大日子o個版架...真係巧合呢!!
今日約左溫馨下午試註冊時既拖尾婚紗...其實開始對呢間野有d 失望...太多限制了!! 為左生意唔夠體貼囉!!
去到 yumi serve 我...後黎先知呢個妹妹仔d taste好有問題...理解又有問題!! 今日我都體會得到...
先拎番上次 hold既比我試...不過我覺得好似唔係呢條...而且舊左好多咁既?! 之後又拎埋 d 我地上次 mark左 no. o個幾件出黎...都唔係咁既?! 你唔係求其博我唔記得下話?! 得條泡泡款既係o者!!! 是旦喇...咁試啦...唔好話"叮"一聲既感覺呀...係完全覺得唔係路呀!! 除左泡泡o個條...其他既唔係舊就係個款唔 ok...又叫我剪雜誌比佢睇心水選擇...拎黎既差天共地呀!! 究竟係咪耍我地啊?! 因為呢個仲有下次轉一次款既機會嘛...佢咪求其囉!! 簡直浪費我既機會...時間及精神呀!!! 好唔開心...佢之後仲越拎越古怪既衫出黎...真係無佢咁好氣!! 仲叫我 hold左條泡泡先...下次揀晚裝時再轉囉...真係好慶下!! 試左一個鐘左右...咁我駛乜專登請假黎呢下?! 放工黎仲大把時間啦!! 激到我死死下!!
離開間瘟神公司之後...落到街好失落又擔心...仲有幾套點揀呢?! 而且呢度好似無乜A-Line款...我唔想下下條裙都裝機關變魔術囉!! 唉.....
***
之後去左觀塘花得囍...想買對雞雞跪墊架...無貨喇!! 斷左貨添喇...!! 嗚嗚~~ 今日真係黑仔呀...咩都唔稱心順利既?! 好唔開心.....
買左個掛飾都幾靚既...不過幾貴下...
***
化悲憤為食量...去左九龍城食放題...咩減磅都拋豬腦後喇!!!!! 口亨!!~~
行完婚紗展...去左上水睇金器...今年d金升到顛...長期9字頭啊!! 真係嫁得昂貴呀!!
我的至愛父親大人...佢叫我買幾多 $$ 都無所謂...至緊要我開心...其實唔駛真係買...有佢呢句都好窩心了...不過嫁妝一定要辦架啦...所以拎住佢講既數目向上水進發!!!
早幾日o係旺角都睇過下d 金鋪...不過真係唔敢響旺角買囉...驚一出門口就比人搶左啦!!
響上水廣場...成層大部份都係金鋪...周小福...周金金...六叔...謝水輪...景叔...馬belle...應有盡有...我地每間都入去昅昅坐坐...不知幾好招呼...有埋茶水招待...呢 d 經歷真係唔搞結婚都唔知幾時先會享受到 @@!!!
先睇謝水輪...其實d龍鳳鐲黎黎去去都係o個幾款...睇你買幾重既o者~~ 以家下金價計...要買一兩一隻既...一對要兩萬蚊!!!! so crazy!!!! 戴一陣咋喎?!
謝記d招呼都幾好...係咁介紹又拎出黎叫我試...呢世女未惦過咁重既金呢~!!
之後去周金金...個 sales好唔得...成日拎d重野出黎...一味叫我地買買買咁...好似唔夠quota開飯咁...@@!!! 呢間又唔多款...d鍊好土呀!! 態度加上質素...OUT~~
周小福...呢間好盡心盡力...亦係咁多間試得最多野o個間...鍊都試戴埋...唔買都戴過下嘛...沾下d 金氣...哈哈~~ 我仲試埋兩兩重o個 d添呀...真係重手好多架...不過我隻手咁幼...費事咁辛苦啦...我驚戴完要睇趺打呀...哈哈哈~~ 再重 d 都仲有...不過唔敢試啦~~ 都唔會買...玩下o者~~
本來想去六叔...因為有 VIP咭...不過見到景叔喎...呢間好少分行...不過又幾出名下...所以入去睇下先啦~~ 一坐低又係推D野出黎比我地試...不過呢個 sales完全企響新婚多駛費既角度黎去照顧我地既荷包...佢介紹左幾隻幾大體既比我地...ok喎...見我地睇d 重手都同我地單聲...佢話通常黎飲 d 人唔會多理你對手鐲幾重...反而會數你有幾多對囉...咁又係...粗d既當然會搶眼...不過真係o岩喎...我睇人都係數幾多對架啦~~ 邊會拎黎抨幾重既o者!? 睇中三對...唔同重量...之後睇中條花鍊都幾好...佢叫我地唔好揀龍鳳o個 d ...只係 for 褂時都ok...著晚裝戴會好娘唔襯囉~~
傾傾下至知...原來佢響2007年尾結婚咋...所以好明白新婚買野既人d心態囉...哈哈~~而且佢又係住大埔...都係揀左純美新娘影宴會相呀...哈~~~ 好有緣呢!!
佢估唔到我地三對都要晒...可能佢一直以為我地三揀二...佢呢次肥妹仔啊~~~
放到成檯都係金...響碌咭既途中...發覺鋪頭出面有兩個背住個袋又講緊電話既男人好可疑...重要望入黎又望下飾櫃度...而且佢地企左響度幾耐下...有一個發覺我地知道時就走左...實在好驚囉...上水多大陸人啊 ><" 總係覺得佢地係一黨既人...
之後個 sales 提議阿 B 將架車泊黎呢個停車場...到左就打比我...佢再陪我落去停車場...好細心呢!!!!
拎住咁多金...好鬼驚...邊度都唔去...即返屋企埋左去...!!! 其他未買既遲 D 再買喇...實在好驚呀!!
部份嫁妝:
我鍾意條鍊 D 花花夠簡單...感覺young d ...而且吊落黎o個 d 會郁架...heehee~~
呢張影得好搞野...哈哈~~ 六對?! 發顛咩?! 哈哈哈~~
要收埋入夾萬度喇~~~ 大日子時見喇!!!!
今日第二次黎婚紗展喇...今次主要黎用酒店張 coupon 影羅浮宮婚紗照...Decoration's package...唐餅...囍帖之餘此類...
可能我地今次早黎...唔駛排隊又無乜人行咁...今次分兩個 hall...大概分散左 d 人群掛...經過 d counter...特別係o個 d 拍婚照 o個 d 呀...係咁隊 d 章程過黎...猛 sales 自己公司...不過大概每個人結婚最駛 $$ 既地方...而佢地又係至搵到 $$ 既地方就係呢方面啦~~~
真架...而家每對新婚既起碼至少影兩輯...又用一生人一次既借口啦~~ 而且多左好多另類 d 唔似 d 大公司影o個d standard 相囉...大公司o個 d 基本換左個人頭咁之嘛...pose 一樣景一樣的...見慣見熟其實幾老土...所以多左好多另類標榜有特色既...而且外地影又係熱門...近黎多左人北上影...景多價錢平又特別...再遠d可以去澳門...日本甚至乎歐洲地區...
上次我地影既巴黎婚紗今次都有擺檔啊...仲認得我地添 @@~~ 因為我有個出名既細佬嘛...... 佢地遲 d HK都有分公司喇...都好丫...佢地既風格幾好...招呼...服務,,,環境...價錢...禮服...SET頭化妝都好OK好PRO...台灣公司係有一定既保證~~
之後又見到租車公司個sales...佢又認得我地 @@~~!!!! 真係咁易認咩?! 見過一次咋喎!?!?
睇左幾間 decoration 既...不過好似都係 casablanca 抵 d...咩都有齊都係 $3,300...仲有對水晶花柱...其他公司好多都要過 4 至5000元...所以我地決定搵番酒店做!!
本來想買唐餅劵...因為想派帖比 d 麻煩親戚時...拎埋比佢地...費事又話唔比面啦~ 都唔明啦...幾廿歲仲死要面...ok~~ 其實我一向都唔理你地 d 風風雨雨架啦...
可能好多野都搞惦左...而且有 d 野又唔駛急...所以覺得今次好似無乜野睇咁~~
所以我地走去主要目的地~~羅浮宮...雖然都知會影 standard相...不過又用唔好浪費張 coupon既借口...根本我都係貪過癮想影多輯...就算唔用coupon都會搵出面影輯外景相囉...身痕丫嘛 !!
其實影婚紗相既過程幾好玩架...又有人幫你扮靚做女王咁...o係影既過程當中兩個人都變得更接近左...之後睇相揀相又有驚喜喎...真係一生人無乜得幾多次咁好玩架!! 哈哈~~
本來想影外影的...不過要成 7千幾...加上外景影出黎其實都係o個句..未必知你響邊度...只係室外囉...所以放棄左迪欣湖同埋赤柱石澳 lu...揀番個園景同室內算啦...幾慳家丫我~~!! 又慳兩千銀可以用黎買相喇 ...heehee~~
將 coupon upgrade 左...其實正確黎講應該係 join左佢地一個 plan...而 coupon包既野佢都比埋我地...再加送多幾樣野...幾套衫...仲有個中式影...我覺得呢個幾好玩啵...因為上次我地無揀呢款造型呀...都幾得意架...平時無機會咁著黎影嘛!! 睇blogger影出黎 d 景都幾好丫...加上.....我地一個咁英一個咁俏...就算影既唔ok...主角都會 ok既...哈哈~~咪噓啦~~~^^"
排到5月揀衫影相...我當玩咁去影...其實都無大壓力丫...影出黎靚唔靚都無所謂...不過加相應該都會...不過我響呢方面比較要求高...佢?! 上次咪佢失守囉...!! 其實都預左駛$$架喇...所以我唔會講 d 自打咀巴既黎比人笑囉~~ 加 $$ 咪加 $$ 囉...開心錢駛得開心有乜所謂呢?!
又搞惦一樣...走人都係3點幾...之後...去上水做大買賣...嘿嘿~~
今晚約左同學仔及333陪我去試妝...本來想 book 阿 May 既...不過佢話比人book左喎...不過知佢串架喇...唔憂做...佢轉介左 大 S 比我...咁即管試下啦~~ 仲平D添...~___~"
搵 MUA 呢 part 令到我受盡打擊...家下d人嫁人驚死嫁唔切咁...晨早咩都 book 定...搞到我地呢d唔憂嫁既好煩惱....哈哈~~
去到尖咀...izzue 樓上...按門鐘無人應既...打比阿MAY...佢話大 S 應該就黎到...打比大 S..佢話就黎...UM...遲到...?! 扣了少少印象分......
終於等左陣...一個阿太款拖住個化妝喼既女仕出 lift...oh...又扣了少少印象分...阿太?! @@~~
入到去...細細間又佈置OK喎...乾淨...幾多頭飾下...其實之前睇 D BLOG友既相都有個概念係點既間格既...
首先佢幫我落妝呀...要影變身前既相...為免令人對我扣印象分...所以唔打算POST出黎趕客了...因為我都怕嚇親自己囉...
我D朋友仔呀...玩野呀係咁影相...幾部相機...前後左右咁影...OMG...o個一刻...好想戴黑超遮醜!!
大 S 好認真好 PRO咁圍起佢 SET 工具響條腰度...開始幫我塊面掃灰水!! 平時懶惰既我...無乜做維修保養...一上粉乾到丫... 大S即刻叫我快D去做下Facial !!!!!
打底成個鐘...佢地班友係咁影影影...其實之前影 pre-wedding都化過幾次妝...自己都見慣自己個假樣...化完佢地話無驚喜...因為淡淡地太似我喎...!!! 又話睇我唔順眼...之後睇睇下又話睇慣左順眼好多...我頂丫...你班友...黎 hea 呀?? 認真 d 啦!!! 成日哈哈哈~!! ~__~"
第一個係褂 look ...
佢地猛叫大 S唔好搞到我咁成熟...要 cute cute 地先似我喎...即係要低低地喎!!! 我頂丫!! 終於整左條小辮子響側面...都 ok既...或者...我真係適合低低地...!!
佢地班友仔丫...完全係 hea 樣...@@!!!
第二個 look...下午外影婚紗 look...主要想清爽d...因為我驚外影時會好熱...
第三個係迎賓 look...後面束起整到鬈鬈地...同埋將d頭髮放左埋一邊~
第四個 look...註冊look...不過未定係放晒落黎定係束起晒上去...總之一定會有皇冠啦~~情意結...嘻嘻~~ 我覺我束起會好 d...
大 S 話如果放晒落黎...頭頂會幫我 Set 高 d ...不過我覺得戴金剛圈好似麻麻咁...
第五個 look...敬酒 look...班友開始起哄...因為之前幾個 look佢地都見過我整過下...呢個佢地話好呀...似小婦人喎...~_______________~" 真失禮!!
最後一個 look ...送客...呢下簡直係全晚既高潮...因為個 look 正面好狂野...大 S話o個晚呢個 look 係唔會用任何飾物...會將我頭頂整到勁亂會塗晒閃粉做 Highlight!! 對眼又勁閃...總之搞到好似開 party 咁...OMG...佢只係整左少少...因為唔記得帶d閃粉黎...@@!! 我都接受唔到呢個係我...但係佢地猛話呢個好...我唔敢 POST出黎...班友...我開始懷疑係整鬼我!! 因為試到家下都十二點幾喇~~~ 真係人都顛...!!
正面唔出得街...!!!!!!
終於到尾聲決定既時刻...佢地話大 S算快手...咁短時間搞咁多個 LOOK...仲要佢地猛影相阻住晒進度都無怨言...好啦...就落訂...了左件心事!!
對大S的初初印象雖然麻麻...而且過程中佢都幾烏龍下...成日趺野...成日要搵野...好似無乜步驟咁...不過佢搞頭時好 OK...起碼比之前金都試o個個好幾百倍...希望到時真係OK就好喇...!!! 起碼有樣野令我放心D...煩少樣都好丫~~
不過我忽略左叫佢試多幾款眼影添...其實個妝佢無乜幫我轉到...一來我塊面都幾乾下...二黎阿太掛住搞個頭...唯有婚前三個禮拜左右...佢會睇埋我 d衫再設計d造型時...比多五舊試個妝啦~~ 我覺得呢下都幾需要...因為我唔鐘意到時靠即興囉...我份人鐘意穩陣嘛!!
大 S 話可以 join 佢 facial ...會用機做...兩舊幾水一次...其實價錢都ok既...等我諗諗先...不過佢話響佢屋企做...呃?! @@" 屋企都放部機?! 真唔真啊!? 不過唔駛喇......
不過佢話我d頭髮太直喇...最好之前電下有d波浪會好d...um...um...咁又係太直又太薄既...因時間關係...佢今日無幫我用包租婆髮鬈...而且我要求既係簡單一 d 既造型...因為太型太誇都唔係我黎...我驚仲唔自然...而且若干年後睇番會覺得好土囉...所以簡潔係我既要求...
搵左好多個律師唔係無期就貴...而且又唔知邊個好...成日上網睇人地既口碑...搵到我都煩悶...
終於阿B搵到壹誓証婚...佢睇過 D 片覺得服務內容都 OK...所以上網 BOOK 啦~~ 等左幾日先覆 E-MAIL confirm...不過要十日內比 deposit...所以今晚放工就出旺角辦事處比 $$~~ 三千多元...ok啦...大致上都係收咁上下...唔駛自己搵就好得多...唔駛煩了!!
希望到時個律師順眼唔漏口就 ok喇!! ^^
響搵律師既途中...見到一位徐律師的名字...哈哈~~佢係我地母公司其中一個 Director啊...原來佢都做呢方面既 case...哈哈~~ 佢收費平而且口痺幾好...不過佢無期丫...仲問我地夜d得唔得!? 下?! 仲夜d? 食食下翅黎註冊好無?! @@~~!!!
巴黎婚紗...我地有好多個做型...set頭化妝搞到好攰呢~~
婚紗 look:
好多人都話我地兩個似樣...睇呢張相...又的確幾似@@~~~
晚裝 look:.
呢個 look 既相揀左好少...唔知點解...@@!!
呢個做型我地比較鍾意~ 顏色好清新~~
宮廷 look...哈哈~~ 好扮野呢!! 不過無人地著宮廷o個種效果既?! @@~~
綜觀今次既婚紗相熱身結果...最明顯係我需要減肥!!!! 而巴黎婚紗...環境...服務...價錢都很合理...不過影樓既景要改善下...有d單調~ 結果呢次玩一玩...換來好開心既經歷...一本大相簿...三本 A4 size既相簿...全部用水晶面...好靚呢~~ 送了兩個旋轉水晶相架...一幅大油畫...一幅大水晶畫...幾個座檯水晶相架...幾幅大相...一張大布質海報...一張簽名布...仲有兩疊共24張的2R咭 (不同相片)...三張 flash CD...咁多野...響 HK要用幾多 $$ 呢? @@!!
其他未得閒影相...有機會先補番啦~~
***
有人話咁多野要黎都無用...只會影完睇完就會收埋...我承認係會收埋既...不過我影相係在乎個過程...呢D野好多都係 package以外送既...所以我都無所謂...更何況呢個係我地既回憶...我唔介意"浪費" d 地方黎 "擺"啊!! 如果覺得浪費地方放置的話...咁唔好影啦!! 係咪?!
上年5月影完外景...一直不是落雨就是天氣不太好...而且又不想七八月這麼熱的天氣去影沙灘...真的不想變燒豬呢!!
所以沙灘和內景的相...一直至上年尾十一月才影...哈哈~~~可能什麼也淡了...沒了新鮮感...反而這次沒去理髮...沒去洗牙...甚至沒做 mask...又唔夠訓既情況下去影相了...@@!!
由朝早七點幾去到化妝...今次幫我化妝 set 頭既 mua 係台灣人呢~~ 佢都幾細心...而且幾靚女...有d似阿嬌~~!!
o個日天氣超級凍...仲要出沙灘...佢地話沙灘今日好大風...所以會用多d噴髮膠...oh~~no!! ~__~"
因為太大風...吹到我地唔多舒服...只係想快d影完快d走...所以影出黎我地就覺得麻麻地啦~~
呢輯影得我好肥呢~~~~!!! 嘩哈哈~~~
今日去左巴黎婚紗拎埋本大相簿同其他物品 !! 終於搞惦晒 lu~~~
上年3月...因大細佬黎呢間 join 婚紗相 package...於是我地都試玩性質咁一齊 join... 唔記得 package 係咪四千幾元...不過我細佬天生討價還價好有一手...終於幫我地都爭取到好多額外野...而且仲 upgrade 左變成 VIP @@!! 真係多得他呢!! 這價錢在 HK影根本不可能...!!
第一次影婚紗相...好緊張呢...我地約左 5月先去葵園影外景...坐左3個幾鐘頭車...葵園D花又多又靚...好多人去影呢!! 不過記得當日天氣好熱呢...一路影我地一路係咁流汗...攝影助手成日幫我抹汗...佢都忍唔住話 : 呢位新娘好大汗呢!! @@!!!! 真係係咁滴過不停...哈哈哈~~~
影既過程都有D緊張...第一次嘛...笑起黎自己都覺得勉強...@@!!! 不過後黎睇番...反而覺得呢輯係影得最自然最好既!! 真係奇怪!!
葵園內處處都是向日葵的蹤影...哈~~
o個時都幾肥下...不過都無醒覺要減肥呢...大概...由細到大...我唔開心時就會自然瘦...所以都係有d肉好 d...証明我開心丫嘛...heehee~~ (懶人的借口~~!!)
今日下午約左巴黎婚紗拎埋 d 相呀...cd...相簿等...
咁我地決定去一次笋崗...睇下究竟呢度係咪真係如blogger所講既咁多野賣先得!!
去到羅湖就搭的士...兩個字左右就去到...廿幾蚊車費...原來呢度都近東門的...十幾蚊車費就去得到!!
外型不太美觀既舊型幾層高既商場...其實係個大型文具批發市場...都幾多喜慶用品賣...係咁行行行...基本上金都見到o個 d ...呢度都有得賣!! 仲要真係平好多!!!
因為時間既關係...所以今次只係黎觀察...下次寫好份 list 先黎掃貨!! 不過都買左少少...花炮唔知係咩效果...唔同 size買左支黎試下...
呢度都好多絲花賣...下次要入貨做下 d DIY野過下日晨先得!! 而且BD o個日我地會將樓下個花園佈置呢...而且我地計劃響酒店出門...將它佈置成中式都唔錯啊!! 所以呢度就o岩晒喇...花墟繽紛實在太貴喇!!
呢度有唔同色唔同 size既氣球賣...好平呢...我要橙色啦...紫色啦...!!!
另外發現之前響千色店買o個個水晶波波相架...呢度大既都係30幾元...上次隻細細隻都60幾啊!! 完全一樣的!! 包裝盒都係咁呀!! 所以買多左隻大size既~
呢度做水晶相架都好平咋...唔駛一舊水...um...等埋羅浮宮既相...揀張上黎整先得...到時放響receiption...so cool~~~ 哈哈~~
今日約左o係金都既 Marvier N Marry 試妝...試妝費 $99 ...當玩下...
呢間野新開好似唔夠一年...個老闆係譚小環結婚時既 mua...不過如果要book佢就成七千幾元...算啦...我又唔係明星...咁叫個sales求其比一個我試啦...
之前上生活易睇過下...不過無乜人試過咁...而且有時唔多相信呢度講既野囉...太多人自己出post讚自己或者跴對手...太唔真實...都唔識分邊d係真邊d係假囉!! 我呢d分析派...信自己多過你班友仔吹行水囉!!
mua黎之前...個 sales同我講...普通o個d mua因為無期...所以比個星級既我試...不過會貴 $800 ...ok...試下囉...唔係點呢?!
OMG...MUA一開口...講普通話?! 台灣人來的!! 唉...
化妝好有心機...不過...我對熊貓眼已經黑架啦...點解唔可以整得我精神D呢?! 居然重要用金色眼影?! 成個妝...對眼都幾重要嘛...個 SALES 仲話可能因我我 支力 ?! 咁 D 藝人咪比我更 支力 啦...根本係連邊 D o岩我都未知...
之前響巴黎婚紗...初頭都係 d 妹妹仔幫我化...完全精神樣...你話你係星級...價錢就係...手工唔係呢!!! 巴黎婚紗室內景係台灣化妝師幫我化...呢個先係星級...6個 look ...雖然我唔多滿意有兩個 look 唔襯我...不過都算係一個好既嘗試...只不過我唔鐘意成熟o者...而家呢個...唉....
之後...到 set 頭...我已經係無大要求...我呢 d 穩陣派...至簡單至o岩我...我已經叫佢 set d 好基本束上去放落黎...放一邊...放兩邊...都做唔到我要求?!
一試個褂 look...我心目中已肥左呢個 mua...實在唔得...我最憎人響我個頭度慢慢摸黎摸去...仲要成日噴噴髮膠...喂~~ 我黎試妝...你整硬我 d 頭髮點轉妝呢?! 咪又要梳散我d 頭髮...我個頭已經好少頭髮...每一條都好珍貴...我個心其實好唔開心...幾嬲下...不過我EQ高...我唔同你發脾氣...
之後又轉註冊LOOK...我實在無心機...只係想快D完...你玩啦~
第三個 LOOK...敬酒...個 MUA都 FEEL到我唔會 join啦...佢都無心整...整左一半都只係話到時會點點點...咁咁咁...
好彩隔離仲有個客...佢應該會 join...所以個 sales 都無為難我地...本來諗住等 mua走左先話唔 join...唔想搞到佢好無面咁...不過個 sales 居然大大聲話...得架喇...佢聽慣架啦! @@?!?! 下...又話星級...原來係星級妹仔呀?! 個sales仲話轉第二個比我再試...oh...咪喇...我無咁多時間丫!!
總括黎講...呢個都算係好經歷黎既...好彩唔係貴...哈哈哈~~~
搞惦租車...又響度行行行...見到好多攝影公司都好出力咁 sales外影呀...婚禮攝錄呀...咁又睇下啦~~
家下好多呢 d 公司幫人影外影...其實我地都有 d 興趣...如果唔用 coupon 去影羅浮宮...咁就搵間影外影啦~~
經過純美新娘...上次已經見到門口位哥哥仔好積極下...仲同阿B吹下水咁...今次佢又好積極喎...仲話阿B好熟面口添...個個見親佢都係咁講...我成日話佢一定唔可以行差踏錯...好易比人認人時一眼認出!!
跟住講下價錢呀...贈品呀...都 OK喎...比世紀仲送多左野...而且我見門口 D 相簿影出黎好 Sharp啵...咁先似影喜宴架嘛!! 之後又問我地鐘意個攝影師多野講定搞笑咁...我地一致話唔介意搞笑多口既...佢即刻話咁比個叫福哥既攝影師我地用...仲拎佢張相黎比我地睇下o岩唔o岩睇...哈~~我一睇就話佢個造型得呀...我 buy 呢類...即係個樣有 d 搞笑又戴白色膠框o個 d 搞鬼樣...輕鬆 d 嘛!! 我相信會緩和到當日既緊張氣氛掛...@@!!
之後又問埋佢用既機種...因阿 B都用 NOKIA D300啦...如果個攝影師用低過呢部既質素...咁好似有 D 那個囉!!
其實我都想加多個影 Snap shot既...不過要加多成兩千...又要比多個位出黎...已經唔夠位架啦...唉...所以都係算啦...叫 d 兄弟手足影多 d 啦~~ 都應該影到 d 野出黎掛~
睇埋福哥既相版...都幾好啵...好啦~~ 又決定多樣野喇!!
***
今日好厲害呀...租裙褂...book london taxi...加埋攝影錄影都搞惦晒!! 又行前一步喇...
其實都唔係遲左好多先搞o者...只係擺酒場地真係麻煩左 d 之外...其他大致上都好易搞...
一直諗住好傳統咁...花車一定要坐 BENZ...哈~~ 原來真係好多選擇的...
今次阿 B 比左個驚喜我...原來佢心目中係想搵倫敦的士做花車...都有睇過勞斯萊斯...不過真係幾貴下...
跟住入左金都某間租車攝影問檔期啦...o個條友...一睇就知唔老實...未問實就已想收 extra-charges!! 你傻架咩?! 佢打去問幾部都無期...oh...my purple...my pink...終於有部紅色同埋一部香檳金既...不過佢又話加 d 乜錢又要加鐘錢...唔係嘛...我地走一程都用唔到 min 既 3粒鐘...只係由旺角返大埔咋喎?! 仲要加多個鐘先得?! 又話要加長途錢...我個心真係唔忿氣囉...你好唔老實o者....咪起身走人囉...個 sales 態度即係 180度轉變呀...擲計數機...?! 車...我唔信成個場會無車租到囉!!
***
之後睇下d 攝影錄影公司...上左頂樓樓梯口間世紀...問下 d資料...o個個口水佬又大陣煙味...響度係咁講係咁吹...價錢都 ok既...不過佢放出黎幾本相簿...我覺得 d 色沉d 囉...我鐘意鮮色多 d ...喜慶嘛!! 即拍即派都 ok...唔係咁貴...之後想入去睇下其他相版...點知兩部電腦都用緊...佢叫我地行個圈先...轉頭人少 d 再去欣賞...呵~~ 你放我地走...你真係走寶啦...不過都嬴左我地既信任...o個一刻覺得佢幾有 heart!!!
行到隔離鋪...無乜人...睇下呢間又 sales 乜先...喎?! 原來呢間做 decoration 同埋租車架...有 london taxi呀...即管入去問下啦...佢比晒牌簿我地睇...係自己車黎...佢話其他既都係 agent...好似又比到 d 信心我地...@@!! (真係易呃...)
不過...purple...pink 都無期喇...鬼咩...特別係紫色呀...yahoo blogger十個用 london taxi都係呢隻色呀!! 仲唔 hit 爆咩!! 響網度借來給參考用的...謝謝~~
紅色299有期...外型新淨...都 ok喎... kathy仲話可以約睇車添 ...@@!!! 咁呀咁呀...是旦啦~~~ 又即刻 confirm 比 deposit ...唔收我地長途錢添呀!!
真係開心...誤打誤撞就 book 到了...呢個款好丫...夠喜慶呀!!
又行金都喇~~
今次係同阿 b 行... 響地下見到榮華 d 褂...都 ok啵...本來仲諗住去睇埋永隆...冠華...錦發...美華呢 d 鏽莊昅下...先前都做過下 research...點知...快人快事既我地...其實係費事再行再搵 @@~ 響無比較既情況下...由試衫...開單...比錢呢幾個環節都唔駛15 mins...會唔會破晒所有新人既紀錄呢?!
其實都知自己心目中想要五福褂...波浪腳...不過唔試上身又唔知效果如何...其實我都係試左兩件咁多...一件紅 d 不過都幾多金銀線...另一件就超多金銀線好少見紅...
先試中五福...一試上身... S size?? 又 ok既? 平時我著 M 架喎...唔通 d size 唔係咁分?! 我裡面仲著左件長袖中度厚既衫添...又幾 fit 身喎@@!! 而且紅色真係襯我 d...
之後再試多金線貴價 d o個件...oh~~ 好硬呀...著左好似唔識郁咁...太多針線好厚重呀!! 我個膊頭一郁就起晒角咁...唔得啦~~ 除都除唔切呀!! 哎~~ 我都係唔得貴氣架喇!!
再試番件中五福...舒服好多呀!! 起碼唔駛好似機械人咁...就咁就決定要呢件...阿 b 仲響我試埋條裙既期間幫我比埋 $$ ...駛唔駛咁快!!! @@!!!
sales 唔比我試成件出黎既效果...話一生人只會著一次褂...如果唔係唔老黎喎...我初時以為佢昆我...後來先知真係架喎!!
我驚條裙唔o岩嘛...佢話一定o岩啦...40喎...但我都算係籮霸...而且行為粗魯...所以都係試下坐下跪下得唔得先...如果唔係到時都唔知點算呀!! 賠 $$ 都仲有個數呀...響咁多人面前出醜真係永至難忘呀~~ 睇到既人!!
著番件衫...再將條裙併o係下身黎睇...都 ok 既...幾新鮮丫...哈~~ 至衰太匆忙...唔記得影相呀...家下我連條裙咩花款都唔記得呀...真失策!!!!
響榮華網搵番黎...而家應該係揀左呢件...@@~~ 唔太紅唔太金...可以接受... um...model 著得好睇好多...
***
我買左對金色converse效法馬仔咁著褂用...點知個個都反對...阿 B就話我鐘意囉...UM...點解你地咁傳統架?! 思想唔好咁狹窄啦嘛!!
